هێشتا دیارنینە ئومیكرۆن چەند یێ‌ كوژەك و دژوارە

د.ئاری حەبیب:

هێشتا دیارنینە ئومیكرۆن چەند یێ‌ كوژەك و دژوارە

بەردەوامیا بەلاڤبوونا ڤایروسی ل جیهانێ‌ ورێژا كێم یا وەرگرتنا ڤاكسینی ژ لایێ‌ وەلاتیێن جیهانێ‌، بەردەوام ڤایروس خوە دگوهۆریت, ئومیكرون ڤایروسێ‌ خوگوهۆرە ل باشورێ‌ ئەفریقیا بەلاڤبوویە و ل چەندین وەلاتی ل جیهانێ‌ تووشبووینە.

دهۆك,شڤان لوقمان:

د.ئاری حەبیب، تایبەتمەندێ‌ ساخلەمیا جڤاكی دیاركر ل جیهانێ‌ هەمیێ‌ ژ سالوخەتێن ڤایروسیە خوە بگوهۆریت داكو بشێت پتر خوە بگونجینیت د لەشێ‌ مروڤیدا, ئەڤ گوهۆرینێن نوی ل ڤایروسێ‌ كوڤێد 19 (كۆرۆنا ) پەیدابووین كو ئێكەم جار ل ئەفریقیا بەلاڤبووی, (ئومیكرۆن) جورێ‌ نوی یێ‌ ڤایروسێ‌ كۆرۆنا یێ‌ خوگوهۆرە كو ل باشورێ‌ ئەفریقیا بەلاڤبووی, خوگوهۆرێ‌ نوی (ئومیكرون)یێ‌ ڤایروسێ‌ كۆرۆنایێ‌ (32) گۆهۆرین كرینە كو خوگوهۆرێ‌ دەلتا ب تنێ‌ هەشت گوهۆرین كربوون.

د.ئاری حەبیب، دیاركر ژ ئەگەرێ‌ گەلەك گوهۆرینان پێشبینی دهێتە كرن كو ل جیهانێ‌ هەمیێ‌ بەربەلاڤ ببیت, هێشتا نەهاتیە پشتراستكرن كو ئەو ڤاكسینێن نوكە هەین چەند كارتێكرنا خوە دێ‌ هەبیت ل سەر خوگوهۆرێ‌ نوی پەیدابووی، بەلێ‌ بووچوونا پتریا نۆشدارا ئەوە كو رێژەكا زوور ئەڤ فاكسینێن نوكە هەین ل سەر خوگوهورێ‌ نوی ئومیكرون كار نەكەن ژبەر وان گوهۆرینێن گەلەك.

هەروەسا گۆت: ئەو كومپانیێن بەرهەمئینانا ڤاكسینی دایە دیاركرن كو ئەو پێدڤی 100 رۆژانە بو ئامادەكرنا ڤاكسینەكێ‌ نوی, ئەگەرێ‌ سەرەكیێ‌ گوهۆرینان ل ڤایروسێ‌ كۆرۆنا ئەوە كو یێ‌ بەربەلاڤە ل جیهانێ‌ هەمیێ‌ و كێمیا رێژا وەرگرتنا ڤاكسینی, هێشتا دیارنینە كو ئەڤ ڤایروسە چەند یێ‌ كوژەك و دژوارە، گەلەك جارا گوهۆرینێن ڤایروسی دبیتە ئەگەرێ‌ لاوازیا ڤایروسی بخو, نوكە ل چەندین وەلاتان ڤایرۆسێ‌ ئومیكرون بەلاڤەبوویە، وەكو بەلجیكا و هونكونك و ئیسرایل ژی چەند تووشبوویەك هەنە كو هەمی توشبووی ئەوبووینە ل وەلاتێن ئەفریقیا زڤرین.

ناڤهاتی دیاركر هەر گوهۆرینە كا نوی دبیتە ئەگەرێ‌ بەلاڤبوونا وێ‌ ل جیهانێ‌ هەمیێ‌، یا پێدڤیە بەردەوام رێكارێن خۆپاراستنێ‌ ب كاربینین, وەكو گرێدانا ماسكی ل جهێن گشتی، خوە دووركرن ل جهێن قەرەبالغ و دانانا ڤاكسینی داكو بەرگریا لەشێ‌ مروڤی بهێز بكەڤیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *