دێ چاوا بەردەوامیێ دەیە چوونا هولێن وەرزشی؟

نۆش نیوز:
ئامارێن جیهانى وه‌سان دیاردكه‌ن كو ل ده‌ستپێكا هه‌ر ساله‌كێ خه‌لكه‌كێ زوور ناڤێن خوه‌ ل هولێن وه‌رزشى بو راهێنانان دنڤیسن و پشتى ده‌مه‌كێ كێم دهێلن، هه‌ر ئێكى ژى ئه‌گه‌ره‌ك هه‌یه‌ بو هێلانێ، ژ بو وێ چه‌ندێ كو بشێى به‌رده‌وامیێ بده‌یه‌ راهێنانێن خوه‌، یا باشتر ئه‌وه‌ ڤان شیره‌تان بجهبینى:
1- گه‌له‌ك ژ كچان ب میكیاژ ڤه‌ دچنه‌ هولێن وه‌رزشى، میكیاژ پشتى خوهدانێ دبیته‌ ئه‌گه‌رێ گرتنا كونكێن پیستى و پرسك و تاخمێن پیستى ژێ په‌یدادبن و دبنه‌ ئه‌گه‌ر ته‌ حه‌ز ل سه‌ر وه‌رزشێ نه‌بیت.
2- چو جاران شمكان ل پێ خوه‌ نه‌كه‌، چونكو نه‌دووره‌ كارتێكرنێ ل پێن ته‌ بكه‌ن و باشتره‌ هه‌رده‌م پۆتینێن وه‌رزشى ل پێن خوه‌ بكه‌ى.
3- جلكێن ژ پامبى دهێنه‌ چێكرن ل بره‌ خوه‌ نه‌كه‌، چونكو د سڤكن و ب ساناهى ته‌ر دبن، راسته‌ كو باشیه‌ك ژى د كرنا ڤان جلكان دا هه‌یه‌ كو ل ده‌مێ خوه له‌شێ ته‌ دده‌ت ئه‌و جلك زوو له‌شێ ته‌ زوها دكه‌ن، به‌لێ ته‌ربوونا وان دبیته‌ ئه‌گه‌رێ وێ چه‌ندێ مرۆڤ هه‌ست ب سه‌رمایێ بكه‌ت.
4- هنده‌ك ژ كه‌سێن بو جارا ئێكێ سه‌ره‌دانا جێمێ دكه‌ن، ب وان كه‌سێن جلكێن بالكێش و سه‌یروسه‌مه‌ر دكه‌ن ل به‌خو بێزار دبن، یا باشتر ئه‌وه‌ مایێ خوه‌ د وان كه‌سان نه‌كه‌ى چونكو دبیت ئه‌و ب وان جلكان د ئارام بن و بشێن ب ساناهى وه‌رزشێ بكه‌ن.
5- دبیت ل ده‌مێ غاردانێ پێن ته‌ ڤێك بكه‌ڤن و ب زریێن، باشتر ئه‌وه‌ تو ڤازه‌لینێ ب كاربینى، چونكو هه‌كه‌ به‌رده‌وام پێن ته‌ ڤێك بكه‌ڤن دێ بیته‌ ئه‌گه‌ر ئه‌و پیست ستوور و هشك ببیت و هه‌ودان ژى ژێ په‌یداببن.
6- باشتره‌ جلوبه‌رگێن به‌رفره‌ه بن و له‌شێ ته‌ بگرن، نابیت ب جلكێن به‌رداى وه‌رزشێ بكه‌ى، چونكو گه‌له‌ك جارا ژ ئه‌گه‌رێ وێ چه‌ندێ كو گه‌له‌ك كه‌س ل سه‌ر ئامیران راهێنانان دكه‌ن، نه‌دووره‌ ئه‌و ئامیره‌ پیس ببن و خوها گه‌له‌ك كه‌ست پێڤه‌ بمینیت و ئاریشێن پیستى ژێ په‌یداببن.

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *