ب وێنه‌: به‌رێ‌ بنیاتێ‌ بۆ پرۆژێ‌ ئاڤاكرنا پشكا نوو یا شیره‌تكاریا ده‌رڤه‌ی ل نه‌خۆشخانا ژن و زارۆكبوونێ‌ هاته‌ دانان

دهۆك، له‌زگین جوقی:

جێگرێ‌ پارێزگارێ‌ دهۆكێ‌ دیاركر: ل ژێر چاڤدێریا د. عه‌لی ته‌ته‌ر پارێزگارێ‌ دهۆكێ‌ به‌رێ‌ بنیاتێ‌ بۆ ئاڤاكرنا پرۆژی پشكا نوو یا شیره‌تكاریا ده‌رڤه‌ی ل نه‌خۆشخانا ژن و زارۆكبوونێ‌ هاته‌ دانان.

شه‌معون شلێمون ئیشو، جێگرێ‌ پارێزگارێ‌ دهۆكێ‌ دیاركر كو ب هاریكاریا رێكخراوا ئایسپۆ یا نه‌حكومی وه‌لاتی ئیتالیا ده‌ست ب دانانا به‌رێ‌ بنیاتێ‌ بۆ پرۆژی نوو ل نه‌خۆشخانا ژن و زارۆكبوونێ‌ دانا بۆ پتر پێشڤه‌برنا نه‌خۆشخانێ‌ و خزمه‌تكرنا وه‌لاتیان ئه‌م سوپاسیا وان رێكخراوا دكه‌ین یێن پشته‌ڤانی و هه‌ڤكاریا ساخله‌میا پارێزگه‌ها دهۆكێ‌ دكه‌ن.

د. ئه‌فراسیاب موسا، رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ دیاركر كو: “ئه‌ڤرۆ 30/5/2021ێ‌ به‌رێ‌ بنیاتێ‌ بۆ پرۆژێ‌ ئاڤاكرنا پشكا نوو یا شیره‌تكاریا ده‌رڤه‌ی ل نه‌خۆشخانا ژن و زارۆكبوونێ‌ ل پارێزگه‌ها دهۆكێ‌ ب پشته‌ڤانیا دارایی یا وه‌لاتێ‌ ئیتالیا هاته‌ دانان”.

رێڤه‌به‌رێ‌ گشتی یێ‌ ساخله‌میا پارێزگه‌ها دهۆكێ‌ د كونگره‌كێ‌ رۆژنامه‌ڤانی دا دیار كر: “د چارچووڤێ‌ پرۆژێ‌ پشته‌ڤانی بۆ ساخله‌میا دایكێ‌ و زارۆیی ل پارێزگه‌ها دهۆكێ‌ ئه‌وێ‌ دهێته‌ پشته‌ڤانیكرن ژ لایێ‌ وه‌لاتێ‌ ئیتالیا ڤه‌ ب رێیا ئاژانسا ئیتالی بۆ گه‌شه‌پێدان و هه‌ڤكاریێ‌ ئه‌ڤرۆ به‌رێ‌ بنیاتێ‌ بۆ پرۆژێ‌ ئاڤاكرنا پشكا نوو یا شیره‌تكاریا ده‌رڤه‌ی ل نه‌خۆشخانا ژن و زارۆكبوونێ‌ هاته‌ دانان، پرۆژێ‌ ئاڤاكرنا پشكا نوو یا شیره‌تكاریا ده‌رڤه‌ی ل نه‌خۆشخانا ژن و زارۆبوونێ‌ به‌شه‌كه‌ ژ ستراتیژیا هه‌ڤبه‌ش یا رێڤه‌به‌ریا گشتی یا ساخله‌میا پارێزگه‌ها دهۆكێ‌ و رێكخراوا ئایسپۆ بۆ ب هێزكرنا خزمه‌تگوزاریێن ساخله‌میا دایكی و زارۆیێ‌ ل دهۆكێ‌ ب پشته‌ڤانیا وه‌لاتی ئیتالیا كو ل نه‌خۆشخانا ژن و زارۆبوونێ‌ دێ‌ خزمه‌تا نه‌خۆشان بێ‌ به‌رامبه‌ر هێته‌ كرن”.

ئاشكه‌را كر كو:” ئه‌ڤ پرۆژه‌ ب كوژمێ‌ 343942 یوریا هاتیه‌ ئاڤاكرن د گه‌ل كارێن بیناسازی و كه‌ره‌ستێن نوشداری كو بێ‌ به‌رامبه‌ر خزمه‌تگوزاریێن دایكێ‌ و زارۆكی دهێنه‌ پێشكێشكرن بۆ په‌نابه‌ر و ئاواران و خه‌لكێ‌ پارێزگه‌ها دهۆكێ‌ پشكا نوو یا شیره‌تكاریێ‌ پێكهاتیه‌ ژ ژووره‌كا نشته‌رگه‌ریێن بچووك و ژووره‌كا راوێژكاریكرنێ‌ و ژوورێن راوێژكاریێن نه‌خۆشێن ژنان و زارۆبوونێ‌ و ژووره‌كا ده‌رمانخانا ئێڤاریان”.

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *