99% ـێ ئەو ڤاکسینێن بۆ دهوك هاتین هاتیە بکار ئینان

نوش نیوز، وارهێل نێروەیـی
دکتۆر ئەفراسیاب مووسا، رێڤەبەرێ گشتیێ ساخلەمیا پارێزگەها دوکێ بۆ رادیویا رووداو راگەهاند، “ل پارێزگەها دهۆکێ پابەندبوونا هاوڵاتیان ب رێکارێن خۆپارێزیێ وەک پێدڤی یا باش نینە. ئەگەر ژی ئەو کو هەتا نها هندەک خەڵک هەنە کو باوەڕی ب ڤایرۆسێ کۆرۆنایێ نینە، هندەک ژی هەنە کو باوەری ب رێکارێن خوپارێزیێ نینە.”

گوت ژی: “رێژەیا وەرگرتنا ب ڤاکسینی ل دهۆکێ گەلەک باشە و نوکە 99٪ ـێ ئەو ڤاکسینێ بۆ دهۆکێ هاتیە دابین کرن هاتینە بکار ئینان. دیار کر ژی: هەتا نوکە 23 هزار ڤاکسین بۆ دهۆکێ هاتینە، کو 897 ـێ سینۆفارمە، چارر هزار و 300 فایزەرە و 17 هزار و 679 ـێ ئاسترازێنیکایە.

رێڤەبەرێ گشتی ساخلەمیا دهوکێ ئاشکرا ژی کر: هێشتا بەهرا ئاوارەیان ڤاکسین بۆ دهوکێ نەهاتیە کو نێزیکی ملیۆنێک ئاوارە هەنە، لەورا پێدڤیە دووجار هند ڤاکسین بۆ دهۆکێ بهێتە رەوانەکرن داکو ئو ژی ڤاکسینێ وەرگرن و هەتا نوکە 600 ئاوارەیان ڤاکسین وەرگرتیە.”

رۆژانە ل پارێزگەها دهۆکێ بەراورد دگەل پارێزگەهێن دی هەرێما کوردستانێ ژمارەیەکا زێدەتر تووشبوویێن ڤایرۆسێ کۆرۆنایێ دهێنە تۆمار کرن.

د. ئەفراسیاب مووسا، گوت ژی: ” ل پارێزگەها دهۆکێ رۆژانە ل 27 بنگەها چار هزار پشکنین بۆ دەستنیشانکرنا ڤایرۆسێ کۆرنایێ دکەن، کو ژ وێ ژمارێ نێزیکی 500 تووشبوو دهێنە تۆمار کرن کو ژوانا ژی 10 کەس دهێنە نڤاندن د نەخۆشخانێ دا و 3-4 کەس ژی رەوانەی چاڤدێریا چڕ دکەن. نوکە 60 نەخۆش ل نەخۆشخانێ دا هەنە کو 35 ژوان ل بن چاڤدێریا چڕ دانە. لەورا نوکە ژمارەیا مرنێ ب ڤایرۆسی د رۆژەکێدا گەهشتیە 4-5 کەسان.”

هەتا نوکە ل هەرێما کوردستانێ 150 هزار و هەشت کەس تووشی ڤایرۆسێ کۆرۆنایێ بووینە، ژ وێ ژمارەیێ ژی 126 هزار و 508 کەس چارەسەر بووینە و چار هزار و 16 تووشبوو ژی گیانێ خوە ژدەست داینە.

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *