كه‌نگی ژنا دوگیان نه‌شێت رۆژیا بگریت؟

دوگیانی تشته‌كێ‌ سروشتی یه‌ بۆ ژنێ‌ و د ماوێ‌ دوگیانیێ‌ دا ژنێ‌ شیان یێن هه‌ین بۆ رۆژیگرتنێ‌ ، ‏ئه‌وژی پشتی وه‌رگرتنا شیره‌تان ژ نوشدارا تایبه‌تمه‌ند و چ نه‌خوشی نینن ببنه‌ ئاسته‌نگ و بۆ رۆژیگرتنێ‌ ‏و كارتێكرنێ‌ ل سه‌ر وێ‌ یان زارۆیێ‌ وێ‌ بكه‌ن، به‌لێ‌ هنده‌ك حاله‌ت هه‌نه‌ كو نابیت رۆژی بهێنه‌ گرتن ‏ژوانژی:‏
‏-‏ نه‌خۆشیێن گولچیسكان، جگه‌رێ‌ و بلندبوونا كریاتینی دناڤ خوینێ‌ دا.‏
‏-‏ نه‌خۆشیێن كوئه‌ندامێ‌ میزه‌رۆیێ‌ كو پێدڤیه‌ ب گه‌له‌ك ڤه‌خوارنا ئاڤێ‌ و وه‌رگرتنا چاره‌سه‌ریێ‌ ‏هه‌یه‌.‏
‏-‏ نه‌خۆشیێن جگه‌رێ‌ و ژوانژی هه‌ودانا جگه‌رێ‌ یا ڤایرۆسی.‏
‏-‏ نه‌خۆشیا ئه‌كرێ‌ ب تایبه‌ت ئه‌و نه‌خۆشێن ئه‌نسولینی وه‌ردگرن.‏
‏-‏ هه‌ودانا سیهێ‌، ره‌بۆ تایبه‌تی ئه‌وێن پێدڤی ب كارئینانا به‌خاخان دبن.‏
‏-‏ نه‌خۆشیێن جه‌لتێ‌ و دیسان دوگیانی كه‌تن ب جێمكان و بلندبوونا فشارا خوینێ‌ یا دوگیانیێ‌.‏
گه‌له‌ك پرسیار دهێنه‌ كرن، كه‌نگی ژنا دوگیان رۆژیا خوه‌ بخۆت، ئه‌م دبێژین ل ده‌مێ‌ گه‌له‌ك بێ‌ هێز ‏بوو، یان هه‌كه‌ لڤینا زارۆیێ‌ وێ‌ كێمبوو و دیسان ئه‌گه‌ر گه‌له‌ك دلێ‌ وێ‌ رابوو كو ل وی ده‌می وێ‌ پێدڤی ‏ب خوارنێ‌ دبیت.‏
ژنا دوگیان پێدڤی ب دووڤچۆنا شێوازه‌كێ‌ ژیانا ساخله‌مه‌ له‌ورا یا گرنگه‌ خوارنێن شل وه‌كو ئاڤێ‌، ‏شه‌ربه‌تێ‌، شیری و چایێ‌ ب كاربینیت بۆ كێمكرنا قه‌بزاتیێ‌ و هه‌ودانا گولچیسكان، ل ده‌مێ‌ فتارێ‌ ‏ژی پێدڤیه‌ هێدی هێدی ده‌ست ب خوارنێ‌ بكه‌ت و خوارنێن وه‌ك خورمه‌ و شیری و ئاڤه‌ماستێ‌ ‏وه‌رگریت، ژبه‌ركو د سڤكن ل سه‌ر گه‌ده‌ی و باشتره‌ خوارنێن چه‌وری و گران و شریناهیان كێم ‏بكه‌ت و دیسان ژبۆ كێمكرنا به‌رسۆژێ‌ دڤێت بهاراتان ژی كێم بكه‌ت و پێدڤیه‌ خوارنا وێ‌ هه‌موو ‏جورێن كه‌رسته‌یان تێدا هه‌بن وه‌ك ڤیتامین و پرۆتین و نه‌شه‌ویات و شه‌كرا تایبه‌ت ل هه‌ر سێ‌ ‏هه‌یڤێن ئێكێ‌.‏
د سێ‌ هه‌یڤێن ناڤین دا پێدڤیه‌ كالسیومی و ئاسنی ل سه‌ر خوارنا خوه‌ زێده‌بكه‌ت كو دناڤ شیری، ‏ماستی، په‌نیری و ژێده‌رێن ئاژه‌لی وه‌كی گوشتی و مێلاكێ‌ و هێكا و كه‌سكاتیان وه‌كو جه‌رجیری و ‏كه‌ره‌فسێ‌ و خه‌سێ‌ و نوكا و فاسولیا و باقلكاندا هه‌یه‌. و یا پێدڤیه‌ بزانین كو نڤستن و بێهنڤه‌دان ژی ‏بۆ ژنا دوگیان ژ كارێن سه‌ره‌كینه‌.‏

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *