بۆچی ل ره‌مه‌زانێ‌ زه‌عیف نابین؟

نوش نيوز:

ژبۆ نه‌هێلانا قه‌له‌ویێ‌ د هه‌یڤا ره‌مه‌زانێ‌ دا پێدڤیه‌ هه‌ڤسه‌نگیه‌ك دناڤبه‌را خوارنا پاشیڤێ‌ و فتارێ‌ دا هه‌بیت و باشتره‌ ‏خوارنا مرۆڤی یا پێكهاتی بیت ژ خوارنێن كو ( زوو بهێنه‌ هه‌رسكرن و مرۆڤی تێر بكه‌ن، كێم كاوری دناڤدا هه‌بن، ‏گه‌له‌ك پێكهێنه‌ر و ژێده‌رێن خوارنێ‌ دناڤدا هه‌بن و له‌ورا‎ ‎ژی باشتره‌ مرۆڤ فتارێ‌ ده‌ستپپێبكه‌ت ب ڤه‌خوارنا ئاڤێ‌ یان ‏شه‌ربه‌تێ‌ یان زه‌لاتێ‌ و دیسان باشتره‌ مرۆڤ دانه‌كی كاربوهیدراتان وه‌كو ( مه‌عكه‌رونا و پتات و برنجی) ب كه‌میه‌كا ‏كێم بخوت، دگه‌ل زه‌لاته‌كا

كه‌سكاتیێ‌ و خوارنا ماسیێ‌.هه‌روه‌سان دێ‌ باشتر بیت هه‌كه‌ شریناهی ب دو دانێن سڤك ‏بهێنه‌ خوارن.‏
ژبوونا وێ‌ چه‌ندێ‌ مرۆڤ ب باشترین ساخله‌می رۆژیێن خۆ ببورینیت و قه‌له‌و نه‌بیت باشتره‌ مرۆڤ ل پاشیڤان زه‌لاتێ‌ و ‏پارچه‌یه‌كا نانی یان گوشتی یان مریشكێ‌ بخوت دگه‌ل فێقی و ماستی و شوربێ‌ به‌لێ‌ پێدڤیه‌ گه‌له‌ك چه‌وری دناڤدا ‏نه‌بن.‏

ل ده‌مێ‌ فتارێ‌ ژی باشتره‌ ماعونه‌كا شوربێ‌ دگه‌ل خوارنێن كاربوهیدری و زه‌لاتێ‌ بهێنه‌ خوارن و خوارنا شرینی ژی یا ‏پێدڤیه‌ به‌لێ‌ بێی ئیسرافكرن، ب ڤی ره‌نگی هه‌ر كه‌سه‌ك دێ‌ شێت سه‌نگێ‌ خۆ راگریت و مرۆڤێن قه‌له‌و ژی ب ‏شێوه‌یه‌كێ‌ سروشتی زه‌عیف دبن.‏

هنده‌ك ژ رۆژیگران ل ده‌مێ‌ ره‌مه‌زانێ‌ هنده‌ك شاشیان دوارێ‌ خوارنێ‌ دا دكه‌ن و ئه‌و شاشی ژی دبنه‌ ئه‌گه‌ر كو سه‌نگێ‌ ‏وان زێده‌ببیت و قه‌له‌و بن و ژ گرنگترین وان شاشیان ژی دێ‌ ده‌ست ب فتارێ‌ كه‌ن ب خوارنا گه‌له‌ك شریناهیان و ب ‏شه‌ڤێ‌ هه‌میێ‌ دێ‌ به‌رده‌وام خوارنێ‌ خوون و ئه‌ڤه‌ كارتێكرنێ‌ ل سه‌نگێ‌ وان دكه‌ت. هه‌روه‌سان ل ده‌مێ‌ پاشیڤێ‌ ‏هنده‌ك هه‌نه‌ دێ‌ خوارنێن پری روین خوون ب مه‌ره‌ما وێ‌ چه‌ندێ‌ كو برسی نه‌بن.‏

وه‌رزش پشكداریێ‌ د خوپاراستنێ‌ ژ نه‌خوشیان دا دكه‌ت و له‌شێ‌ مرۆڤی پتر ساخله‌میێ‌ وه‌ردگریت و به‌رگریا ‏نه‌خوشیان دكه‌ت و ژیێ‌ مرۆڤی درێژ دبیت و گه‌له‌ك جورێن وه‌رزشێ‌ هه‌نه‌ بۆ مرۆڤی ب شێوه‌یه‌كێ‌ گشتی و بۆ ‏دانعمران ب شێوه‌یه‌كێ‌ تایبه‌تی و رۆژیگری ژی شیان هه‌نه‌ د هه‌یڤا ره‌مه‌زانێ‌ دا و دماوێ‌ رۆژیگرتنێ‌ دا وه‌رزشێ‌ ‏ئه‌نجام بده‌ت، بێی كو كارتێكرن لێ‌ ببیت، هه‌موو زانا دگه‌ل وێ‌ چه‌ندێ‌ نه‌ كو وه‌رزشكرن د ماوێ‌ رۆژیگرتنێ‌ دا پتر یا ‏ب مفایه‌ بۆ ساخله‌میا له‌شی و ئه‌ڤ مفایه‌ د جودانه‌ و ل دووڤ ژیێ‌ مرۆڤی و پلا ساخله‌میا مرۆڤی و جورێ‌ وه‌رزشێ‌ ‏دمینن، دیسان ل دووڤ وه‌ختێ‌ وه‌رزشێ‌ و چاوانیا ئه‌نجامدانا وێ‌ و دوباره‌كرنا وێ‌ دمینن.‏

هه‌روه‌سان پێدڤیه‌ مرۆڤ وه‌خته‌كی بدانیت بۆ وه‌رزشێ‌ و چاوانیا كێمكرنا كولیسترولی و خو زه‌عیفكرنێ‌ و دیسان یا ‏پێدڤیه‌ خوارنه‌كا هه‌ڤسه‌نگ ژی بهێته‌ ده‌ستنیشانكرن و باشتره‌ هه‌لبژارتنا مرۆڤی بۆ وه‌رزشێ‌ هنده‌ك ئارمانج هه‌بن ‏ژبه‌ركو د هه‌یڤا ره‌مه‌زانێ‌ دا فاكته‌رێن ڤه‌ژاندن و فسیولوجیا له‌شی و ژینگه‌ها مرۆڤی و شێوازێ‌ ژیانێ‌ دهێنه‌ گوهارتن.‏

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *