ئهو دزیكهرێن ئاڤێ ژ لهشێ مه د دزن
نوش نيوز:
- خوێ یا خوارنێ: خوارنا تشتێن سویر ههلبهت پێدڤیا مه ب ئاڤێ زێدهدكهن، لهورا باشتره گهلهك خوێ نهكهینه دناڤ خوارنێ دا و خۆ ژ خوارنێن سویركری دوور بكهین، وهكو ماسیێن سویر و موخهللا و دێ گهلهك باش بیت ئهم ئاڤا نیموكان ل جهێ خوێ ل زهرزهواتی بكهین ژبهركو ئاڤا نیموكان خوارنێ ههڤسهنگ دكهت.
- دهرمانك و بهارات: ئهو خوارنێن گهلهك بهارات دناڤدا مرۆڤی پال ددهن كو گهلهك ئاڤێ ڤهخوت، ژبهركو ئهو خوارن ئاڤێ ژ گهوری و دهڤ و گهدهیا مرۆڤی دمێژن، دبنه ئهگهر هشكاتی د لهشیدا پهیداببیت، پاشی مرۆڤ ههست ب تێهنی بوونێ دكهت، لهورا یا باشتره ل سهر رۆژیگری خو ژێ دوور بكهت و ب تایبهت ل دهمێ پاشیڤی.
- چا و قههوه: شیرهتان ل رۆژیگران دكهین هندی دشیان دابیت خۆ ژ چایێ و قههوێ دوور بكهت ژبهركو ئهو كارێ گولچیسكان چالاك دكهن و گولچیسكان پال ددهن خۆ ژ ئاڤێ قورتال بكهن، ددووڤدا دێ بنه ئهگهر كو ئاڤ ژ لهشێ مرۆڤی كێم ببیت، نابیت ب چ رهنگهكی ئهم چایێ و قههوێ وهكو شوونگر بۆ ئاڤێ ب كاربینین، ژبهركو ئهو ب سروشتێ خۆ دكهلن و رۆژیگری شیان نینن گهلهكێ ژێ ڤهخوت.
- ڤهخوارنێن غازی: ئهوێن كو كاربوون دناڤدا كو دبنه ئهگهرێ وهرمینا زكی و مرۆڤ ههست ب تێربوونێ دكهت و دبنه رێگر كو لهشێ مه مفای ژ شلهمهنیان نهبینیت، لهورا باشتره ب ئێكجاری دگهل فتارێ ڤهنهخوین.
- تیرێژا ئێكسهر یا رۆژێ:هندی دشیاندابیت خۆ ژ تیرێژا رۆژێ دوور بكه و ژبۆ هندێ تیشكا رۆژێ گهلهك كارتێكرنێ ل ته نهكهت و تو تێهنی نهبی.
