چه‌ند شیره‌تێن تایبه‌ت بۆ نه‌خۆشان د هه‌یڤا ره‌مه‌زانێ‌ دا

نوش نيوز‌:‏

• یا ل سه‌ر نه‌خوشێن شه‌كرێ‌ ئه‌وێن حه‌بێن ئه‌نسولین ب كاردئینن پێدڤیه‌ سه‌ره‌دانا نوشدارێ‌ خۆ یێ‌ ‏تایبه‌تمه‌ند بكه‌ن و ب شێوه‌یه‌كَ به‌رده‌وام زێره‌ڤانیا ئاستێ‌ شه‌كرێ‌ دناڤ خوینێ‌ دا بكه‌ن.‏

• كونترولكرنا رێژا شه‌كرێ‌ دناڤ خوینێ‌ دا نه‌بتنێ‌ دێ‌ ب رێكا رێكخستنا خوارنێ‌ و ده‌رمانان بیت، به‌لكو ‏پالپشتیێ‌ ل سه‌ر چالاكیا رۆژانه‌ یا مرۆڤی دكه‌ت، له‌ورا باشتره‌ نه‌خوشێ‌ شه‌كرێ‌ دهه‌یڤا ره‌مه‌زانێ‌ دا یێ‌ ‏به‌رده‌وام بیت ل سه‌ر چالاكیا خۆ و پشتی نیڤرۆیان دشێت بێهنا خۆ ڤه‌ده‌ت.‏

• یا پێدڤی یه‌ ل سه‌ر نه‌خوشێن شه‌كرێ‌ دهه‌یڤا ره‌مه‌زانێ‌ دا هه‌ر ل دووڤ ریجێما خۆ یا تایبه‌ت كاربكه‌ن و ‏بلا هنده‌ك شه‌كر دگه‌ل وان بیت داكو ل ده‌مێ‌ هه‌ست ب كێمبوونا ئاستێ‌ شه‌كرێ‌ دكه‌ن وه‌كو وه‌ستیان، ‏گێژبوون، سه‌رئێشان و خوهدان یان هه‌ستكرن ب ساربوونێ‌ دكه‌ن و دیتنا وان شێلی دبیت ل وی ده‌می ‏وێ‌ شه‌كرێ‌ ب كاربینن.‏

• ده‌رباره‌ی نه‌خوشێن ئێشا دلی و شه‌كرێ‌ و گولچیسكان باشتره‌ ( سوسێ‌) نه‌ڤه‌خوون ژبه‌ركو رێژه‌یه‌كا بلند ‏یا خوێ‌ و شه‌كرێ‌ دناڤدا هه‌یه‌.‏

• ئه‌و ده‌رمانێن دهێنه‌ ب كارئینان داكو ده‌ستئاڤا مرۆڤی بهێت، باشتره‌ پشتی فتارێ‌ بخوون و نابیت پشتی ‏پاشیڤێ‌ بهێنه‌ خوارن داكو رۆژیگر هه‌ست ب تێهنی بوون و هشكبوونێ‌ نه‌كه‌ت.‏

• ئه‌و نه‌خوشێن به‌ركێن گولچیسكان هه‌ین، یا باشتر ئه‌وه‌ دناڤبه‌را فتارێ‌ و پاشیڤێ‌ دا گه‌له‌ك ئاڤێ‌ ‏ڤه‌خوون.‏

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *