جورێ سیێ یێ کۆرۆنایێ ل 13 وەلاتان بەلاڤبوویە

نۆش نیوز:
زانا ئاشكرادکەن، جۆرێ سیێ یێ ڤایرۆسێ كۆرۆنایێ ل 13 دەوڵەتان دەركەفتە و بوویە ئەگەرێ دروستبوونا ترسێ ژلایێ زانایان ڤە، چونكو ڤاكسینێن نوکە کاریگەریێ ل سەر ناکەن.
“ئۆبزێرڤەر”یا بریتانی بەلاڤکریە: دو جۆرێن دیتر ل ڤایرۆسێ كۆرۆنایێ ل بەریتانیا و باشورێ ئەفریقا دیتینە و گەهشتینە هژمارەیەكا زۆر یا وەلاتان، ل دووڤ گۆتنێن زانایان گەلەک ب لەزتر دهێتە ڤەگوهاستن بەلێ مەترسیا وێ زێدەتر نینە.
هەروەسا هاتیە: نوکە جۆرەكێ دیتر یێ كۆرۆنایێ هاتیە دیتن کو سێیەم ڤایرۆسێ خوەگۆهورە و ناڤێ وی E484Kە، زانایێن زانكۆیا “ئەدەنبرە” ل سكۆتلەندا وەسا دیارکریە، ئەڤ جۆرێ نوی مەترسیدارترە و دشێت خوە ل وان دژە تەنان رزگار بكەت كو ڤاكسینێن نوکە دلەشێ مرۆڤی دا دروست دكەن.
ل دووڤ زانیاریان، هەتا نوکە ئەو جۆرێ نوی ل 13 دەوڵەتان ل 5 كێشوەرێن جودا هاتیە دیتن، ئەڤە ڕامانا وێ چەندێ ددەت کو بەری ئاشکراکرنا وی بەلاڤبوویە، ئەوژی “ئەمریكا، كەنەدا، دانیمارك، بریتانیا، فرەنسا، بەلجیكا، ئیسپانیا، فنلەندا، نێجیریا، غانا، ئوردەن، ئوسترالیا و سەنگافورە”.