جوداهى د ناڤبه‌را ئه‌نفلونزا و كۆرۆنایێ دا چیه‌؟

نۆش نیوز، له‌زگین جۆقى

تایبه‌تمه‌نده‌كا نه‌خۆشین گه‌ورى و گوه و دفنێ ل دهۆكێ دیاركركو ئه‌نفلونزا عادى و ئه‌نفلونزا كۆرۆنایێ هه‌ر دوو ژى ئامێرى هه‌ناسه‌دانێ دگرن لى گه‌له‌ك جۆداهیى ناڤبه‌را ئه‌نفلونزا عادى ویا كۆرۆنایێ دا هه‌یه‌.

د. سیران باله‌ته‌یێ، تایبه‌تمه‌ندا نه‌خۆشین گه‌ورى و گوه و دفنێ ل دهۆكێ دیاركركو ده‌مێ كه‌سه‌ك تووشى ئه‌نفلونزا نورمال دبیت ل وێ ده‌مێ تفنا وێ سۆر بیت ودهێته‌ خار لێ ده‌مێ كه‌سه‌ك تووشى كۆرۆنایێ بیت سۆربوونا ل تفنا نه‌خۆشى نابیت وناهێته‌ خار ژى لێ نه‌خۆشێ دێ كوخكه‌كا دژوار هه‌بیت ئه‌وژى یا هشكه‌ وئێشانه‌كا زۆر دى ل گه‌ورى دا هه‌بیت دگه‌ل تایه‌كا زور دژوار ونه‌خۆش تووشى بهن ته‌نگیێ دبیت.

ئاشكه‌را كركو ئه‌و كه‌سێ تووشى ئه‌نفلونزا نورمال بیت ده‌مى ئه‌نفلونزا دهیتێ ژى دفنا نه‌ساخێ خار وسۆر دبیت وبهنشك ژى یێن هه‌ین به‌لكو ئه‌ڤه‌ ل كۆرۆنایێ نابینێ و ده‌مێ كه‌سه‌ك تووشى كۆرۆنایێ دبیت ژى تووشى ته‌نگه‌نه‌فسى دبیت كه‌سى تووشى كۆرۆنایێ بیت تایه‌ وێ دژوار تر ژ وێ كه‌سێ تووشى ئه‌نفلونزا نورمال یان په‌رسیڤه‌كا سیڤك بیت ونه‌خۆشى كۆرۆنایێ هه‌ست ب وه‌ستیانه‌كا زور دكه‌ت وئێشانه‌كا دژوار لاشى وێ دا دروست بیت وكوخكه‌كا زۆر دژوار دكه‌ت .

ناڤهاتى زێده‌تر گۆت رۆژ بۆ رۆژى نه‌خۆش خرابتر دبیت هه‌كه‌ زوو قه‌ستا سازیێن ساخله‌میێ نه‌كه‌ت ومه‌ترسیه‌كا مه‌زن لسه‌ر ژیانا وێ هه‌تا خێزان و كه‌س و كارێن وێ هه‌یه‌ له‌ورا ئه‌م دخوازن هه‌ر كه‌سه‌كێ گومان لێ هه‌بیت زوو قه‌ستا ده‌زگه‌هێن ساخله‌میێ بكه‌ت لێ هه‌كه‌ ئه‌نفلونزا نورمال بیت یان وه‌رزى ئه‌م بیژینێ یان په‌رسیڤه‌كا نورمال بیت رۆژ بۆ رۆژى ره‌وشا نه‌ساخێ باشتر دبیت هه‌تا ژى كه‌سێ تووشى كۆرۆنایێ بیت لاشى وێ وه‌سا دئیشت نه‌شیت لڤینێ بكه‌ت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *