رێژا مرنا زارۆیان ل دهۆكێ 25% كێمبوویه‌

دهۆك، له‌زگین جوقى
ئێكه‌مین كونفرانسێ نۆشداریا زارۆیان ب پشكداریا نوشدارێن هه‌رێما كوردستانێ و یێن عیراقێ ل پارێزگه‌ها دهۆكێ ل رۆژا 23/1/2020 هاته‌ ئه‌نجامدان.
د. نزار عسمه‌ت،رێڤه‌به‌رێ گشتى یێ ساخله‌میا پارێزگه‌ها دهۆكێ دیاركركو ئه‌ڤرۆ 23/2020 ئێكه‌م كونفرانسێ زانستى یێ نۆشداریا زارۆیان ل دهۆكێ هاته‌ گێران ل سه‌رانسه‌رى عیراقێ و هه‌رێما كوردستانێ و نۆشدار و پرۆفیسۆرێن نۆشداریا زارۆیان پشكدارن د كونفرانسى دا بۆ وێ چه‌ندێ دانوستاندنه‌كا زانستى ئه‌نجام بده‌ن لسه‌ر ئاستێ خزمه‌تێن ساخله‌میێ یێن بۆ زارۆكان دهێنه‌ پێشكێشكرن و ئاستێ وان باشتربكه‌ن، هه‌روه‌سا ژى ئاستێ فێركرنا پزیشكیا نۆشداران ل زانكۆ و سه‌نته‌رێ بۆردى و گۆت: ئه‌م سوپاسیا كولیژا نۆشدارى زانكۆیا دهۆكێ و نه‌خۆشخانا هیڤى یا زارۆیان دكه‌ین كو ب ڤى ئه‌ركى رابووینه‌ و شیاینه‌ ڤى كونفرانسى سازبكه‌ن.
رێڤه‌به‌رێ گشتى یێ ساخله‌میا پارێزگه‌ها دهۆكێ دیاركركو خزمه‌تێن ساخله‌میێ یێن زارۆیان ل دهۆكێ رۆژ ل دووڤ رۆژێ باشتر لێ دهێن ب تایبه‌تى ژى نه‌خۆشخانا هیڤى ئاسته‌كێ باش خزمه‌تێ پیِشكیش دكه‌ت وشیاینه‌ د ساله‌كێ دا رێژا مرنا زارۆیان 25% كێم بكه‌ن، ئه‌ڤه‌ بخوه‌ ژى كاره‌كێ مه‌زن هاتیه‌ كرن ل دووڤ ئامارین ساخله‌میێ رێژا مرنا زارۆیێن نوو ژدایك دبن ل ریزا پێنجێ دهێت، ئانكو هێشتا ژى ئه‌ڤه‌ژى رێژه‌كا بلنده‌ و گۆتژى: ئه‌ڤ كونفرانسێن نوشدارێن زارۆیان دگرنگن بۆ مفا وه‌رگرتنێ و دخوازین ئاستێ نه‌خۆشخانێن دهۆكێ باشتر بكه‌ین.

د. خه‌له‌ف حسین گه‌رگه‌رى، شیره‌تكارێ نه‌خۆشیێن زارۆكان و رێكخه‌رێ كونفرانسى ل دهۆكێ دیاركركو كونفرانسێ ئێكێ ل سه‌ر چه‌ندین نه‌خۆشیێن زارۆكان هاته‌ ئه‌نجامدان و دێ كار هێته‌ كرن ئه‌ڤ كونفرانسى ببیته‌ سالانه‌ و هه‌كه‌ شیان ژى هه‌بن ببیته‌ كونفرانسه‌كێ نێڤده‌وله‌تى یێ نۆشدارێن زارۆكان بۆ ئالوگوركرنا زانستێ نوو یێ نۆشداریا زارۆكان و گۆت: مه‌ره‌م ژ كونفرانسى ئه‌وه‌ نۆشداریا زارۆكان بهێته‌ پێشڤه‌برن د هه‌موو واره‌كى ل سه‌رانسه‌رى هه‌رێما كوردستانێ و پارێزگه‌هێن عیراقێ ژى، هه‌روه‌سا په‌یوه‌ندى ناڤبه‌را نۆشدارێن كوردستانێ و عیراقێ دا بهێنه‌ بهێزكرن و نۆشدارین پشكدار ژى نۆشدارین هه‌رێما كوردستانێ و پارێزگه‌هێن عێراقێ دگه‌ل رێڤه‌به‌رێ بۆردى عیراقێ و رێڤه‌به‌رى بۆردى كوردستانى و سه‌رۆكى كۆمه‌لا نۆشدارێن زارۆیان و چه‌ندین نۆشدارین زارۆیان پشكداربوون.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *