ل هەموو نەخۆشخانێن دهۆکێ ب تنێ 120 نۆشدارێن نیشتەجێ خولاو هەنە

نۆش نیوز، له‌زگین جوقى

سه‌رۆكێ نۆشدارێن نیشته‌جێ دیاركركو 120 نۆشدارێن نیشته‌جێ خولا ل هەموو نه‌خۆشخانه‌یان خزمه‌تێ دكه‌ن ئه‌ڤ نۆشدارە بۆ ده‌مێ دو سالان پێدڤیه‌ ل هه‌موو پشكێن نه‌خۆشخانه‌یان خزمه‌ت بكه‌ن و ژمارا نۆشدارێن نێشته‌جێ یاكێمه.

د. ئارى زهیر سه‌دیق، سه‌رۆكێ نۆشدارێن نیشته‌جێ ل دهۆكێ دیاركر كو نۆشدارێن نیشته‌جێ بۆ ده‌مێ دو سالان ده‌وامێ دكه‌ن و پێدڤیه‌ د ڤان دو سالاندا ل هه‌موو نه‌خۆشخانێن دهۆكێ خزمه‌تێ پێشكیش بكه‌ت هه‌روه‌سا بۆ چه‌ند هه‌یڤان ژى ل قه‌زا ژى خزمه‌تێ ئه‌نجام دده‌ت و نۆشدارێن خولا ژى بۆ ده‌مێ هه‌شت ده‌مژمێران ده‌وامێ دكه‌ن و گۆت: نوشدار ده‌مێ ژ كولیژێ ب دووماهى دهێت پێدڤیه‌ هه‌موو پشكێن نه‌خۆشخانه‌یان خزمه‌تێ بكه‌ت داكو باشتر شاره‌زا ببیت و ئه‌ڤ ژمارا نۆشداران كو 120 نۆژشدار دكێمن.

دیارکر ژی ل دووڤ ئامارێن وانه ئه‌و پێدڤى ب 160 نۆشداران هه‌نه‌، لێ بتنێ 120 هه‌نه‌ و ئەو هه‌ولدده‌ن نه‌هێلن چو جهـ بمینن ڤالا و گۆتژی: ئه‌م به‌رده‌وام كاردكه‌ین نۆشدار ل پشكێن ته‌نگاڤیان وچه‌ندین پشكێن دی یێن گرنگ هه‌بن و ده‌واما نۆشدارێن نیشته‌جێ خولا ل دهۆكێ زێده‌ترە ژ ده‌واما نۆشدارێن پارێزگه‌هێن دی یێن هه‌رێما كوردستانێ،چونكو نۆشدارێن مه‌ دكێمن.

ئاشكه‌را كركو نۆشدارێن نیشته‌جێ ل سه‌ر نه‌خۆشخانا و ده‌زگه‌هێن ساخله‌میێ و سه‌نته‌رێن تایبه‌تمه‌ند، هه‌ر سێ هه‌یڤان جاره‌كێ دهێنه‌ به‌لاڤكرن بۆ نمونه‌ ل نه‌خۆشخانا ئازادى بۆ ده‌مێ سێ هه‌یڤان ل نه‌خۆشخانا ته‌نگاڤیا ژى هه‌مان شێوه‌ و هه‌روه‌سا ل نه‌خۆشخانا سۆتنێ و نشتەرگەریێن جوانكاریێ و هه‌موو نه‌خۆشخانێن دى نۆشدارێن نیشته‌جێ بۆ ده‌مێ سێ هه‌یڤان دمینن و ژ نه‌خۆشخانه‌كێ دچنه‌ ئیكا دى خزمه‌تێ دكه‌ن. هەروەسا دیارکر نۆشدارین نشته‌جێ نه‌ بتنێ نه‌خۆشخانێن سه‌نته‌رێ دهۆكێ دا خزمه‌تێ دكه‌ن، به‌لكو ل سه‌ر قه‌زا و ناحیا ژى دهێنه‌ به‌لاڤكرن و ل هه‌ر جهه‌كێ كیماسى هه‌بیت ژلایێ وان دهێنە پرکرن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *