ميرخچك ل ده‌ف ژنا دوگيان

نوش نيوز، ئدریس ئاسیهی:

دکتۆر فوئاد عه‌بدولوه‌هاب جه‌میل، تایبەتمەند ب نەخوەشیێن پیستی باس میرخچکان کر و ئاکامێن وێ نەخوەشیێ لسەر ژنا ب دووگیان و زاڕووکێ وێ و گۆت: نەخوەشیا میرخچکان نەخوەشیەکا ڤایرۆسییا ڤەگرە و ب شێوەیەک لەزگین بەڵاڤ دبت، و تایەکا ئیکجار گەرم دگەل خوە د ئینت و پنیێن سۆر ل سەر هەمی لەشی بەڵاڤ دبن.

گۆتژى: ئەڤ نەخوەشی گەلەک گڤاشتنا لسەر ژنا ب دووگیان دکت وەکۆ تایەکا گەرم و سەرهلدانا پرزکان و پنیێن سۆر زێدەباری تێکچوونا بارێ دەروونی و هەودانا سیهان یەک ژ بەرژەنگێن مەزن یێن ڤێ نەخوەشیێ نە؛ سەبارەت سۆریلانکی و ئاکامێن ڤێ نەخوەشیێ، لسەر دەمی دمینت وەکۆ نموونە:

هەگەر ژن د ماوێ 20 حەفتیێن دەستپێکێ ژ دووگیانیێ تووشی ڤێ نەخوەشیێ و درۆست دناڤبەرا حەفتیا هەشتێ و حەفتیا 20ێ دا، سۆریلانک دبت راستەڕێی چەند چەوتیێن مەترسی یێن زکماکی ببت وەکی هەڤنویسا میرخچکێن زکماکی، ئەوژی نەخوەشیەکە نیشانێن وێ د رەحمی دا ل سۆریلانکی دیار دبن ب رێکا شەپۆلێن دەنگی دهێت دەرەهیکرن، لێ پشتی 48 دەمژمێران ژ دایکبوونێ نیشان هەمی دیار دبن و ئەو پنی و پرزک ل هەمی لەشی دیارن و دبت ئاکامێن وێ لسەر چاڤی هەبن و چەوتیێ بۆ دروست بکن یان تێکچوونەکێ د مەژیێ زاڕووکی دا یان د دەست و پیان دا یان د رویڤیکان دروست بکت و دبت ژیانا زاڕووکی بخت مەترسیێ.

گۆت: ژنان پیویستی ب ڤاکسینێ (گلوبولین)یێ بەرگری دژی ڤایرۆسێ میرخچکان هەیە، هەگەر تووش بوو و نەهاتیبت فاکسیندان و دبت دەرمانێن دژی ڤایرۆسیژی ژ بال نۆژدارێ تایمەتمەندڤە بۆ بهێن نڤیسین ژبەر لەزاندنا ئارامبوونێ ژ ڤێ نەخوەشیێ و یا باشتر ئەوە ئەو درەمان د 24 دەمژمێرێن پشتی سەرهلدانا پنیێن سۆر بهێت ب کار ئینان.

گۆتژی: هەگەر ژن تووشی نەخوەشیا میرخچکان د دەمی زاڕووکبوونێ دا بوو، دبت چارەسەریا زاڕووکی بهێت کرن ب دروستکریێ (گلۆبولین) یێ بەرگری پشتی ب دەمەکی کێم ژ دایکبوونێ داکۆ ببت بەڕەڤان ژ ڤێ نەخوەشیێ و زاڕووک تووش نەبت، و هەگەر زاڕووک د دوو حەفتیێن بەراهیێ ژ دایکبوونێ تووشی ڤێ نەخوەشیێ بوو دبت دەرمانژی پێ بهێن دان.

گۆتژی: هەگەر ژنێ بڕیارا دووگیانێ دابت و تووشی ڤێ نەخوەشیێ نەبت و نەهاتبتە ڤاکسیندان، لسەر وێ پێتڤیە بهێت ڤاکسیندان ئەوژی ژ دوو قورچان پێک دهێت و ئەو و زاڕووکێ وێژی دێ هێت پاراستن ژ ڤێ نەخوەشیێ .

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *