دورێن 80% نەخۆشێن ھەودانا جەرگی یا ڤایروسی چو نیشان لێ دیارنابن

نوش نیوز:
رۆژا جیھانیا یا ھەودانا جەرگی یاڤایروسی ل نەخۆشخانا گولان قەزا زاخۆ ھاتە ساخکرن و ل زاخۆ 655 کەس تووشی نەخۆشیا ڤایرۆسێ یا کولبوونا جەرگی بووینە ئەڤەژی دبیتە رێژا 1% ھژمارا ئاکنجیێن دەڤەرێ.
د. قەرەنی سەعید، رێڤەبەرێ ساخلەمیا زاخۆ بۆ ئەڤرۆ دیارکر کو رێژا کەسێن تووشبووی ب ڤایرۆسێ کولبوونا جەرگی یا ڤایرۆسی ل زاخۆ کێمترە 1% ژھژمارا ئاکنجیێن قەزا زاخۆ، چونکو ھژمارا کەسێن تووشبووی دگەھیتە 655 کەسان و پتر ژ ھزار و سێسەد کەس ژی ھەلگرن، ئانکو دگەل وان کەسانن یێن تووشبوویێن ئەڤێ نەخۆشیا دومدرێژە دەھان سال پێدڤین ھەتا ل سەر وان کەسان دیاردبیت یێن تووشبووی نوکە ل زاخۆ دەرمان بۆ چارەسەریێ ھەنە و نوشدارێن تایبەتمەند ژی ھەنە پشکنین و دوڤچوونا ڤان حالەتان دکەت.
د. فەرھاد شەھاب، بەرپرسێ پشکا ئێشێن ڤەگر ل رێڤەبەریا کاروبارێن خوەپاراستنا ساخلەمیێ سەر ب رێڤەبەریا گشتی یا ساخلەمیا دھۆکێ ڤە بۆ ئەڤرۆ دیارکرکو کولبوونا جەرگی یا ڤایروسی ئەگەرێ وێ تووشبوونا ب ڤایروسی ژ جۆرێن C,D,E,A,B, ئەڤ نەخۆشیە یابەربەلاڤە ل ھەموو جیھانێ دۆرێن 325 ملیون کەسان تووشی ڤایرۆسی کولبوونا جەرگێ بووینە ل جیھانێ ل پارێزگەھا دھۆکێ ژی چوو ئامارین دروست نینن، بەلێ ل قەزا زاخۆ ژ ھەموو دەڤەرێن دی پتر حالەت ھەنە لەورا مە ڤیا ل زاخۆ ئەڤ رۆژە بھێتە ساخکرن.
ئەوژی دیارکرکو سالا بۆری ل جیھانێ ھەموو ملیونەک و 400 ھزار کەس ژبەر ڤایرۆسی نەخۆشیا کولبوونا جەرگی مرینە ژمارا کەسێن گیانێ خوە ژدەست ددەن و ب ھەڤکاریا رێکخراوا ساخلەمیا جیھانی کار دھێتە کرن ل سەرانسەری جیھانێ ھەتا سالا 2030 ئەڤ نەخۆشیە نەمینت.
د. فەرھاد شەھاب ئاشکرا کر کو ڤاپروسێن کولبوونا جەرگی جۆرێن B , C ناھێنە ڤەگوھاستن ب ڤان رێیا ئەوژی شیردانا سروشتی زخارنێ وڤەخارنێ و ب رێیا ئاڤێ و ھەمبێزکرن وماچیکرن و ب کارئێنانا کەل وپەلێن خوارنێ و ڤەخوارنێ یێن کەسێن تووشبووی نە نەخۆشیا کولبوونا جەرگێ یا ڤایروسی بتنی ریێا ئەنجامدانا پشکنینا ئەڤ جۆرێن نەخۆشێان دھێنە دەست نێشانکرن وەکو دیتر چوو نیشان نەخۆشی ل مرۆڤێ ھەلگر دیارنینن.
ئاماژە دا وی چەندێ ژی کو چارەسەری ب دەرمانان ھەیە بو ڤایروسی جەرگی ب رێژا 95% چارەسەریا ئێک جاری بۆ نەخۆشی ھەیە لێ خوە پاراستن گەلەک باشترە، چونکو ھەتا نوکە چو ڤاکسین دژی ڤێ نەخۆشیێ نینن و دەست شووشتن و بکارئینانا دەستگورکا ل دەمێ کریارێن نشتەرگەریێ دا و پشکنینا خوینا پەخشکری بو کەسی خوین بدەت بۆ ڤایروسێن کولبوونا جەرگی رێیێن خوپاراستنێ نە.
د. عەلی جەبار، تایبەتمەندێ نەخۆشیێن دلی وھناڤا ل قەزا زاخۆ دیارکرکو کولبوونا جەرگی یا ڤایروسی ژ جۆری C ئەڤ نەخوشیەکا ڤایروسی یە ژ ئەگەرێ توشبوون ب ڤایروسێ کولبوونا جەرگی جۆری C سالانە نێزیکێ 399000 کەس گیانێ خوە ل جیھانێ ژ دەست ددەن و نیزیکێ 80% ژ نەخۆشان چو نیشان لسەردیار نابن ب رێیێن خوینێ ئەڤ ڤایروسە دھێتە ڤەگوھاستن ژ کەسەکی بۆ ئێکێ دیتر وبکارئینانا دەرزیک وسرنج وئامیرێن پیس یێن نوشداری ژی ئەڤ ڤایرۆسە دھێتە ڤەگوھاستن بکارئینانا کەل وپەلێن کەسایەتی یێن مرۆڤێ تووشبووی وەکو ئامیرێن تراشینێ و فرچێن ددانا و دبیت ب رێیا کریارێن سکسی ژی بھێتە ڤەگوھاستن یان ژ دایکێ بۆ زارۆکی.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *