ناسور چیە؟

نوش نيوز:
شڤان سەعید نوشدارێ نێشتەجێ خۆلا بۆ نوش نیوز ددەتە دیارکرن کو ناسور جورەکێ کیسکیە ل ژێریا پشتێ ، ل سەر کەلێژیێ دروست دبیت کو می تێدا کۆم دبن دبێژنێ کیسکێ ناسورێ pilonidal cyst، دەمێ ئەڤ کیسە تووشی ھەوکرنێ دبیت و عەداف تێدا کۆم دبیت دبێژنێ قونێرا ناسورێ pilonidal abscess کو ئێشانەکا زۆر یا ل گەل دا ھەيی، ھندەک جاران ب خۆ دەردبیت و عەداف لێ دھێت دبێژنێ pilonidal sinus.

* ناسورا کەلێژێ ژ ھەموویان زۆرترە، بەلێ دبیت ل ھندەک جھێت دیتر پەیدا ببیت وەکو د ناڤبه‌را سنگێ ژنا، بن کەفشا.
* بارا پتر گەنج تووشی ڤێ ئاریشێ دبن.

ئەگەرێن وێ:
ناسور یان pilonidal cyst رامانا وێ ئەوە ھێلینا میایە
گۆت: “ل دەمێ شەرێ جیھانیێ دویێ زێدەتری ٨۰ هزار لەشکەر تووشی ناسورێ بووينه‌ کو پێدڤی ب چارەسەریێ بوو، دەمی بۆ نوشداران دیاربوويى کو ژ بەر سیاربوونا ترۆمبێلا جێپ ئەڤ ئاریشە پەیدا دبیت و ناڤێ وێ کربوو نەخۆشیا جێپ.

ئەگەرێن سەرەکی:
٭ زەلام : ناسور د زەلامان دا زۆرترە ل ناڤ ژنان دا
٭ مروڤێن زۆر می پێڤەبن
٭ شوفێر
٭ زۆر روونشتن
٭ ئەندامێن خێزانێ ئەڤ ئاریشە ھەبیت ۳٨٪ دھێتە دیتن
٭ قەلەوی ئەگەرە بۆ دووبارەبوونێ.
٭ کەسێن گرنگیێ ب پاقژیا خۆ نەدەن و کومڤەبوونا میا ل سەر کەلێژیێ
* ل بەرکرنا جلکێت زۆر تەنگ
٭ کارێن زۆر گڤاشتنێ ل سەر کەلێژێ پەیدا دکەن

نیشانێن وێ:
ئەگەر کیسک بیت:
زۆربەی جاران چ نیشان نینە یان بەلکی ھەست ب گرێیەکێ ل سەر کەلێژیێ بکەت
* ئەگەر تووشی ھەودانێ ببیت
ئێشانەکا زۆر (نەشێت ب روونيت)، سوربوون، وەرمین ل سەر کەلێژیێ
* ئەگەر ب پەقیت:
لێ ھاتنا عەداڤێ، بێھنەکا نەخۆش ژێ دھێت
بلندبوونا تایێ

دەستنیشانکرن:
دەمێ تۆ ھەست ب وان نیشانێن مە بەحسکری کر، یا پێدڤی یە تو سەرەدانا نوشدارێ نشتەرگەریێن گشتی بکەيی، دێ ب رێيا وەرگرتنا زانیاریا و پشکنینا دەستی ئەڤ ئاریشە ھێتە دەست نیشانکرن.

چارەسەری:

ئەگەر ھێشتا کیسک بیت:
بەلکی ب رێيا نشتەرگەریێ بھێتە راکرن چ ل ژێر پەنجا خوجھی یان ب رێيا بێھوشکرنێ، دبیت برین ڤەکری بھێتە ھێلان و رۆژانە بھێتە دەرمانکرن ھەتا ب خۆ دگەھیتەف ئێک، یان بھێتە درین.

* ئەگەر ببیتە قونێر:
دڤێت بھێتە دەرکرن و چارەسەریا وەربگریت وەکو دژە زیندەگی و ئازارشکێنا و ژڤانەکێ نشتەرگەریێ دێ بۆ ھێتە دیارکرن ھەتا ھەوکرن نەمینیت و ل دووڤ دا نشتەرگەری دێ بۆ ھێتە ئەنجامدان.

ئەگەر پەقی بیت:
ب رێيا نەشتەرگەریێ ھێتە راکرن .
* ئاریشە: دبيت پشتی نەشتەرگەریێ دووبارە ببیتەڤە.
* خوپاراستن: پاقژی، نەھێلە می ل سەر کەلێژێ کوم ڤەببن، ھەرگاڤ بلا کەلێژ یا بێ می و حشک بیت، زۆر نەروونە خوارێ، وان کارا کێم بکە کو زۆر گڤاشتنێ ل سەر که‌لێژێ پەیدا دکەن وەکو زۆر ھاژۆتنا ترۆمبێلێ، کێشا لاشێ خۆ کێم بکە.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *