ھزرێن جڤاکی یێن خەلەت ل دور ساخلەمیا دەروونی

نوش نيوز:

پشکا فێرکرنا نوشداریا بەردەوام ب ھەڤکاری ل گەل رێڤەبەریا ساخلەمیا پارێزگەھا دھۆکێ د وارێ خزمەتێن ساخلەمیا دەروونی دا رابوون ب ئەنجامدانا چەندین خولا بۆ کارمەندێن ساخلەمیێ.

د. فەرسەت سەعید سەعدی بەرپرسێ پشکا فێرکرنا نوشداریا بەردەوام بۆ نوش نیوز گۆت: “ئەڤ خولە ژ رێکەفتی ١-١٢-٢٠١٧ دەست پێکرینە هه‌تا ٢٨-٢-٢٠١٩ دێ د بەردەوام بن و هه‌تا نوکە سێ جورێن خولا ھاتینە ڤەکرن”.

خولێن هاتينه‌ ڤه‌كرن ب ڤى ره‌نگێ ل خوارێ بوون:

١. خولەکا راھێنانێ بۆ کارمەندێن نەخۆشخانا ئازادی پشکا ساخلەمیا دەروونی یا زارۆ و سنێلەیان ئەڤ خولە حەفتیێ جارەکێ دھێتە کرن دێ یا بەردەوام بیت هه‌تا دووماھیا پروژەی.

٢. خولەکا راھێنانێ بۆ ٢٥ کارمەندێن پێشکێشکەرێن خزمەتێن دەروونی و جڤاکی بۆ ماوێ سێ رۆژا.

٣. خولەکا راھێنانێ بۆ هزار و ٣٥٠ کارمەندێن پێشکێشکەرێن جڤاکی ھاتیە ڤەکرن ھەر خولەک بۆ ماوێ ٨ رۆژا یە و ٥٤ گرۆپ تێدا پشکدارن ھەر گرۆپەک ژ ٢٥ کەسا پێک د ھات ٢٤ بابەتێن جودا ب خوه‌ ڤە دگریت.

دیسان گۆت: “خولەکا دی ل مەھا ئەیلولا ٢٠١٨ دێ بۆ ٢٢٥ فەرمانبەرێن بنگەھێن ساخلەمیا دەسپێکی ل سەرانسەری پارێزگەھا دھۆکێ ھێتە ڤەکرن”.

بەرپرسێ پشکا فێرکرنا نوشداریا بەردەوام ئاشكه‌را ژى كر كو ئه‌ڤ هه‌موو خولێن هاتينه‌ ڤه‌كرن ل سه‌ر هوشيارا وه‌لاتيانن ژ ھزرێن جڤاکی یێن خەلەت ل دور ساخلەمیا دەروونی.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *