نەخۆشيێن دەروونى ناھێنە ڤەگوھاستن

نوش نیوز:

چارەسەکارا دەروونى ل رێڤەبەریا گشتی یا ساخلەمیا پارێزگەھا دھۆکێ دیارکر کو چو راستی بۆ ڤەگوھاستنا نەخۆشێن دەروونى نينە ب تنێ دەمێ کەسەک د ناڤ خێزانەکێ دا تووشی نەخۆشیەکا دەروونی دبیت کارتێکرن ل پەيوەندیێن وێ خێزانێ دھێنه‌ کرن.

گەلاڤێژ جەعفەر، چارەسەکارا دەروونى ل رێڤەبەریا گشتی یا ساخلەمیا پارێزگەھا دھۆکێ بۆ نوش نیوز دیارکر کو ھندەک ژ وەلاتیان خەلەت د نەخۆشيێن دەروونی دگەھن، ئەو ھزر دکەن نەخۆشيێن دەروونى دھێنە ڤەگوھاستن، ئەڤە یا دوورە ژ راستیێ، نەخۆشێن دەروونى ناھێنە ڤەگوھاستن ژ کەسەکێ بۆ کەسەکێ دى، به‌لێ کارتێکرن یا ھەی ل سەر ئەندامێن خێزانێ؛ بۆ نموونە دەمێ کەسەکى د ناڤ خێزانا خوە دا نەحۆشیا خەمۆکيێ ھەبیت دێ ھەتا رادەیەکى کارتێکرن ل پەيوەندیێن وان کەت د ناڤ خێزانێ دا، ھەتا دێ كارتێكرنێ ل دەوروبەرێن خوە ژى کەت، ئەو نەخۆشی نەیا ڤەگره‌ و ناھێتە ڤەگوھاستن ژ کەسەک بۆ ئێکێ دى.

ئاشکەرا کر کو کەسێ تووشی نەخۆشيێن دەروونی دبیت نەیێ دینە، بەلکو یێ نەخۆشە پێدڤی ب چارەسەریێ ھەیە نوکە ل پارێزگەھا دھۆکێ نوشدار و سەنتەرێن تایبەت یێن چارەسەریا دەروونی ھەنە، خەلک ژی قەستا نوشدار و سەنتەرێن دەروونی دکەن، ئەڤ ساله‌ ژی گەرەکا باش ژ کارمەندێن ساخله‌ميێ ژ خۆلەکا دەروونی دەرچوون، دێ شێن باشتر د ناڤ دامودەزگەھێن ساخلەمیێ دا خزمەتێ پێشکیشی نەخۆشان کەن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *