بۆچى مرۆڤ تووشى زكچوونێ دبیت؟

نوش نیوز:

نه‌خوشیا زكچوونێ ئه‌و نه‌خوشیه‌ ئه‌وا هه‌ر ده‌مێ گه‌هشته‌ كه‌سه‌كێ، هه‌مان كه‌س بو ده‌مێ چه‌ند رۆژان بو دنالیت و هه‌ر ب زوى په‌نایێ به‌ر ب نوژداره‌كێ دبه‌ت ، نوژداره‌ك ژى ئه‌گه‌رێن هاتنا وێ نه‌خوشیێ و خو پاراستنێ بو نوش نیوز دیاردكه‌ت .
د.ره‌مه‌زان سه‌لاحه‌دین كوچه‌ر ، تایبه‌تمه‌ندێ نه‌خوشیێن دل و هناڤا بو نوش نیوز دا دیاركرن: ل دیڤ ڤه‌كولینێن زانستى وه‌ك پێناسه‌یا زكچونێ ، (زك چوون) ئه‌و چه‌نده‌ یه‌ ده‌ما پتر ژ (200) غرامان ئه‌و خارنا مفا ژێ نه‌هێته‌ وه‌رگرتن و ژ ناڤ له‌شێ مرۆڤى ده‌ربكه‌ڤیت یان ژى ، ده‌مێ مرۆڤ د رۆژێ دا پتر ژ (3) جاران چوو ته‌والێتێ وى ده‌مى (زك چوون) دهێته‌ هژمارتن و ئه‌و زك چوون یا دگه‌ل مرۆڤى هه‌ى.


تایبه‌تمه‌ندێ نه‌خوشیێن دل و هناڤا ئه‌و چه‌نده‌ ژى دا دیاركرن: دوو جورێن (زك چوونا هه‌نه‌) ژ وان ژى : زك چوونا ده‌م كورت و زك چوونا ده‌م درێژ و زێده‌ خارن و هنده‌ك جورێن ده‌رمانا دبیته‌ ئه‌گه‌رێ دروستبونا زك چوونا ده‌م كورت لێ ژ لایه‌كێ دیتر ڤه‌ ، نه‌خوشیێن ئینتیهاباتا ب تایبه‌ت ئینتهاباتێن رویڤیكا و هاودانێن قولونێ و چه‌ندین ئه‌گه‌رێن دیتر دبنه‌ ئه‌گه‌ر بو دروستبونا زك چوونا ده‌م درێژ
د.ره‌مه‌زان سه‌لاحه‌دین كوچه‌ر ، تایبه‌تمه‌ندێ نه‌خوشیێن دل و هناڤا گوت ژى: خارنا ژ ده‌رڤه‌ مینا له‌فا و خارنێن كه‌ڤن ئه‌گه‌ره‌كێ دى یه‌ بو په‌یدابوونا ئه‌ڤێ نه‌خوشیێ و ئه‌گه‌ره‌كێ سه‌ره‌كى یه‌ بو دروستبونا نه‌خوشیا زك چوونێ و یا ژ هه‌مویێ گرنگتر ده‌ست شویشتن بو زاروكان گه‌له‌ك یا گرنگه‌ چونكه‌ ب ده‌ست شویشتنێ زك چوون ژ مرۆڤى دویر دكه‌ڤیت ب تایبه‌ت ده‌ما زاروك ژ ته‌ولێتێ ده‌ردكه‌ڤن هیڤیه‌ دایكێن وان ئاگه‌هى ژێ هه‌بیت و ده‌ستێن خوه‌ باش بشون تا كو ژ ئه‌ڤێ نه‌خوشیێ دویر بكه‌ڤن

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *