رەنگ و قەبارێن جیاواز یێن کانیولا و ب کارئینانا وان .

نۆش نیوز

کانیولە ئێکە ژ وان ئامرازێن پزیشکی یێن گەلەك گرنگ دبوارێ تەندروستی دا مە چەند جورەك ژ کانیولا هەنە لێ لڤێرە ئەم دێ بەحسێ (Intravascular cannula) کەین ئەو جورە یێ کو دهێتە دانان ب رێکا دەمارێن خوینێ ، ئەڤە ب جیاوازیا رەنگ و قەباران ب کارئینانا وان یا جیاوازە ب ڤی رەنگێ ل خوارێ …

١- رەنگێ قەهوایی :- قەبارێ وێ ١٤ گێچە ، ٣٠٠ ملیلیتر د خولەکەکێدا تێدا دەرباز دبن ، ب کاردهێت بو ڤەگوهاستنا خوینێ و سێلان و دەرمانان ب شێوەیەکێ بلەز دناڤ دەماراندا .

٢-رەنگێ رەساسی(رصاصی):- قەبارێ وێ ١٦ گێچە ، ٢٠٠ ملیلیتر د خولەکەکێدا تێدا دەرباز دبن ، ب کاردهێت بو رەوشا تەنگاڤیا (حالە طارئة) و باهرا پتر د نشتەگەریاندا (عملیات) ب کاردهێت .

٣- رەنگێ سپی :- قەبارێ وێ ١٧ گێچە ،١٤٠ ملیلیتر د خولەکەکێدا تێدا دەربازدبن ، ب کارئینانا وێ گەلەک یا کێمە .بەلێ دشێین بو ڤەگوهاستنا دەرمان و سێلانان ب کاربینین د رەوشا نە یا تەنگاڤ دا (حالة طارئة) نەبیت.

٤- رەنگێ کەسك :- قەبارێ وێ ١٨ گێچە ، ٩٠ ملیلیتر د خولەکەکێدا تێدا دەربازدبن . ئەڤ جورە ب شێوەیەکێ ستاندەرد دهێتە ب دانان. ب کاردهێت بو ڤەگوهاستنا خوینێ بو ناڤ دەماران ب شێوەکێ روتینی (روژانە) .

٥-رەنگێ پیڤازی (پەمەیی) :- قەبارێ وێ ٢٠ گێچە ، ٦١ ملیلیتر دخولەکەکێدا تێدا دەربازدبن، باراپتر بو وەرگرتنا سامپلێن خوینێ دهێتە ب کارئینان . هەروەسا دشێین بو ڤەگوهاستنا خوینێ بو ناڤ دەماران ب کاربینین .

٦- رەنگێ شین :- قەبارێ وێ ٢٢ گێچە ، ٣٦ ملیلیتر د خولەکەکێدا تێدا دەربازدبن ، دهێتە ب کارئینان بو نەخوشێن ئاسایی و تەمەنێن ناڤەند . بو ڤەگوهاستنا جورێن سێلان و دەرمانێن دژی هەودانان (Atibiotic) .

٧- رەنگێ زەر :- قەبارێ وێ ٢٤ گێچە ، ٢٠ ملیلیتر د خولەکەکێدا تێدا دەربازدبن ، دهێتە ب کارئینان بو زاروک و زاروکێن شنی ژدایک بووی .و هەروەسا بو کەسانێن ب تەمەن (دانعەمر).

٨- رەنگێ مور :- قەبارێ وێ ٢٦ گێچە ، ١٣ ملیلیتر دخولەکەکێدا تێدا دەرباز دبن ، ب تنێ بو زاروک و زاروکێن پێش وەخت ژدایک بووی دهێتە ب کارئینان.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *