دێ چاوا کێزکەکا ساخ ژ گوهێ خوە دەرئێخی؟

نۆش نیوز

دەمێ کێزکەک دچیتە د گۆهێ مرۆڤی دا، مرۆڤ نەئارام دبیت و پتریا جارا پێکهاتینە ژ کێزکێن بچووک،نابیت میچینکێ یان دەمبوسا یان تۆقێن پرچێ و دارکێن گوها ب کاربینی بو دەرخستنا کێزکا، چونکو نەدوورە کێزک کیربچیت و پەردا گوهی پویچ بکەت.
بو هندێ سەرەدەریەکا دروست بکەی پێدڤیە:
– ئەوی کەسی نەترسینە و ئارام بکە.
– درێژ بکە و بلا پیچەک یێ خار بیت و ئەو گوهێ کێزک چوویە تێدا ل سەری بیت.
پاش رێکەک ژڤان ب کاربینە:
– چپکەک یان دو چپکێن زەیتا زەیتونا یان روەکا بکە دناڤ گوهی دا، ئەڤە ناهێلیت کێزک بلڤیت و دێ مریت.
هەکە زەیت یا بەردەست نەبوو، تو دشێی ئاڤێ ب کاربینی بەلێ هێدی لێبکە.
– هندەک کحولێ نۆشداری ل پامبی بکە، پامبی بشدینە پاش کحولی لێ بکە و بکە دناف گوهی دا، دێ بینی کحول دێ بیتە هلم و بێهنا وی دێ کێزکێ نەچارکەت ژ گوهی ب دەرکەڤیت.
– سرنجەکێ بێ دەرزیک بینە، یان ئامانەکی و ئاڤا گەرم بکێ و وێ ئاڤێ بکە دناڤ گوهی دا و کێزک دێ دەرکەڤیت .
ژبیرنەکە……
هەکە کێزکەک چوو د گوهێ تەدا، چ تو رێکێن لسەری ب کاربینی یان نە، خوە نیشا نۆشدارەکی بدە داکو سلامەتیا گوهێ تە یا پاراستی بیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *