كارتێكرنا پلا گهرماتیێ ل سهر زارۆكان
نۆش نیوز
رێڤهبهرێ نهخۆشخانا هیڤى یا زارۆكان دیاركر كو پلا گهرماتیێ مهترسى ل سهر زارۆكان ههیه، چونكو هندهك نهخۆشى بهلاڤ دبن دناڤ زارۆكان وەکو دلرابوون و زكچوون و هشكبوون.
د.نزار بهكر، رێڤهبهرێ نهخۆشخانا هیڤى یا زارۆكان دیارکر كو: دهمێ سهقایێ دونیایێ بهرهڤ گهرماتیێ دچیت و پلێن گهرماتیێ زێده دبن چهند نهخۆشى زێدهدبن ئهوژى یێن دلرابوون و زكجوون و هشكبوون ئهڤه دناڤ زارۆكان دا ژبهر بلندبوونا پلێن گهرماتیێ پتر پهیدابن دگهل ڤێ چهندێ ژى هندهك جاران نهخۆش دهێن زارۆك گهلهك بهرههتاڤى مایه كو گهرماتیهكا زێده د لەشێ زارۆكی دا چێدبیت و زارۆك بهرهڤ هشكبوونل دچیت ژبهر ڤێ چهندێ ئهم ئاموژگاریان ل دایك و بابان دكهین هندى بشێن نههێلن زارۆك بچته بهر ههتاڤى داكو تووشى دلرابوونل و هشكبوونێ و زكچوونێ نهبیت، ههروهسا نابیت زارۆك خوارنێن نه شووشتى بخۆت.
رێڤهبهرێ نهخۆشخانا هیڤى یا زارۆكان ئهوژى ئاشكرا كركو: ههر تشتهكێ د ڤی وهرزى دا بۆ زارۆكان بهێته بكارئینان پێدڤیه دایك وباب ژێ پشت راست بن ئهو تشت گهلهك ل بهر ههتاڤێ نهمابیت، چونكو ههتاڤ خراب دكهت و دهمێ زارۆك بخۆت دىێ تووشى نهخۆشیان بیت، ههتا كهرهستێن دهم ب سهرڤهچووی ژى ب هیچ رهنگهكى نابیت زارۆك بخۆت ئهوژى پێدڤیه دایك و باب دهمێ تشتهكێ دكرن ژ مێژوویا دهم بسهرڤهچوونێ پشت راست دبن ههتا فێقى و كهسكاتى ژى باشى بهێنه شووشتن و پاشى زارۆك بخۆت.
ناڤهاتى ئهوژى نهڤهشارت وگۆت: پاراستنا زارۆكان دناڤ مالێ دا باشترە کو بچیته بهر ههتاڤێ، چونكو ههتاڤ دبیته ئهگهر زارۆك تووشى نهخۆشیان بیت دڤان ههیڤاندا دلرابوون وهشكبوون ژبەر كارتێكرنا ههتاڤێ ل سهر زارۆكان گهلهك مشه دبن، ههتا زارۆك هندهك جاران پێدڤى دبیت دناڤ نهخۆشخانێ دا بهێته نڤاندن وسیلان بۆ دهێته دانان داكو هشك نهبیت وكارتێكرن لسهر رهوشا وێ نههێته كرن.
د. نزار بهكر، دیارکر هندهك جاران 60 ههتا 70 زارۆكان دناڤ نهخۆشخانێ دا دهێنه نڤاندن گهلهك ل پشكا تهنگاڤیان دهێنه نڤاندن وسیلانێ وهردگرن وهندهك ژى دناڤ نهخۆشخانێ دا دهێنه نڤاندن بۆ دهمێ چهند رۆژان ههتا چارهسهر بن دڤێ وهرزى دا 80% ژ زارۆكان تووشى دلرابوونێ و هشكبوونێ و زكچوونێ د بن و بێ جۆداهى خزمهت بۆ ههموو زارۆكان دهێنه پێشكیشكرن.
