کارتێکرنا بێکاریێ ل سەر دەرونێ تاکە کەسان

نۆش نیوز

چبکەین کو پێکاری کارتێکرنێ ل دەوونێ مە نەکەت؟
د. ئاڤا غازى ره‌شید, تایبه‌تمه‌ندێ نه‌خوشیێن ده‌روونى بەرسڤێ ددەت.
ساخله‌میا ده‌روونى كارتێكرنێن جودا جودا هه‌نه‌ ل سه‌ر ژیانا مروڤى، بێكارى دبیته‌ ئه‌گه‌رێ گڤاشتنه‌كێ سه‌ر ده‌روونێ مروڤى و ده‌رئه‌نجام ئه‌و كه‌سه‌ ب خه‌م دكه‌ڤیت و دودلى و قه‌له‌ق ل ده‌ڤ په‌یدا دبیت، ئه‌ڤ گڤاشتنێن ده‌روونى دگه‌ل هنده‌ك هوكارێن دیتر لده‌ڤ هنده‌ك كه‌سان دبیته‌ ئه‌گه‌رێ نه‌خوشیێن ده‌روونى وه‌ك خه‌موكى و دودلى.
د. ئاڤا غازى ره‌شید، تایبه‌تمه‌ندێ نه‌خوشیێن ده‌روونى دیاركر داكو بێكارى كارتێكرنه‌كا مەزن ل سه‌ر ده‌روونێ مه‌ نه‌كه‌ت ئه‌و گڤاشتنێن ده‌روونى یێن ژ ئه‌گه‌رێ بێكاریێ په‌یدادبیت وه‌ك ترس و دودلى ئه‌ڤه‌ پروسێسه‌كا نورماله‌ ئه‌ڤ ئه‌گه‌رێن په‌یدا دبن وه‌دكه‌ن كو به‌رده‌وام ل كارى بگه‌رى و ئه‌گه‌ر كه‌سه‌ك یێ بێ كاربیت و ئه‌ڤ بێكاریه‌ نه‌بیته‌ ئه‌گه‌رێ گڤاشتنه‌كێ ل سه‌ر ده‌روونێ وى كه‌سى ئه‌ڤه‌ دیار دبیت كو ئه‌و كه‌سه‌ هێش نزانیت كو كاركرن تشته‌كێ سه‌ره‌كیه‌ د ژیانا هه‌ر كه‌سه‌كیدا .
تایبه‌تمه‌ندێ نه‌خوشیێن ده‌روونى خویاكر ده‌ست نه‌كه‌فتنا كارى نابیته‌ به‌لگه‌ كو كه‌سایه‌تیه‌كا لاوازا یا هه‌ى یان شیانێن كاركرنێ وی کەسی نینن و گۆت: داكو كێمبوونا باوه‌ریێ بخو ده‌ڤ مروڤى په‌یدا نه‌بیت، گه‌له‌ك كه‌سێن هه‌ین شیانێن كارى یێن باش ین هه‌ین، هه‌روه‌سا كه‌ساتیه‌كا ب هێز یاهه‌ى به‌لێ دبیت هنده‌ك ده‌م د ژیانا واندا بهێن كو كار ده‌ست نه‌كه‌ڤیت یان ئه‌و جهێ لێ دژیت ده‌لیڤێن كارى د كێمن.
د. ئاڤا غازى ره‌شید، دازانین پێدڤیه‌ به‌رده‌وام ل ده‌لیڤێن كارى بگه‌رین د ژیانا گه‌له‌ك كه‌سێن ژ مه‌دا روژ هاتینه‌ و بێكار ماینه‌ و ئه‌گه‌ر پرسیارا كه‌سَێن مازن بكه‌ین كو ل ده‌ڤ وانژى ئه‌ڤ ئه‌گه‌ره‌ چێب.وینه‌ و دهێته‌ هه‌ژمارتن به‌رته‌نگاڤیه‌كا ژیانێ و به‌رده‌وام نابیت و گوت: د ماوێ بێكاریێ دا پێدڤیه‌ مه‌ ئاگه‌هـ ژ هندێ هه‌بیت كو فێرى هنده‌ك نه‌ریتێن زیان به‌خش ببن وه‌ك شه‌ڤێ دمینیت هشیار و ب روژ دنڤیت یان دێ گه‌هیته‌ هنده‌ك هه‌ڤالێن خراب، هه‌روه‌سا بكارئینانا مادێن هوشبه‌ر و كرنا قومارێ و به‌رێخودانا مالپه‌رێن بێ په‌رده‌. پێدڤیه‌ روژا خو ب كارێن باش تژى بكه‌ت وه‌ك په‌یوه‌ندیێن كومه‌لایه‌تى ب هێزبێخیت هه‌روه‌سا په‌یوه‌ندیا خو دگه‌ل خودێ هێز بكه‌ڤیت.
ول دووماهیێ گوت: پێدڤیه‌ حكومه‌ت و جهێن شوله‌ژێ كاربكه‌ن بو كێمكرنا بێكاریێ و ده‌لیڤێن كارى بو گه‌نجێن مه‌ په‌یدا بكه‌ن و په‌یداكرنا كارى بو گه‌نجێ مه‌ دبیته‌ ئه‌گه‌رێ گرتنا كومه‌كا ئاریشێن جڤاكى و ده‌روونى هه‌روه‌سا یێن جه‌سته‌ى, كه‌سێن ده‌وله‌مه‌ند كو پاره‌كێ داناى هه‌ى هنده‌ك ژ وان پاران بكه‌نه‌ د پروژه‌یاندا بلا فایده‌كێ گه‌له‌ك نه‌بیت به‌س دێ مفاى گه‌هینى كومه‌كا گه‌نجان و مفایه‌كێ مه‌عنه‌وى یێ گه‌له‌ك مازن گه‌هیته‌ ته‌ و دبیت ئه‌ڤ مفایێ مه‌عنه‌وى ب پارێن خو نه‌شێى بكرى و دبیته‌ ئه‌گه‌رێ دلخوشى و ئارامى و دزانى كو ته‌ كاره‌كێ ب مفا كر بو جڤاكێ خو و ته‌ مفا گه‌هانده‌ كومه‌كا گه‌نجان و پشت وان گه‌نجانژى چه‌ند خێزان هه‌نه‌ و دێ مفاداربن .

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *