بو دەرونەکێ ئارام ڤان پێنگاڤان ئەنجام بدە
نوش نیوز
-رۆژانه 10-30 ده‌قیقا ته‌رخان بكه بۆ رێڤه‌چوونێ و بلا گرنژین ل سه‌ر دێمێ ته بیت.
-10 ده‌قیقا بێ ده‌نگ روونه خوارێ.
-هنده‌ك ژ ده‌مێ خوه رۆژانه ته‌رخان بكه كو دگه‌ل كه‌سانێن دانعه‌مر ببوورینی و هنده‌ك ده‌م ژی ل گه‌ل گه‌نحان.
-هندی بشێی خوارنێن سروشتی بخوو و خوه ژ خوارنێن قودیككری دوور بكه.
-رێژه‌كا مه‌زن یا ئاڤێ ڤه‌خوو.
-وه‌ختێ خوه یێ گرنگ ب گه‌نگه‌شه و شه‌ر و شه‌ره‌نیخان ده‌رباز نه‌كه.
-بابه‌تێن بووری ژبیربكه، هزرا هه‌ڤالێ خوه ل شاشیێن ده‌ربازبووی نه‌ئینه، چونكو دێ نه‌خوشی په‌یدابن.
-نه‌هێله هزرێن خراب كونترولا ژیانا ته بكه‌ن هێزا خوه هه‌موویێ بو باشیێ ته‌رخان بكه.
-ژیان یا كورته، ب ململانێ و نه‌ڤیانا كه‌سێن ده‌وروبه‌ری خوه ته‌رخان نه‌كه.
-نه یا گرنگه هه‌ر گه‌نگه‌شه‌كا بهێته كرن تو تێدا ب سه‌ركه‌ڤی، ده‌مێ تو خه‌له‌ت بووی راوه‌سته و ده‌لیڤێ بده یێ به‌رامبه‌ر خوه بوته راستڤه‌كه‌ت.
-تشتێ بوری ب هه‌موو شاشیێن وێڤه دوور بكه، داكو پاشه‌رۆژا ته تێك نه‌چیت.
-ژیانا خوه به‌راوه‌رنه‌كه ل گه‌ل ژیانا كه‌سێن دی، و هه‌ڤژین/ا، خوه ژی به‌راوه‌رد نه‌كه ب یێن كه‌سێن دی.
-مایێ خوه د پێشبینیێن خه‌لكی نه‌كه.
-هندی كاودان د باش نه‌بن، بلا ته باوه‌ری هه‌بیت دێ هێنه گوهارتن.
-بلا هه‌رده‌م ته باوه‌ری هه‌بیت، تشتێ باشتر یێ ب رێڤه.
-بلا هه‌موو ده‌مان ته په‌یوه‌ندی ل گه‌ل دایك و بابێن خوه و خێزانا خوه هه‌بیت.
-رۆژانه تشته‌كێ باشتر پێشكێشی خه‌لكی بكه.
-خوه خه‌مبار نه‌كه بو تشتێ ده‌ربازبووی، به‌لكو هه‌ر ژ نوكه لاپه‌ره‌كێ نوو ڤه‌كه.
