نابیت شتی دناڤ سەلاجێدا بهێتە هەلگرتن

نوش نیوز

شتی فێقیەکێ هاڤینێ یە و گەلەک کەس حەز ژ خوارنا وی دکەن، چونکو تام و خۆشی هەیە و تێهنێ دشکێنیت، بەلێ هەتا نوکە تو دزانی نابیت بکەیە د سەلاجێ دا؟

ئەم هەمی دەمێ شتی دکڕین حەز دکەین ب ساری بخۆین لەورا دکەینە دسەلاجێ دا، بێ کو بزانین کو ئەڤە بەهایێ خۆراکی کێمدکەت.

ل دووڤ بابەتەکێ نوی ئاماژە ب وێ چەندێ دهێتەدان، ڤەکولینەک کو وەزارەتا چاندنا ئەمەریکی ئەنجامیە و ل گۆڤارا کیمیا چاندنێ و خۆراکی بەلاڤکری ئاشكراکریە، شتی هەکە ل پلەیەکا گەرما ژووردا بهێتە هەلگرتن پتر مفا هەیە ل شتیێ سار.

ڤەکولەران ل تاقیگەها باشوورێ مەڵبەندی سەر ب وەزارەتا چاندنا ئەمریکی ل ویلایەتا ئۆکلاهۆما تاقیکرن ل سەر چەند جۆرێن شتی کریە بۆ دەمێ ١٤ رۆژان، شتی ل پلەیا گەرمێ ٧٠ و ٥٥ و ٤١ پلەدا هەڵگرتیە، دیتیە، ئەو شتیێن کو ل پلەیا ٧٠ فەهرەنیهایەتدا هەلگرتین ماددەیێ خۆراکی ب بەهایان زێدەتر بوون بەراورد ب وان یێن دسەلاجێ دا هەلگرتین.

دەربارەی ئەڤێ چەندێ ڤەکولەران ئاشکراکریە، شتی بەردەوام دبیت ل بەرهەمئینانا هندەك ماددێن خۆراکی هەتا پشتی دهێتە ژێڤەکرن ژی، بەلێ سارکرنا وی دبیتە ئەگەرێ سستبوونا کریارا زێدەکرنا ماددێن خۆراکی یان راوەستاندنا وان، کو دبیت ب تنێ ژ ئەگەرێ سارکرنا وی دماوێ حەفتیەکێدا تێكبچیت.

لەورا باشترە شتی ل پلەیا گەرما ژوور ڤە هەلبگیریت بۆ هندێ زێدەتر مفا ل بەهایێن وی یێن خۆراکی وەربگرن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *