ئه‌رێ‌ ب رێكا سێكسی مرۆڤ دشێت بزانیت كور یان كچ دێ‌ هه‌بیت؟

گه‌له‌ك ژ دایبابان هیڤیا وێ‌ چه‌ندێ‌ نه‌ كو زارۆیه‌كێ‌ كور هه‌بیت، هنده‌كا ژی حه‌زا كچان هه‌یه‌، هه‌ر ل ده‌ستپێكا پێكئینانا ژیانا هه‌ڤژینیێ‌ دێ‌ ده‌ست ب لێگه‌ریانێ‌ ل وان رێان كه‌ن كا چاوا دێ‌ شێن ره‌گه‌زێ‌ زارۆیێ‌ خوه‌ ده‌ستنیشان كه‌ن؟ پتریا جاران ژی دكه‌ڤنه‌ هنده‌ك شاشیان و چو تشتێن زانستی نینن بۆ ده‌ستنیشانكرنا ره‌گه‌زی و پتریا شاشیان ژی ئه‌ڤه‌نه‌:
• ل فره‌نسا ل چه‌رخێ‌ 18 گوتگوتكه‌ك به‌لاڤببوو كو هه‌ر حه‌واجه‌كێ‌ زه‌لامی به‌رپرس و تایبه‌تمه‌نده‌ ژ ره‌گه‌زه‌كی، دگۆتن ئاڤا زه‌لامی ژ لایێ‌ چه‌پێ‌ دبیته‌ ئه‌گه‌رێ‌ هاتنا كچان و لایێ‌ راستێ‌ كور ده‌ردكه‌ڤن، له‌ورا زه‌لام رادبوون ب گرێدانا حه‌وێجێ‌ چه‌پێ‌ هه‌كه‌ كور ڤیابان.
•یونانیێن به‌رێ‌ دگۆتن هه‌كه‌ ل ده‌مێ‌ ئه‌نجامدانا كریارا سێكسی زه‌لام ل سه‌ر لایێ‌ راستێ‌ بیت دێ‌ كور هه‌بن.
•هنده‌ك هزر ژی به‌ربه‌لاڤ ببوون كو دگۆتن حه‌یمه‌نێن زه‌لامی كو ل ده‌مێ‌ دگه‌هنه‌ هێكێن ژنێ‌ دێ‌ كور په‌یدابن، وان دگۆتن كو ئه‌و زووتر ژ حه‌یمه‌نێن (X) یێن به‌رپرسیار ژ په‌یدابوونا كچان پووچ دبن، ل دویڤ ڤان هزرا دگۆتن هه‌كه‌ زه‌لام ل ده‌مێ‌ ئه‌نجامدانا سێكسی ژ پێیاڤه‌ بیت دێ‌ كور هه‌بن، چونكو حه‌یمه‌نێن به‌رپرسیار ژ كوران زووتر دێ‌ گه‌هنه‌ هێكێن ژنێ‌ بۆ دوگیانبوونێ‌.
•هنده‌ك هزر ژی هه‌بووینه‌ كو هه‌كه‌ زه‌لام گه‌له‌ك قه‌هوێ‌ ڤه‌خووت به‌ری ئه‌نجامدانا سێكسی ره‌نگه‌ كور په‌یداببن.
•هنده‌ك ژی هزر دكه‌ن كو هه‌كه‌ ژن به‌ری زه‌لامی بگه‌هیته‌ خوشیا سێكسی دێ‌ كور په‌یدابن، وان دگۆتن كو ده‌رهاڤێژێن زه‌لامی یێن به‌رپرسیار ژ كوران پتر ل ناڤ هێكێن ژنێ‌ دێ‌ مینن و دێ‌ كور په‌یدابن.
•هنده‌ك ژی ب ته‌مامی به‌روڤاژی ڤێ‌ چه‌ندێ‌ هزر دكه‌ن و دبێژن هه‌كه‌ ژنێ‌ كور بڤێن پێدڤیه‌ نه‌گه‌هیته‌ خوشیا سێسكی، چونكو هه‌كه‌ گه‌هشتێ‌ دێ‌ كچ په‌یدابن.
•ڤه‌كولینه‌كێ‌ پێشبینی كر كو ئه‌و ژنێن سپێده‌هیان تێشتێ‌ دخوون وان پتر شانسێ‌ ئینانا كوران هه‌نه‌.
•هنده‌ك ژی هزر دكه‌ن كو ئه‌نجامدانا سێكسی ب چار هه‌تا شه‌ش رۆژان ژ هاتنه‌خارا هێكێن ژنێ‌ دبیته‌ ئه‌گه‌ر وێ‌ ژنێ‌ كور ببن، به‌لێ‌ هه‌كه‌ دو یان سێ‌ رۆژ بن دێ‌ كچ هه‌بن.
•ل دووڤ ڤان هه‌موو هزران، یا دروست ئه‌وه‌ مرۆڤ یێ‌ رازی بیت چ كور یان كچ بیت و گه‌له‌ك باوه‌ر ژ هزر و شاشیان نه‌كه‌ت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *