بۆ جارا ئێكێ ل سه‌ر ئاستێ عێراقێ نشته‌رگه‌ریا راكرنا به‌ركێ لوله‌كا زراڤێ ب رێیا نازوورا زكى ل پارێزگه‌ها دهۆكێ دهێته‌ ئه‌نجامدان

نۆش نیوس

د.نه‌وزاد سالح سلێڤانى، تایبه‌تمه‌ندێ چاندن و نشته‌رگه‌ریا مێلاك و په‌نكریاس و لوله‌كێن زراڤێ دیاركر نه‌خۆشیێن زراڤى و به‌ركێن زارڤى گه‌له‌ك دبه‌ربه‌لاڤن دناف خه‌لكێ مه‌دا، ژبلى ده‌مێ هه‌ودانێن زراڤى چێدبن، به‌ركێن زراڤى هنده‌ك جارا دهێنه‌ خارێ دهێنه‌ كه‌نالێن زراڤى و زه‌ركێ بو نه‌خۆشى چێدكن، وه‌ك خه‌لك دبێژت به‌ركى خو ل مێلاكێ دایه‌، و گوت: دڤى حاله‌تى دا دڤێت ئه‌و به‌رك بهێته‌ ده‌رێ، به‌هرا پتر ب شێوه‌یى نازوورا مه‌عیده‌یى دهێنه‌كرن، نازوور ب رێیا مه‌عیده‌یى دێ چیته‌ لوله‌كا زراڤى و دێ به‌ركى ب هنده‌ك ئامیرێن تایبه‌ت وه‌ك تێله‌ و بالونا، و دێ به‌ركى پێ ده‌رێخن، و گوتژى: هنده‌ك جارا ئه‌ف نازووره‌ ناهێته‌ ئه‌نجامدان ژبه‌ر چه‌ند ئه‌گه‌را، دبیت به‌رك یێ مه‌زن بیت یان لوله‌كا زراڤى گه‌له‌ك یاته‌نگ بیت، نه‌شێن ب رێیا نازوورێ بیننه‌ ده‌رێ، دڤى حاله‌تى دا ئه‌م زكى نه‌خۆشى ڤه‌دكن، و دچینه‌ لوله‌كا زراڤى ئه‌وا ژ مێلاكێ دهێت بو مه‌عیده‌یى، ل لوله‌كێ دگه‌ریێن، و جودا دكه‌ین ژ ده‌مارێن خۆینێ و ڤه‌دكن و به‌ركى د ئیننه‌ ده‌رێ، ئه‌ف نشته‌رگه‌ریه‌ خو ب رێیا ڤه‌كرنێ ژى گه‌له‌ك یا ب زه‌حمه‌ته‌ وه‌ك مه‌ دیاركرى، ده‌مارێن سه‌ره‌كى یێن مێلاكێ ب ره‌خڤه‌نه‌ دڤێت نه‌هێنه‌ برینداركرن، سوپاس بو خۆدێ مه‌ ئه‌ف نشته‌رگه‌ریه‌ ئه‌نجامدا ب رێیا نازوورا زكى بێ زكێ وى بهێته‌ ڤه‌كرن، بتنێ ب رێیا چه‌ند قولپا و هنده‌ك ئامیرێن نتایبه‌ت داخلى زكێ نه‌خۆشى هاتنه‌كرن، به‌رك 25ملیم بو ب زه‌حه‌ت هاته‌ ده‌رێ، دووڤدا مه‌ لوله‌كا زراڤێ درى.
بو زانین ژیێ نه‌خۆشى 45 سال بوون،خه‌لكێ به‌غدا بوو، ژلایێ نۆشداره‌كى ڤه‌ بومه‌ هاته‌ ره‌وانه‌كرن بومه‌ ل دهۆكێ، نه‌خۆش رۆژا دیف نشته‌رگه‌ریێ دا هاتن و چون ده‌سپێكر و خارن خار و ڤه‌خار، چونكو مه‌ زكێ وى نه‌ ڤه‌كر، و چ سه‌ربارك بو چێنه‌بوون، ب سلامه‌تى ڤه‌گه‌ریا مال، نه‌وه‌ك نه‌خۆشێن دى ئه‌وێن زكێ وان دهێته‌ ڤه‌كرن نێزیكى حه‌فتیه‌كێ دمیننه‌ د نه‌خۆشخانێ دا.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *