گوهۆرینا هزرێ ل سه‌ر رۆژیێ پێنگاڤه‌كه‌ بو نه‌هێلانا توره‌بوونێ

دیدار، شڤان لقمان:

د.ئاڤا غازى:
گوهۆرینا هزرێ ل سه‌ر رۆژیێ پێنگاڤه‌كه‌ بو نه‌هێلانا توره‌بوونێ

دیدار، شڤان لقمان:

د. ئاڤا غازى رشید تایبه‌تمه‌ندێ نه‌خوشیێن ده‌رونى دیاركر هنده‌ك كه‌س ده‌مێ روژى گرتنێ توره‌دبن، هه‌روه‌سا هنده‌ك كه‌س هه‌نه‌ د بنه‌ره‌ت دا د توره‌نه‌ و نه‌شێن كونترولا توره‌بوونا خوه‌ بكه‌ن ده‌مێ روژى گرتنێدا و گۆت: سه‌ره‌ده‌ریكرنا كه‌سێن توره‌ دگه‌ل روژیگرتنێ پێدڤیه‌ هه‌لسه‌نگاندنێ د هزرێن خوه‌ دا بكه‌ن، ئه‌وێن لسه‌ر روژیێ هه‌ین كا بوچى رۆژیێ دگرن یان رۆژى چ رامان د ده‌ت ل ده‌ڤ وان، بۆ نمونه‌ هنده‌ك كه‌س وێ هزرێ د ده‌نه‌ رۆژیێ كو ب تنێ نه‌خۆت و نه‌ڤه‌خۆت سپێدێ هه‌تا مه‌غره‌ب، یان رۆژى ل ده‌ڤ وان زه‌حمه‌ت و وه‌ستیانه‌ و به‌رێ وان ل ده‌مژمێرێ یه‌ كا چمایه‌ بو بانگ.
تایبه‌تمه‌ندێ نه‌خۆشیێن ده‌روونى دازانین رۆژیگرتنێ چه‌ندین ئارمانجێن كوور هه‌نه‌ كو پێدڤیه‌ كه‌سێن رۆژیگر هزر تێدابكه‌ت و گۆت: ده‌مێ كه‌سێن توره‌ هزرا خوه‌ د گوهۆرن ل سه‌ر رۆژیگرتنێ پێنگاڤه‌كا باشه‌ كونترولا توره‌بوونا خوه‌ بكه‌ن، هه‌روه‌سا روژیگرتن ده‌لیڤه‌كه‌ كو ئه‌م خوه‌ بگوهۆرین و پاقژكرنا نه‌فسامه‌یه‌ ژ نه‌ڤیانێ و گه‌له‌ك تشتێن دى یێن خه‌له‌ت كو ل ده‌ڤ مه‌هه‌ین، هه‌روه‌سا رۆژى ده‌لیڤه‌یه‌ كو ره‌فتارێن مه‌ راستڤه‌ببن و خه‌و دووربكه‌ین ژ گۆتنا وان په‌یڤێن كه‌سێن به‌رامبه‌ر د ئێشینیت، هه‌روه‌سا رۆژى نیشا مروڤى دده‌ت كو ته‌ شیانێن هه‌ین زالبى لسه‌ر حه‌زێن خوه‌ كو خوارن و ڤه‌خارنن و حه‌زه‌كا خورسكیه‌ ل ده‌ڤ مرۆڤى و مرۆڤ كونترول دكه‌ت، هه‌روه‌سا حه‌زا سێكسى كو مروڤ كونترولا وێ دكه‌ت بو ده‌مێ رۆژیگرتنێ دا، رامانا ئه‌ڤێ ئه‌وه‌ كو مروڤ دشێت گه‌له‌ك گوهرینا د ژیانا خوه‌ دا بكه‌ت..
د. ئاڤا غازى رشید خویاكر، مروڤ سیفه‌تێن خوه‌ دنیاسیت ده‌مێ كاره‌كى یان ره‌فتاره‌كێ یان چوونا جهه‌كى دبیت مروڤى توره‌كه‌ت، پێدڤیه‌ مروڤ هه‌ول بده‌ت ده‌مێ نه‌ یێ ئاماده‌ نه‌چیته‌ وان جهان وگۆت: ئه‌و دانوستاندنێن بێ مفا كو دبیت ژ سیفه‌تێ دانوستاندنێ ببیته‌ جه‌ده‌ل و توره‌بوون په‌یدا بیت، پێدڤیه‌ مروڤ خوه‌ دوورلكه‌ت ژ وان دانوستاندنان و به‌رنامه‌كێ رێكخستى هه‌بیت و مفاى ژ ڤێ هه‌یڤێ ببینیت.
تایبه‌تمه‌ندێ نه‌خوشیێن ده‌روونى ئه‌وژى دیاركر خوارنا پاشیڤێ یا گرنگه‌ وگۆت: هاتنا خوارێ یا رێژا شه‌كرێ دبیت مروڤ پێ تووره‌ببیت، هه‌روه‌سا رێكخستنا خه‌وێ كو گه‌له‌ك كه‌س ل هه‌یڤا ره‌مه‌زانێ خه‌وا وان نه‌ یارێكخستیه‌ و كارتێكرنێ ل سه‌ر مروڤى دكه‌ت و توره‌ببیت، كه‌سێن رۆژیگر ئه‌وێن جگار كێش دبیت ل ده‌مژمێرێن دووماهیێ ژ رۆژیگرتنێ تووره‌ببن، چونكى له‌شێ وان داخازا نیكوتینێ دكه‌ت و ژبه‌كو ب رۆژینه‌ نه‌شێن جگاره‌یان بكێشن، ره‌مه‌زان ده‌لیڤه‌كا باشه‌ كو ئه‌ڤ كه‌سه‌ جگاران بهێلن دبیت بو ده‌مێ حه‌فتیه‌كێ نه‌كێشن و دبیت پیجه‌ك بارێ ده‌روونى نه‌یێ باشبیت، به‌لێ پشتى چه‌ند رۆژان بشێن كونترولا خوه‌ بكه‌ن و دوور بكه‌ڤن ژ جگارێ.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *