تو نانێ جەمەدگرتی لسەر تەباخێ گەرم دکەی؟
نۆش نیوز:
گەلەک کەس رۆژانە نانی دناڤ موجەمیدێ و سەلاجێ دا دەردئێخن و لسەر تەباخا غازێ یان سۆپێ گەرم دکەنەڤە، بەلێ ئەڤە جهێ مەترسیێ یە و دبیتە ئەگەرێ چەندین نەخۆشیێن ب مەترسی.
گەرمکرنا نانی لسەر تەباخا غازێ و سۆپێ وەدکەت کو ماددێ ( ئەکرلامید) دناڤ پێکهاتێن وی دا دروست ببیت کو ماددەکێ مەترسیدارە و نەدوورە ببیتە ئەگەرێ پەنجەشێرێ.
چەند نان پتر بهێتە گەرمکرن، مەترسیا خوارنا وی زێدەتر لێ دهێت، ب تایبەت ژی هەکە رەنگێ نانی ڕەش ببیت، ئەڤ پێکهاتە زێدەتر دناڤدا پەیدادبیت و هەلبەت مەترسیا ویژی پتر لێدهێت.
هەروەسا چەند نان ڕەقتر لێ بهێت و رەنگێ وی تۆختربیت، رێژا ڤی ماددەی ژی زێدەتر لێ دهێت کو ماددەکێ پەنجەشێرێ یە و تووشبوونێ ب نەخۆشیێن مەترسی زێدەتر دبیت.
