كارتێكرنا نهخۆشیا پهنجهشێرا مهمكى ل سهر دهروونێ تووشبوویان
كارتێكرنا نهخۆشیا پهنجهشێرا مهمكى ل سهر دهروونێ تووشبوویان
نۆش نیوز، لهزگین جوقى
نوشدارهكا شارهزا یا نهخۆشیێن مهمكى ل دهۆكێ دیاركر كو گهلهك ژن مه دیتینه دبێژن نهخۆشترین تشت بۆ من ئهوه پرچا من وهریا و گۆته من دێ سینگێ ته ژێڤهكهن ئهڤه ههموو كارتێكرنێن دهروونى ل سهر ژنێ پهیدادكهن.
د. سهناء رهشید تاهر، شارهزا نهخۆشیێن مهمكى ل دهۆكێ دیاركر كو پهنجهشێرا مهمكى چهند زوو بهێـته دهستنیشانكرن باشه دێ مفایى گههینیته نهخۆشى و گرنگیا دهستنیشانكرنا پێشتوهخت بۆ پهنجهشێرا مهمكى ئهوه دێ سهرباركێن نهخۆشیێ كێمتر بن، ئهوژى دبیت ژنهك ههموو سینگێ خوه ژدهست نهدهت ههروهسا دبیت هندهك جۆرێن چارهسهریێ نهوهرگریت و ههكه زوو نهخۆشى بهێـته دهستنیشانكرن دێ فشارێن دهروونى و ئابۆرى ل سهر ژنێ گهلهك كیمتر بن و دێ ژن مینن ساخ ئهوژى ب رێژا 88% ههتا 99% یه لهورا ئهم گهلهك گرنگیێ ددهینه ژنێ زوو سهرهدانا نوشداران بكهت و پشكنینان ئهنجام بدهت.
ئاشكهرا كركو:” ههكه بهحسێ لایهنێ دهروونى ژى بكهین دهمێ دبێژنه ژنێ سینگێ ته د قۆناغێن دووماهیێ دایه دێ سینگێ ته هێته ژێڤهكرن و دێ ههموو جۆرێن چارهسهریێ وهرگرى دناڤ وان چارهسهریاندا چارهسهریا كیمیاوى یه و پرچێ تە وەریێت، ئهڤه گهلهك كارتێكرنێ دكهت، ههتا ژن تووشى خهموكیێ ژى دبیت ژبهر ڤێ نهخۆشیێ، ههروهسا مهزاختنێن مهزن دكهت بۆ چارهسهریا خوه ههكه نهخۆشیا پهنجهشیرا سێنگێ دقوناغێن دووماهیى دا بیت گهلهك كارتێكرنێ ل سهر ئابۆریا ژنێ ژى دكهت.
د. سهنا رهشید تاهر گۆتژى:” تیشكا ماموگرافى تیشكهكا تایبهته بتنێ بۆ سینگى دهێته گرتن ههر گهورینهكا دسینگى دا ههبیت ئاشكرا دكهت ههتا بهرى ببیته گرێك ژى دیاربیت و هێشتا جهێ خۆدا یه و بهربهلاڤ نهبوویه زوو دهست نیشان دكهت، لهورا ئهم داخازێ ژ ژنان دكهین بو دهستنیشانكرنا پهنجهشێرا مهمكى ڤێ تیشكێ بگرن.
