گه‌له‌ك جاران دایباب نزانن ژ ئه‌گه‌رێ‌ وان زارۆیێ‌ وان تووشی ئاریشێن ده‌روونی بوویه‌


نۆش نیوز ، ره‌ڤین سالح:
د. زكرا ئه‌حمه‌د تایبه‌تمه‌ندا نه‌خوشیێن ده‌روونی دیاركر هه‌كه‌ دایك و بابان تایبه‌ت دایكێ‌ ده‌مێ‌ ئاریشه‌كا ده‌روونی هه‌بیت، كارتێكرنه‌كا مه‌زن ل سه‌ر ده‌روونێ‌ زارۆیێن وان دبیت، و گۆت: دماوێ‌ دوگیانیێ‌ دا، هه‌كه‌ دایكێ‌ خه‌مۆكی و دودلی هه‌بیت، پشتی زارۆیێ‌ وێ‌ دبیت، ئه‌و زارۆیه‌ پتر مه‌ترسیا هه‌ی كو خه‌موكی و دودلی هه‌بیت، ژ زارۆیه‌كێ‌ دی كو دایكا وی چ ئاریشێن ده‌روونی نه‌بن دماوێ‌ دوگیانیێ‌ دا، هه‌روه‌سان ژ ئالیه‌كێ‌ دی هه‌كه‌ بابێ‌ ئاریشه‌كا ده‌روونی هه‌بیت، تایبه‌ت خه‌موكی، چنكو ئه‌ڤه‌ دبیته‌ ئه‌گه‌ر زه‌لام به‌رده‌وام یێ‌ توره‌ بیت و بێهنته‌نگ بیت، ژبه‌ر هندێ‌ به‌رده‌وام دایك و باب شه‌ردچن یان باب دایكێ‌ پێش چاڤێن زارۆیێ‌ خوه‌ دقوتیت، ئه‌ڤ ره‌فتاره‌ كارتێكرنێن ده‌روونی بو زارۆی یه‌یدا دكه‌ن. تایبه‌تمه‌ندا نه‌خوشیێن ده‌روونی یێن زارۆ سنێله‌یان خویاكر گه‌له‌ك حاله‌ت بو وان هاتینه‌ كو هێدما ده‌روونی سه‌را ره‌فتارێن وان یا بو زارۆیێن وان دروست بووی، خه‌مۆكیا بابێ‌ دگه‌هیته‌ وی راده‌ی زارۆیێن خوه‌ بقوتیت، گه‌له‌ك جاران زارۆ هندێ‌ هاتیه‌ قوتان كو گه‌هشتی یه‌ قۆناغا مرنێ‌، ئه‌ڤه‌ ئێك ژ هێدمێن گه‌له‌ك مه‌زنه‌ بو زارۆی، له‌ورا دێ‌ بینی ئاریشه‌ بو زارۆی په‌یدا دبن، شه‌ڤێ‌ باش نانڤیت و خوه‌ ته‌ردكه‌ن، دیسان ل قوتابخانێ‌ دا ئاستێ‌ وی نزم دبیت، تشتان ژبیر دكه‌ن، تێكه‌لیا وی دگه‌ل زارۆیان كێم دبیت، دێ‌ بینی هه‌ریێ‌ نه‌ئارامه‌، خوارنا وی تێك دچیت.
د. زكرا ئه‌حمه‌د ئاماژه‌ ب وێ‌ یه‌كێ‌ دا دایك و باب دێ‌ بو وان دیاركه‌ن كو یێ‌ برینه‌ نوشداری و هه‌موو پشكنین بو كرینه‌ چ نه‌ده‌ركه‌تیه‌، و گۆت: پشتی هه‌لسه‌نگاندنا زارۆی دكه‌ین، دیار دبیت خێزانا وی ئاریشه‌ یا هه‌ی، زارۆ پتر یێ‌ ب دایكێ‌ ڤه‌ گرێدایه‌، چنكو پتر وێ‌ دبینت، ژبه‌ر هندێ‌ هه‌كه‌ دایكێ‌ ئاریشا ده‌روونی هه‌بوو به‌رده‌وام یا توره‌بیت و ل پێش چاڤێن زارۆیێن خوه‌ بكه‌ته‌ گری و تایبه‌ت به‌حس ل مرنێ‌ و خوكوشتنێ‌ بكه‌ت، ئه‌ڤه‌ هه‌موو بو زارۆی دبیته‌ هێدمه‌، گه‌له‌ك جاران زارۆ هه‌ست دكه‌ت كو ئه‌و ئه‌گه‌ره‌ دایكا وی وه‌لێ‌ هاتی، گه‌له‌ك جاران زارۆیێ‌ ئینایه‌ ده‌ڤ مه‌ ده‌مه‌كێ‌َ درێژه‌ یێ ماندیبووی، ژنوو خێزانا وی یێن زانین ئاریشه‌كا ده‌روونی یا بو په‌یدابووی.
تایبه‌تمه‌ندا ده‌روونی گۆت: ئه‌م دایك و بابان فرێدكه‌ینه‌، نك نوشدارێن ده‌روونی یێن مه‌زنان دا چاره‌سه‌ریا خوه‌ بكه‌ن و زارۆیێ‌ وانژی ل جه‌م مه‌ چارەسه‌ریێ‌ وه‌ردگریت، بڤی ره‌نگی ره‌وشا زارۆی یا ده‌روونی باش دبیت، چنكو هندی دایكوباب چاره‌سه‌ریا خوه‌ نه‌كه‌ن، زارۆ ژی چاره‌سه‌ر نابیت، پتر ژ 50% ئه‌ڤ حاله‌ته‌ ل دهوكێ‌ یێن زێده‌ بووین.
بو چاره‌سه‌ریێ‌ ئه‌م پێكولان دكه‌ین به‌ری ژیێ‌ 18 سالیێ‌ ده‌رمانا وه‌نه‌رگریت، لێ‌ هنده‌ك حاله‌ت دژوارن ب ده‌رمان و روونشتنێن ده‌روونی چاره‌سه‌ر دكه‌ین.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *