كارتیكرنا نه‌خۆشیا شه‌كرێ‌ ل سه‌ر ده‌روونێ‌ تووشبوویان

دهۆك: له‌زگین جوقی:

تایبه‌تمه‌نده‌كێ‌ نه‌خۆشیێن ده‌روونی دیاركركو لایه‌نێ‌ ده‌روونی كارتێكرنێ‌ ل سه‌ر نه‌خۆشیا شه‌كرێ‌ دكه‌ت، هه‌روه‌سا نه‌خۆشیا شه‌كرێ‌ ژی كارتیكرنێ‌ ل سه‌ر ده‌روونی دكه‌ت كو گڤاشتنێن ده‌روونی كاردكه‌ن ئه‌وژی چاوا گڤاشتنێن ده‌روونی پشكداردبن كو هنده‌ك هورمون هه‌نه‌ ده‌مێ‌ كه‌سه‌ك تووشی گڤاشتنێن ده‌روونی دبیت ئه‌و هورمون دهێنه‌ رێشتن و كارتێكرنێ‌ ل سه‌ر هورمونێ‌ ئه‌نسولینی دكه‌ت ، هه‌روه‌سا كارتیكرنێ‌ ل سه‌ر كونترولكرنا شه‌كرێ‌ دناڤ له‌شێ‌ نه‌خۆشی دا كه‌ت و كارتێكرن ل سه‌رشێوازی ژیانا وی كه‌سی دهێته‌ كرن و دبیت وه‌رزشا وی كێم ببیت وهه‌تا كێشا له‌شێ‌ وی زێده‌ببیت وخوارنێن نه‌ساخله‌م بكاربینتن ئه‌ڤه‌ دبنه‌ ئه‌گه‌ر تووشی نه‌خۆشیا شه‌كرێ‌ بیت.

د. ئاڤا غازی ره‌شید، تایبه‌تمه‌ندێ‌ نه‌خۆشیێن ده‌روونی دیاركر كو ده‌مێ‌ كه‌سه‌ك تووشی ڤێ‌ نه‌خۆشیێ‌ دبیت دێ‌ كارتێكرن ل سه‌ر ده‌روونێ‌ وی هێته‌ كرن كو هورمون هه‌یه‌ كارتێكرنێ‌ دكه‌ت، له‌وراژی دێ‌ گه‌له‌ك جاران بینی نه‌خۆش هه‌یه‌ دێ‌ بیژیت نۆشداری ئه‌ز ده‌رمانێن خوه‌ دروست دخۆم و پاراستنا خوه‌ ژی دكه‌م، به‌لێ‌ شه‌كرا من ناهێته‌ كونترولكرن، بۆچی ناهێته‌ خوار، چونكو ل ڤی ده‌می دا ئه‌و نه‌خۆش دبن كونترولا ده‌روونی دایه‌ و هنده‌ك گڤاشتن ل سه‌ر چێبووینه‌ و ناهێلن شه‌كرا وی بهێته‌ كونترولكرن، ئه‌ڤه‌ دبیت ژبه‌ر كارتێكرنا گڤاشتنێن ده‌روونی نه‌خۆش ب دروستاهی ده‌رمانان نه‌خۆت، ژبه‌ر هندێ‌ لایه‌نێ‌ ده‌روونی وه‌كو ئه‌گه‌ره‌ك كارتێكرنێ‌ ل سه‌ر شه‌كرێ‌ و نه‌كونترولكرنا شه‌كرێ‌ ل ده‌ڤ نه‌خۆشی دكه‌ت، هه‌روه‌سا ژی دل نه‌ره‌حه‌تی 25% زێده‌تره‌ هه‌كه‌ هه‌مبه‌ركرنه‌كێ‌ بكه‌ین دگه‌ل كه‌سێن نه‌خۆشیا شه‌كری نه‌ین .

د. ئاڤا غازی، گۆتژی: ئه‌و كه‌سێن تووشی نه‌خۆشیا شه‌كرێ‌ دبن وه‌كو هه‌موو نه‌خۆشێن دی دبیت تووشی تێكچوونه‌كا ده‌روونی ببیت، راسته‌ هنده‌ك تێكچوونێن ده‌روونی دا نه‌خۆشێن شه‌كرێ‌ پترن هه‌كه‌ به‌رامبه‌رنه‌كێ‌ بكه‌ین دگه‌ل هنده‌ك نه‌خۆشێن دی بۆ نموونه‌ ئالوزی 25% پتره‌ ل ده‌ڤ نه‌خۆشێن شه‌كرێ‌ هه‌مبه‌ر وان كه‌سێن نه‌خۆشیا شه‌كرێ‌ نه‌بن هه‌روه‌سا خه‌موكی ژی پتر ده‌ڤ وان كه‌سان په‌یدادبیت.

ناڤهاتی ئه‌وژی خۆیا كركو گه‌له‌ك جاران نۆشدارێ‌ دل و هناڤان نه‌خۆشی ره‌وانه‌ی نۆشدارێ‌ ده‌روونی دكه‌ت دبێژیت ئه‌ڤ نه‌خۆشه‌ ده‌رمانێ‌ وی یێ‌ دروسته‌ لێ‌ باری وی یێ‌ ده‌روونی نه‌یێ‌ جێگیره‌، له‌ورا نه‌خۆشیا وی یا شه‌كرێ‌ كونترول نابیت، ل گۆره‌ی تێكچوونا ده‌روونیی كه‌سه‌ك هه‌یه‌ ترس یێ‌ دودل ویێ‌ خه‌موكی هه‌یه‌ و بێزاربوویه‌ و تام د ژیانێ‌ دا نه‌مایه‌ هه‌تا دگه‌هیته‌ وی راده‌ی هنده‌ك هه‌نه‌ هزربكه‌ن بمرن، ئه‌وژی تێكچوونا ده‌روونی ل ده‌ڤ وی گه‌له‌ك تۆند بوویه‌.

تایبه‌تمه‌ندێ‌ نه‌خۆشیێن ده‌روونی، گۆتژی: هه‌كه‌ كه‌سه‌كی نه‌خۆشیا شه‌كرێ‌ هه‌بیت پێدڤیه‌ كونترولا ده‌روونێ‌ خوه‌ بكه‌ت ئه‌وژی هنده‌ك رێنمایێن گشتی هه‌نه‌ دڤێت كونترولا شه‌كرا نه‌خۆشی بهێته‌كرن ب رێیا نۆشداری ئه‌ڤه‌ دێ‌ بیته‌ ئه‌گه‌ر گڤاشتنێن ده‌روونی ل ده‌ف كیم ببن، هه‌روه‌سا گه‌له‌ك گرنگه‌ نه‌خۆش بزانیت نه‌خۆشیا شه‌كرێ‌ یا دومدرێژه‌ و پێدڤیه‌ بۆ وی بهێته‌ شرۆڤه‌كرن داكو باری وی یێ‌ ده‌روونی سڤك ببیت و ل به‌ر نه‌خۆشی مه‌زن نه‌بیت، داكو خوه‌ دگه‌ل نه‌خۆشیێ‌ بگونجیت، هه‌روه‌سا ژی شیانێن سه‌ره‌ده‌ریا وی دگه‌ل لایه‌نێ‌ كۆمه‌لایه‌تی وراهێنانێن ئارامكرنا ده‌روونی هه‌كه‌ كه‌سه‌كی نه‌خۆشیا شه‌كرێ‌ هه‌بیت و تووشی تێكچوونه‌كا ده‌روونی ببیت تشتێ‌ باش ئه‌وه‌ دشێت هه‌ردویان پێكڤه‌ چاره‌سه‌ربكه‌ت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *