حه‌زا خاندنێ ل جه‌م قوتابى یێن ئه‌ڤ ساله‌ لاواز بوویه‌

 

نۆش نیوز، ره‌ڤین سالح

ژئه‌گه‌رێ په‌یدابوونا په‌تایا كۆرۆنایێ بو ماوه‌یێ ساله‌كێ قوتابخانه‌ هاتنه‌ گرتن، ئه‌ڤێ چه‌ندێ كارتێكرن ل ژیانا رۆژانه‌ كریه‌ و پشکەک ژ قوتابیان پتر یا ده‌مێ خوه‌ ب تورێن جڤاكى ڤه‌ بوراندینه‌ بوویه‌ ئه‌گه‌ر كارتێكرن ل سالا نوو یا خواندنا وان بهێته‌كرن و حه‌زا چوونا قوتابخانێ نه‌بیت، حه‌فتیانه‌ دورێن 10 قوتابیان ژبو چاره‌سه‌ریێ سه‌ره‌دانا سه‌نته‌رێ ساخله‌مییا ده‌روونى یا زارۆ سنێله‌یان ل دهوكێ دكه‌ن.

ڤه‌مان ره‌مزى سه‌دیق چاره‌سه‌ركارا ده‌روونى ل سه‌نته‌رێ ساخله‌مییا ده‌روونى دیاركر پشتى ساله‌كا فه‌قه‌تیانێ ژ خواندنێ ژ ئه‌گه‌رێ په‌یدا بوونا ڤایروسێ كورونایێ نها هژماره‌ك ژ قوتابیان حه‌زا چوونا قوتابخانێ ل جه‌م وان لاواز بوویه‌، وگوت: گه‌له‌ك قوتابى بو چاره‌سه‌ریێ دهێنه‌ ل جه‌م مه‌ و دبێژن وان حه‌زا چوونا قوتابخانێ نه‌مایه‌، زه‌وقێ وان ل خواندنێ ناده‌ت، هزراوان هه‌موو یال مال و ئه‌نترنێتى، حه‌فتیانه‌ پترى 10 حاله‌ت بومه‌ دهێن، دژیێ 13 هه‌تا 15 سالێى نه‌.

چاره‌سه‌ركارا ده‌روونى خویاكر كو ل ده‌ستپێكى ئه‌و گه‌ل دایك و بابێن وان دئاخڤن كا ئه‌گه‌رێ سه‌ره‌كى ژ چ ده‌ست پێكریه‌، پاشان حه‌فتیێ جاره‌كێ ده‌ست ب روینشتێن ده‌روونى دكه‌ین دگه‌ل وان، وگوت: روینشتنا ئێكێ هه‌ڤنیاسینه‌، یا دوێ دێ ل سه‌ر ئاریشا وى دگه‌ل وى قوتابى ئاخڤین، ئه‌و ئه‌گه‌ره‌ بوچ ل جه‌م وى په‌یدا بووینه‌، رووینشتنێن ده‌روونى هه‌كه‌ پێدڤى كر ئه‌م دبێژینه‌ خێزانا وى ژى بهێت به‌شدار بیت، ئه‌ڤ رووینشته‌ ژى ل سه‌ر گو هورینا هزرو بیرو ره‌فتارانه‌، ئه‌م خشته‌كى ده‌ینه‌ وا كا دێ چه‌وا په‌یوه‌ندیێن خوه‌ یێن جڤاكى پركه‌ت، چونكو قوتابى یێ دبێژیت ئه‌ز ل قوتابخانێ تێكه‌لیا كه‌سێ ناكه‌م و من چ هه‌ڤال نین، ژبه‌ر گرێدانا وان ب تورێن جڤاكى گه‌له‌ك كارتێكرن یا ل وان هاتیه‌كرن.
ڤه‌مان ره‌مزى ئاماژه‌ ب وێ یه‌كێ دا لاوازیا بارێ ئابورى ژى ئێك ژوان حاله‌تانه‌ كو زه‌وقێ قوتابى ل خواندنى نه‌ده‌ت، وگوت:گه‌له‌ك دایك باب هه‌بوون دا بێژنه‌مه‌ ئه‌م نه‌شێن پێدڤى یێن وان دابین بكه‌ن، چونكى گه‌له‌كن دمالدا، هه‌روه‌سان هنده‌ك قوتابیان رێ نه‌دانمه‌ گه‌ل خێزانا وان باخڤین، گوتن بارێ مه‌یێ ئابوورى یێ لاوازه‌ نه‌شێن بو وى چپكه‌ن، به‌لێ ژ ئالیه‌كێ دى هنده‌ك دایك و باب خه‌مێ ژ زارۆیێن خوه‌ ناخوون، دێ بێژه‌نه‌مه‌ بلا، لێ وه‌ختێ زارۆیێ وان دهێته‌ چاره‌سه‌ریێ ئه‌م ته‌ماشه‌ دكه‌ین هه‌روه‌كوخوه‌یه‌، دایك وبابێن ته‌ هاریكاریا ته‌ كرینه‌ دێ بێژن نه‌خێر، هه‌ر ئێك یێ بخوه‌ ڤه‌ مژوویله‌.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *