خەمۆکی ژ هەموو نەخۆشیێن دی یێن دەروونی پتر پەیدادبیت

د.پەرجان هاشم ئاکرەی:
خەمۆکی ژ هەموو نەخۆشیێن دی یێن دەروونی پتر پەیدادبیت
نۆش نیوز:

تایبەتمەندێ نەخۆشیێن دەروونێ ل دھۆکێ دیارکر کو خەمۆکی ژ ھەموو نەخۆشیین دى زێدەتر پەيدادبیت ل سەرانسەری جیھانێ ھەر ١٧% ھەتا ٢٥% خەلک ل جیھانێ تووشی نەخۆشیا خەمۆکیێ دبن، ھێشتا چو ڤەکۆلین نەھاتینە کرن ھەتا بزانین ئاستی نوکە یێ خەمۆکیێ چەند يێ زێده‌يه‌ د ناڤ خەلکێ مە دا.
د. پەرجان ھاشم، تایبەتمەندێ نەخۆشیێن دەروونێ ل دھۆکێ بۆ نۆش نیوز دیارکر کو نێشانێن خەمۆکیێ ئەون مرۆڤ بێ گێول دبیت رۆژی ھەموويێ مرۆڤ یێ بێ زەوق و گێولە، يێ نەخۆشە نەیێ مورتاحه‌ و زەوقی ب چو ڤه‌ نابینيت و خەون و بەرنامێ وێ خوارنێ تێک دچن و کێشا لاشی دھێتە خوارێ و نەشێت کارێن خوه‌ یێن رۆژانه‌ ئەنجام بدەت و ھزرا وێ تێک دچیت و تشتان زوو ژ بیر دکەت و مرۆڤ زوو تورە دبیت، تشتێ بچووک دێ گەلەک مەزن کەت د سەرێ خوە دا و مرۆڤ دەمێ تووشی خەمۆکيێ دبیت، یێ رەشبینه‌ و پاشەرۆژا خوە گەلەک گەش نابینيت و ھزرێن نەخۆش ل دەف پەيدا دبن و ھزرێن مرنێ پەيدا دبن و ھەولێن خوە کوشتی ددەت ئەڤە ھەموو ژ ئەگەرێ خەمۆکیێ دروست دبيت.
ئاشکەرا کر کو ھەر ٢٥% ژ مرۆڤان د ژیێ خوە دا تووشی خەمۆکیێ دبن و گەلەک جۆرێن چارەسەریێ ھەنە، ل دەستپێکێ ئەم دێ تەماشەی جۆرێ خەمۆکیێ کەین کا چ ئاستی دایە ھەکە خەمۆکیا سڤک بیت ب چارەسەریا دەروونی ب رێيا روونشتنێن دەروونی نەخۆش دھێتە چارەسەرکرن ھەکە خەمۆکی یا ناوەند بیت چارەسەریا دەروونی ل گەل دەرمانێن دژی خەمۆکیێ بۆ نەخۆشی دھێنە دابینکرن ھەتا چارەسەر دبیت و ھەکە خەمۆکی یا توند بیت و ھزرێن خوەکوشتا مرۆڤی نەخۆش بکەت چارەسەریا فیزیکی دھێتە دانان.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *