هەر تشتێ پێدڤیە بزانی بەری و پشتی وەرگرتنا ڤاکسینێ کۆڤێد- 19

هاتیە ئامادەکرن ژلایێ رێکخراوا یونسێف

هەتا نوکە ب ملیونان مرۆڤان ل هەموو جیهانێ ڤاکسینێ کۆرۆنایێ ب سلامەتی وەرگرتیە، ب ڤێ چەندێ ئەم هەموو یێ نێزیکی زڤرین بو چالاکیێن ئەم حەز ژێ دکەین دگەل خۆشتڤیێن خوە دبین، خەلک ب گەرمی ل ژڤانێ ڤاکسینێ دژی کۆرۆنایێ بوون، بەلێ هندەک کەسان ژی پرسیار هەنە ل دور ڤاکسیندانێ و کا دێ چ روودەت دەمێ ژڤانێ وان دهێت.
ئەم دگەل شارەزایێن ساخلەمیێ ل رێکخراوا یونسێڤ ئاخفتین داکو وان پێنگاڤێن ڤاکسیندانانێ بزانین و چ پێدڤیە بەری ڤاکسینێ و دماوێ ڤاکسینێ و پشتی وەرگرتنا ڤاکسینێ دا.
بەری بچیە ڤاکسیندانانێ:
باشترە تو بابەتی بخوینی، گەلەک پێزانینێن نەدروست ل دۆر ڤاکسینێ د ئەنترنێتێ دا هەنە، لەورا پێدڤیە تو پێزانینان ژ ژێدەرێن باوەرپێکری وەکو یونسێف ساخلەمیا جیهانی وەربگری، هەر پرسیارەکا تە هەبیت ل دۆر ڤاکسیندانێ، دگەل نۆشدارێ خوە باخڤە، نابیت ئەڤ کەسێن ل خوارێ دیارکری ڤاکسینێ کۆرۆنایێ وەربگرن داکوچ کارتێکرن لێ نەبن:
٭ کەسێن هەستداریەکا پێشوەخت ژ ئێک ژ پێکهێنەرێن ڤاکسینێ کۆرۆنایێ هەبیت.
٭ هەکە نوکە تو یێ نەساخ بی ب کۆرۆنایێ یان نیشان ل دەف تە هەبن( بەلێ تو دشێی پشتی چاکبوونێ و وەرگرتنا رازەمەندیا نۆشدارێ خوە ڤاکسینێ وەربگری).
٭ دگەل نۆشدارێ خوە باخڤە، هەکە تە بەری نوکە هەستداری ب جورەکێ ڤاکسینێ هەبیت یان هەر پرسیارەک ل دۆر دەرمانێن تو ب کاردئینی هەبیت.
٭ چاڤدانا خوە بکە، بەری ژڤانێ ڤاکسینێ باش بنڤە و ئاڤێ ڤەخوو داکو باشتربی ل رۆژا ڤاکسینێ.
٭ رێکارێن خۆپاراستنێ ژبیرنەکە، ل دووڤ رێکارێن سلامەتیێ هەرە ل بنگەهێ ڤاکسیندانانێ، وەکو ژێکدووربوونا بەدەنی و ب کارئینانا کەماما ل دەمێ ل ژڤانی دراوەستی.
٭ باخفە، بهێلە کارمەندێ ڤاکسیندانێ بزانیت تە چ رێگری هەنە کو ڤاکسینێ وەرنەگری وەک ( تا یان بێهێزیا کۆئەندامێ بەرگریا لەشی).
٭ بەلگەنامێن خوە ب پارێزە،پێدڤیە کارتا ڤاکسیندانانێ ناڤێ تە لسەربیت و کەنگی و ل کویڤە تە وەرگرتیە، وێ کارتێ باش بهەلگرە، چونکو دێ پێدڤی بیێ.
٭٭ پشتی وەرگرتنا ڤاکسینێ:
٭ بمینە ل ژێر چاڤدێریێ، پێدڤیە کارمەندێ ڤاکسیندانێ بو دەمێ 15 دەقیقا پشتی ڤاکسینل چاڤدێریا تە بکەت، هەتا پشتراست دبیت کو چ ئاریشە پەیدانەبووینە، بەلێ تشتەکێ گەلەک دەگمەنە ئاریشەک رووبدەت.
٭ یێ ئامادەبە بو هندەک نیشانێن لاوەکی، ڤاکسین هاتینە چێکرن داکو بەرگریێ بوتە پەیدابکەن بێی مەترسیا تووشبوونێ ب نەەخۆشیێ، تشتەکێ نورمالە بەرگری بێی نیشانێن لاوەکی پەیداببیت، رەنگە ژی هندەک نیشان پەیداببن کو ب بوورینا چەند رۆژان ئەو ب خوە نامینن.
ئەو نیشانێن سڤک و ناڤنجی کو دبیت پشتی ڤاکسینێ پەیداببن پێکهاتینە:
٭ ئێشانا جهێ دەرزیا ڤاکسینێ.
٭ تایەکا سڤک.
٭ وەستیان.
٭ سەرئێشان.
٭ ئێشانا گەهـ و زەڤلەکان.
٭ زکچوون.
هەکە ئێک ژڤان نیشانان بو دەمێ چەند رۆژان بەردەوام بوو،یان یا دژواربوو، پەیوەندیێ ب بنگەهەکێ ساخلەمیێ بکە.
٭ یێ بێهنفرەهـ بە، پەیدابوونا بەرگریێ دەم بو دڤێت، پشتی وەرگرتنا قورچا دوێ ژ ڤاکسینێ، ڤایزەر بیونتیک یان مودێرنا ب دو حەفتییا یان 15 رۆژا ژ قورچا دوێ ژ ڤاکسینێ ئەسترازینیکا، و دو حەفتیا پشتی وەرگرتنا جانسون ئەند جانسون کو ب تنێ قورچەک دهێتە دان، دێ هێیە هژمارتن پاراستی ژ کوفێد- 19.
٭ خوە و دەورۆبەرێن خوە ب پارێزە، ل دەمەکی کو ئەڤ ڤاکسینە یێن هاتینە دروستکرن بو پاراستنا مرۆڤی ژ نەخۆشیا دژوار ئەوا ژ ئەنجامێ تووشبوونێ ب ڤایرۆسێ کۆڤێد-19 پەیدادبیت، بەلێ هێشتا یا د گومانێ دا ئەو کەسێ ڤاکسین وەرگرتی هەتا هەکە نیشان ژی ل دەف نەزن، دێ شێت ڤایرۆسی بەلافکەت یان نە، لەورا یا گرنگە هێشتا خوە و دەوروبەرێن خوە ب پارێزی، ژوانژی، نەچە جهێن قەرەبالغ و بلا خوە دوورکرن هەبیت، دەستێن خوە بشوو و کەمامێ ب کاربینە.

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *