د.عهلاء: ل هه‌موو عیراقێ دو سه‌نته‌ر نشته‌رگه‌ریێن دلى بێ راوه‌ستاندنا دلى دكه‌ن ئێك ژوان یێ دهۆكێ یه
نۆش نیوز:
رێڤه‌به‌رێ سه‌نته‌رێ ئازادى یێ نه‌خۆشیێن دلى ل دهۆكێ و تایبه‌تمه‌ندێ نشته‌رگه‌ریێن دلى وسینگى وره‌هێن خوینێ دیاركركو دوجۆرێن نشته‌رگه‌ریێن دلى ل سه‌نته‌رێ وان دهێنه‌كرن، ئه‌وژ نشته‌رگه‌ریێن ڤه‌كرى یێن دلى ئه‌وێن دل ڤه‌دبیت ونشته‌رگه‌ری هه‌نه دل ناهێته ڤه‌كرن ئه‌ڤه ژ هه‌موویان پتر دهێنه كرن و گۆت: ل سالا 2009 ئێكه‌مین نشته‌رگه‌ریا دلى ل دهۆكێ هاتیه كرن ئه‌وژى نشته‌رگه‌ریا چاندنا خوینهنێران بوو و سالا 2007ێ قه‌سته‌ر هاتنه دانان، به‌رى ڤى ده‌مى نه‌خۆشێن دهۆكێ دچوونه هه‌ولێر و به‌غدا، به‌لێ نۆكه ل دهۆكێ گه‌له‌ك باشتر پێشكه‌ڤتنه‌كا مه‌زن سه‌نته‌رێ دلى ل دهۆكێ بخۆڤه دیتینه و ئه‌م دشیێن هه‌موو نشته‌رگه‌ریێن مه‌زن ئه‌نجام بده‌ین هه‌تا 95% هه‌موو ئامیرێن نشته‌رگه‌ریێن دلى ل دهۆكێ هه‌نه.
د. عه‌لا ْ سالم به‌هجه‌ت، رێڤه‌به‌رێ سه‌نته‌رێ ئازادى یێ نه‌خۆشیێن دلى دیاركركو ده‌مێ ده‌مارێن نه‌خۆشه‌كى ته‌نك بن یان جه‌لتێ خوه لێدابیت، دو رێیا نشته‌رگه‌ری بۆ دهێته كرن ئه‌وژى یا دل راوه‌ستاندنێ و هه‌یه ژى دل ناهێته راوه‌ستاندن، ئه‌ڤه زه‌حمه‌ته، به‌لێ بۆ نه‌خۆشى گه‌له‌ك باشتره، ل عیراقێ هه‌موویێ دو سه‌نته‌ر ڤێ نشته‌رگه‌ریێ دكه‌ن ئێك ژوان سه‌نته‌رێ دهۆكێ یه.
د. عهلاء سالم به‌هجه‌ت، گۆت:” ده‌مێ نه‌خۆش دهێته سه‌نته‌رى ئه‌م دشیێن پشت راستى ڤه بێژینێ رێژا سه‌ركه‌فتنا نشته‌رگه‌ریا ته 98% یان 97% یه ل دووڤ ستانده‌ردێن جیهانى ئه‌م دناڤ وێ رێژێ داینه كو مرن ژى ژ ستانده‌رێن جیهانى ده‌ربازنه‌بوویه.
ناڤهاتى ئه‌وژى دیاركر كو ده‌مێ نه‌خۆش دچیته ده‌ڤ نوشدارێ قه‌سته‌را دلى ئه‌و چاره‌سه‌ردكه‌ت هه‌كه دیت ده‌رمانان چاره‌سه‌ریا وى ناهێته كرن یان ب بالۆنێ چاره‌سه‌رنابیت ئه‌و نه‌خۆش پێدڤى ب نشته‌رگه‌ریێ یه و گۆت: سێ ده‌مارێن سه‌ره‌كى هه‌نه خوینێ بۆ دلى دبه‌ن، هه‌كه هه‌ر سێ ده‌مار ته‌نك ببن ئه‌ڤه دێ پتر مفایى ژ نشته‌رگه‌ریێ بینیت و هه‌ر ده‌مێ مه دیت رێژا سه‌ركه‌فتنا نشته‌رگه‌ریێ بۆ نه‌خۆشى پتره ژ بالۆنێ ئه‌م وى نه‌خۆشى ره‌وانه‌ى سه‌نته‌رى دكه‌ین بو نشته‌رگه‌ریێ”.
رێڤه‌به‌رێ سه‌نته‌رێ ئازادى یێ نه‌خۆشێن دلى دیاركركو: هه‌تا هه‌یڤا سێ سالا 2019ێ ئه‌گه‌رێ سه‌ره‌كی یێ مرنا وه‌لاتیان ل هه‌موو جبهانێ ژ ئێشێن دلى بووینه، ده‌مێ جه‌لته ل كه‌سه‌كى دده‌ت زوو ناگه‌هته نه‌خۆشخانێ و ده‌مێ زیان بگه‌هیتێ ژ وى ئاستى ده‌ردكه‌ڤیت بۆ نه‌خۆشى شه‌به‌كه بهێته دانان یان نشته‌رگه‌رى بهێته كرن ب تایبه‌تى ژى هه‌كه كه‌سه‌ك قه‌سته‌را شه‌به‌كێ را نه‌گه‌هشت پشتى جه‌لتێ ب شه‌ش ده‌مژمێران ئه‌و دل ئێدى ب دروستاهى كارێ خوه ناكه‌ت.
هه‌روه‌سا راگه‌هاند كو 196 نشته‌رگه‌ریێن ڤه‌كرنا سینگى ل سالا بۆرى دا ل دهۆك یێن هاتینه كرن دگه‌ل چه‌ندین نشته‌رگه‌ریێن دلى بۆ نه‌خۆشان هاتینه ئه‌نجامدان رێژا سه‌ركه‌فتنێ گه‌له‌ك باشبوویه و گۆت: مه‌ترسیا نشته‌رگه‌ریێ ل سه‌ر مرۆڤێن قه‌له‌و وجگاركێش گه‌له‌ك هه‌یه.
هه‌روه‌سا دیاركر ئه‌و كه‌سێ دهێته نشته‌رگه‌ریكرن ژ خوارنا ده‌رمانا ب دووماهى ناهێت ب تایبه‌تى ژى هه‌كه خوارنێن هه‌ر تێر دوهن بخۆت دێ ئه‌و ده‌مارێن نوو ژى یێن هاتینه دانان هێنه گرتن وپێدڤیه باشتر خۆپاراستنێ بكه‌ت و ئێشانێن پشتى نشته‌رگه‌ریێ دو هه‌تا سێ حه‌فتیان ڤه‌دكێشن وچاره‌سه‌ریا سرۆشتى پشتى نشته‌رگه‌ریێ بۆ سیها گه‌له‌ك گرنگه و گۆت: نه‌خۆشێ دهێته نشته‌رگه‌ریكرن پشتى شه‌ش هه‌یڤان دشێت كارێن گران ژى ئه‌نجام بده‌ت و كه‌سێ جه‌لته لێ دده‌ت پێدڤیه شه‌به‌كه بۆ بهێته دانان یانژى هه‌كه شه‌به‌كه نه‌هێته دانان هه‌تا 10 رۆژان پێدڤیه بهێته نشته‌رگه‌ریكرن وهنده‌ك هه‌نه دهێنه نشته‌رگه‌ریكرن پشتى چه‌ند سالان ره‌نگه جاره‌كا دى بهێنه نشته‌رگه‌ریكرن.
