ب وێنه‌: ئه‌و 10 ئەگەرێن عادەیا ھەیڤانە یا ژنان گيرۆ دكه‌ن

نوش نيوز:

دەمێ عادەیا ھەیڤانە ل دەڤ ژنان گیرۆ دبیت رەنگە ھزرا وێ یا ئێکێ ئەو بیت کو یا دوگیانە، بەلێ دوگیانی ئەگەرێ ئێکێ نینە بۆ گیرۆبوونا عادەیا ھەیڤانە، بەلکو گەلەک فاکتەرێن دیتر ھەنە کو رۆلێ خوە دڤێ چەندێ دا دبینن، لەورا یا پێدڤیە ھەر ژنەک دووڤچوونا ئەکەرێن دیتر بکەت بەری ھزر ل دوگیانیێ بکەت.

گەلەک ڤەکولینێن زانستی 10 ئەگەرێن ل خوارێ دیارکری داناینە بۆ گیرووبۆنا عادەیا ھەیڤانە ل دەڤ ژنان:

1- ئالوزی: ئەوژی رۆلەکێ گرنگ دژیانا ژنان دا دبینیت و کارتێکرنەکا مەزن ل سەر گەلەک ئالیان ھەیە، عادەیا ھەیڤانە ئێک ژ وان کارۆبارانە ئەوا ب کارتێکرن دکەڤیت ب بلندبوونا ئالوزیێ دژیانا رۆژانە دا و دژواریا ئالوزیێ ھندەک جاران دبیتە ئەگەرێ زێدەدەرھاڤێتنا ھورمونێ GNRH ئەوێ دبیتە ئەگەرێ نەپەیدابوونا ھێکان و نەپەیدابوونا عادەیا ھەیڤانە ژی ل دەڤ ژنان، ل وی دەمی ژن دشێت شیرەتکاریێ ژ نوشدارەکا تایبەتمەند وەربگریت ل دۆر چاوانیا کێمکرنا ئالوزیێ داکو عادەیا ھەیڤانە ڤەگەریتەڤە بۆ سروشتێ خوە.

Image result for ‫انقطاع الدورة الشهرية‬‎

2- نەخۆشی: ھندەک جاران پەیدابوونا نەخۆشیەکێ ژ نشکەکیڤە ھەتا بۆ دەمەکێ کورت یان درێژ ژ بیت دبیتە ئەگەر بۆ نەھاتنا عادەیا ھەیڤانە ھەتا ھەکە ب شێوەیەکێ بەروەخت ژی بیت.

نه‌خۆش

3- گوھۆرین د رۆتینێ ژیانێ دا: گوۆرینینَن رووشالی د رۆتینێ ژیانێ دا دبنە ھاندەر بۆ گوھۆرینیا بایولوجیا لەشێ ژنێ، بۆ نموونە گوھۆرینا دەواما شەڤێ کارتێکرنێ ل سیستەمێ لەشی دکەت.

Image result for ‫التغير في روتين الحياة‬‎

4- خوارنا دەرمانان: ھندەک دەرمان پشکداریێ د گیروکرنا دەمێ عادەیا ھەیڤانە دا دکەن و ھەتا دبنە ئەگەر کو عادە ب راوەستیت، لەورا ئەو شیرەتان دکەین کو ناڤێ ھەر دەرمانەکێ نوو دھێتە ب کارئینان بێژیە نوشدارێ خوە داکو ڤێ کارتێکرنێ ل تە نەکەن.

Image result for ‫اكل الادوية نساء‬‎

5- زێدەبوونا سەنگی: قەلەویا زێدە دبیتە ئەگەرێ ھندەک گوھۆرینێن گرنگ د ھندەک ھورمونان دا، ئەڤەژی دبیتە ئەگەرێ گیرووبون و راوەستاندنا عادەیا ھەیڤانە و کێم جاران دزڤرەنەڤە بۆ سروشتێ خوە ھەتا کو ژن ھندەک ژ کێشەیا لەشێ خوە کێم دکەت.

Image result for ‫نساء سمينة‬‎

6- زەعیفیا زێدە: دەمێ کو رێژەیەکا تەمام یا روینا د لەشیدا نەبیت عادەیا ھەیڤانژی یا رێکخستی نابیت و رەنگە ھەر نەھێت ژی، ل وی دەمی دێ یا باشتر بیت ژن چەند کیلویان ژ کێشا لەشێ خوە زێدە بکەت و پتریا جاران ئەڤ حالەتە پەیدادبیت دەما ژن وەرزشەکا رێکخستی ئەنجام نەدەت یان وەرزشەکا دژوار بکەت.

Image result for ‫نساء نحيف‬‎

7- شاشی د ژمارتنێ دا: عادەیا ھەیڤانە ژ ژنەکێ بۆ ئێکا دی جوداھە ھەیە، سەرەرای کو ژڤانێ عادەیا ھەیڤانە 28 رۆژن، بەلێ ئەڤ چەندە ل نک ھەموو ژنان وەکو ئێک نینە، رەنگە ژن ھزر بکەت کو ژڤانێ عادەیا وێ گیرۆبوویە بەلێ ئەو د ژمارتنا رۆژان دا یا شاش بیت، ھەکە ژڤانێ عادەیا ھەیڤانە ل دەڤ تە یێ رێکخستی نەبیت و تو ژڤانێ ھێلدانکێ بزانی، دشیاندایە تو ژڤانێ عادەیا ھەیڤانە ب دو حەفتیان پشتی ھاتنە خوارا ھێکا ب ھژمێری، ب ڤێ رێکێ دێ یا ب ساناھی بیت کو ژڤانێ وێ بزانی و ل ھیڤیێ بمینی.

Image result for ‫الاخطاء في التقويم عند الدورة الشهرية‬‎

8- قۆناغا بەری راوەستانا عادەیا ھەیڤانە: ئەو قۆناغە یا کو ژن دھێتە ڤەگوھاستن بۆ قۆناغا راوەستانێ ژ عادەیا ھەیڤانە، د ڤێ قۆناغێ دا رەنگە پتر خوینێ ببینیت یان کێمتر ببینیت، رەنگە ژی عادەیا ھەیڤانە دوبارە ببیت یان گیرۆببیت، ب شێوەیەکێ گشتی عادەیا ھەیڤانە ناھێت، بەلێ ھەکە تە حەزا زارۆبوونێ نەبیت دێ باشتر تو حەبێن زارۆنەبوونێ بەردەوام ب کاربینی، چونکو رەنگە دوگیان ببی.

Image result for ‫مرحلة قبل انقطاع الدورة الشهرية‬‎

9- قۆناغا راوەستانا عادەیا ھەیڤانە: ئەو قۆناغە یا کو ژن ژ چێکرنا ھێکان رادوەستیت و عادەیا ھەیڤانەژی نامینیت، دبیت ژی ئەڤە ب شێوەیەکێ سروشتی روو بدەت، ھەروەسان دبیت ژی ب رێيا نشتەرگەریەکێ ئەڤ چەندە پەیداببیت یانژی ب رێیا ب کارئینانا چارەسەریا کیمیاوی.

Image result for ‫مرحلة انقطاع الدورة الشهرية‬‎

10- دوگیانی: دوگیانی چارەیا سروشتی یە کو تو ھزر تێدا بکەی دەمێ عادەیا ھەیڤانە رادوەستیت، ئەوژی پشتی ھەموو ئەگەرێن دیتر تو پشت راست دبی، بەلێ ھەکە ھات و تە پشکنین کر و تو یا دوگیان نەبووی دێ باشتر خوە بۆ دەمێ حەفتیەکێ بگری بەری تو پشکنینەکا دیتر بکەی، ھەکە ھات و ئەوژە نەگەتیف بوو دێ باشتر بیت شیرەتان ژ نوشدارەکا تایبەتمەند وەربگری و رەنگە ھندەک جورێن چارەسەریێ بدەتە تە.

دوگيان

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *