د.شاكر بالندی: ب چ ره‌نگا نابیت گون بو ماوه‌یه‌كێ‌ درێژ ب میننه‌ ل سه‌ری

نۆش نیوز، بێوار شوكری:

ده‌مێ‌ زارۆك په‌یدا دبیت پێدڤیه‌ پشكنین بو له‌شێ‌ وی هه‌میێ‌ بهێته‌كرن ب تایبه‌تی ئامیرێ‌ وی یێ‌ سكسی و هه‌ر دوو گونێن وی كا ل سه‌ری نه‌ یان ل خارێ‌ نه‌ جهێ‌ وان یێ‌ دروست، ب چ ره‌نگا نابیت گون بو ماوه‌یه‌كێ‌ درێژ ب میننه‌ ل سه‌ری.

د.شاكر سه‌لیم بالندی، تایبه‌تمه‌ندێ‌ نه‌خوشیێن گولچیسكا و میزه‌رویێ‌ دیاركر پێدڤیه‌ ده‌مێ‌ زارۆك په‌یدا دبیت ب هه‌ردو رێكا ب نشته‌رگه‌ری یان ب سرۆشتی بهێته‌ پشكنین كرن ژلایێ‌ نۆشدارێ‌ زارۆكا ڤه‌ هه‌موو له‌شێ‌ وی ژ سه‌ری هه‌تا پێیا، ئێك ژ وان به‌شێن بهێته‌ پشكنین كرن ئه‌ندامێ‌ وی یێ‌ سكسی یه‌ كا شێوێ‌ وی یێ‌ دروسته‌ یان یێ‌ خاره‌ و قه‌بارێ‌ وی چه‌نده‌ و ده‌ست ئاڤا وی یا زراڤ ژبنی دهێت یان ژ سه‌ری، و گوت: دووفدا پێدڤیه‌ گونێن زارۆكی بهێنه‌ پشكنین كرن و بزانت كار هه‌ردو هاتینه‌ خارێ‌ و نه‌ ل سه‌ری بن، ئه‌ف چه‌نده‌ ژی بو وێچه‌ندێ‌ دزڤریت كا زارۆك به‌ری وه‌ختێ‌ خو بویه‌ یان نه‌ه هه‌یڤێن خو كاملكرینه‌،

تایبه‌تمه‌ندێ‌ نه‌خوشیێن گولچیسكا و میزه‌رویێ‌ دیاركرر ژی ئه‌گه‌ر حه‌فت یان هه‌شت هه‌یڤی بت 30% یا زارۆكا ب دروستی گونێن وان نه‌هاتینه‌ خارێ‌ ب دروستی، به‌لێ‌ ئه‌گه‌ر نه‌ه هه‌یڤێن خو ته‌مكربن وپاش په‌یداببیت 3% گونێن وان نه‌هاتینه‌ خار ئه‌ڤان ژی شه‌ش هه‌یڤا تا ساله‌كێ‌ خولێ‌ بگری ئه‌وژی دێ‌ باشتر لێ‌ هێن و ئه‌ف رێژه‌ دێ‌ بیته‌ 1%ێ‌ و دێ‌ پێدڤی ب نشته‌رگه‌ریێ‌ بن، و گوت: پشتی پشكنینا پێدڤیه‌ زارۆك بهێته‌ ره‌وانه‌كرن بو نۆشدارێ‌ نشته‌رگه‌ری و گولچیسكا و بوارێن ده‌ست ئاڤێ‌ دوباره‌ زارۆك باش بهێته‌ پشكنینكرن ل ویلا ده‌می ل جهه‌كێ‌ گه‌رم بیت و له‌شێ‌ وی یێ‌ سست بیت نه‌ شدیایی بیت دا بزانین كا گونێنوی دگه‌هنه‌ جهێ‌ خو ئان نه‌،

د.شاكر سه‌لیم بالندی گوت: ژ شه‌شه‌ هه‌یڤێ‌ وێڤه‌ ئه‌گه‌ر گونێن وی د بوریێ‌ دابن و نه‌گه‌هن جهێ‌ خوه‌ پێدڤیه‌ نشته‌رگه‌ری بو بهێته‌كرن ئه‌ف نشته‌رگه‌ریه‌ یا باش ئه‌وه‌ دماوێ‌ شه‌ش هه‌یڤی تا ساله‌كێ‌ بو بهێته‌كرن چونكو باشترین وه‌خته‌، و گوتژی: ئه‌گه‌ر هاته‌ گیروكرن بو چه‌ندین سالان هه‌ر تڤیا بهێته‌ نشته‌رگه‌ری كرن دا گونێن وی بهێنه‌ جهاێ‌ خو یێ‌ دروست، ئه‌گه‌ر نشته‌رگه‌ری نه‌هاته‌كرن گه‌له‌ك مه‌ترسی هه‌نه‌ وه‌ك مه‌ترسیێن نه‌زوك بونێ‌ ب تایبه‌ت ئه‌گه‌ر هه‌ردوو بن، ئه‌گه‌ر گه‌هشته‌ 20 سالی ره‌نگه‌ نه‌خۆشیا په‌نجه‌شێرێ‌ بو وی لێ‌ په‌یدا بیت، یان ژی ئه‌گه‌ر ژ ئه‌نجامێ‌ زه‌ربه‌كێ‌ گونێن وی لیك ب زڤرن ب دروستی نه‌هات بنه‌ خارێ‌ ئه‌و گون پیچ بن پشتی ماوه‌یه‌كی.

ل دووماهیێ‌ د.شاكر سه‌لیم بالندی، تایبه‌تمه‌ندێ‌ نه‌خوشیێن گولچیسكا و میزه‌رویێ‌ دیاركر ئینانا خار یا گونا باشترین رێكه‌ بو كێمكرنا ڤان مه‌ترسیا ره‌نگه‌ كه‌سه‌كی ئه‌ف مه‌ترسیه‌ بو دروست بن لێ‌ ئه‌م دبێژین گه‌له‌ك كێم دكه‌ت، و گوت: نه‌زوكی ئه‌وه‌ ده‌مێ‌ زه‌لام خێزانێ‌ پێك دئینت و شتی ساله‌كی كارێ‌ سكسی ب دروستی ئه‌نجام دده‌ت و زارۆك دروست نه‌بن و هه‌ڤژینا وی یا دروست بیت.

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *