دو نيشانێن د دفنێ دا ديار دكه‌ن كو تووشبوويێ كۆرۆنايێ يى

نوش نيوز:

نيشانێن كۆرۆنايێ ب تا و زكچوون و دلرابوون سه‌رئێشان و دفن هاتنه‌ خوار سۆتن و بهێن ته‌نگى و هه‌ودانێن دژوار و وه‌ستيانێ دهێنه‌ نياسين، ده‌ما ئه‌ڤ ڤايرۆسه‌ گه‌شێ د ناڤ له‌شى دا دكه‌ت، دبيت ئه‌ڤ نيشانه‌ هێشتا گه‌شێ بكه‌ن، وه‌كو دروست بوونا بهێن ته‌نگيه‌كا زێده‌ و راوه‌ستيانا سيها و ژ كاركه‌فتنا مێلاكێ و هه‌ودانێن رووڤيكان. ل ڤێره‌ پێدڤيه‌ بێژين دو نيشانێن ل سه‌ر دفنێ ديار دكه‌ن رێنياشنده‌رن بۆ هه‌بوونا ڤايرۆسێ كۆرۆنا.

ژ نيشانێن هه‌ره‌ به‌ربه‌لاڤ يێن حه‌ساسى و كه‌فتنا سه‌رمايێ هه‌بوونا هاتنه‌خوارا دفنێ و ئێشانا ناڤ چاڤا‌ و ڤه‌سۆتنا چاڤايه‌ ب گۆره‌ى مالپه‌رێ رۆسيا توده‌ى.

ل گه‌ل هندێ ژى ئه‌ڤه‌ نيشانێن كۆرۆنايێ نينن ب گۆره‌ى رێكخراوا ساخله‌ميا جيهانى، نيشانێن هه‌ره‌ به‌ربه‌لاڤ يێن كۆرۆنايێ تا و وه‌ستيان و زكچوون يێن ل گه‌ل و دبيت هنده‌ك تووشى ئێشان و سۆتنا دفنێ و گه‌وريێ و هاتنه‌ خوارا دفنێ و هه‌ودانان د گه‌وريێ ژى دا ببن.
دكتورا كريستين ئارسه‌ر، تايبه‌تمه‌ندا دل و هناڤا ل گرۆپێ MemorialCare يێ نوشدارى گۆت: د راپۆرته‌كا چينێ ل دور هزار نه‌خۆشان، هه‌ر 20 كه‌سان ئێك تووشى سۆتنا دفنێ بوويه‌.

  • هاتنه‌ خوارا دفنێ:

كاترينا هيرين، مه‌زنه‌ به‌رپرسا نوشداران ل

Doctorlink گۆت: هاتنه‌ خوارا دفنێ ئێك ژ وان نيشانێن مه‌زنكرى (موبالغه‌) يێن نه‌خۆشيا كۆرۆنايێ نه‌ و ب تنێ 5% ژ تووشبوويان تووشى ڤى حاله‌تى دبن.

زێده‌تر گۆت: ژبلى پشكنينا كۆرۆنايێ چو رێيێن دى يێن دروست نينن بۆ جوداكرنا ڤايرۆسێ كۆرۆنايێ ل گه‌ل كه‌فتنا سه‌رمايێ و ل گه‌ل وێ چه‌ندێ ژى هه‌كه‌ تا و زكچوون نه‌بيت، دبيت ئه‌و سه‌رما بيت و چو په‌يوه‌ندى ب كۆرۆنايێ ڤه‌ نه‌بيت.

دبيت ژى هاتنه‌ خوارا دفنێ ژ نيشانێن ده‌ستپێكى يێن تووشبوون ب ڤايرۆسێ كۆرۆنايێ بيت، ب گۆره‌ى بنگه‌هێن ئه‌مريكى يێن نه‌هێلانا نه‌خۆشى و خۆپاراستنێ ژ وان ژى  (CDC).
ل ده‌مێ دفن هاتنه‌ خوار ل ده‌ف ته‌ تشته‌كێ گه‌له‌ك به‌ربه‌لاڤ بيت، دبيت ئه‌و ئه‌گه‌رێ نه‌خۆشيه‌كا خرابتر ژى بيت. دبيت ژى ئه‌و ژ ئه‌گه‌رێ ڤايرۆسێ كۆرۆنايێ بيت هه‌كه‌ چ نه‌خۆشيێن دى ل ده‌ف ته‌ نه‌بن.

به‌لێ هه‌كه‌ هه‌ست ب سۆتن و بلندبوونا پلا گه‌رمێ و زكچوونێ دكه‌ى، باشتره‌ خۆ گه‌ره‌نتين بكه‌ى هه‌ر چنه‌ بيت بۆ ماوێ حه‌فت رۆژان.

  • ڤه‌سۆتن

دفنا مرۆڤى دسوژيت ژ ئه‌نجامێ ڤايرۆس و به‌كتريا ده‌ما كه‌سه‌ك يێ نه‌خۆش بيت يان يێ تووشبوويى بيت.

ئه‌ڤ حاله‌ته‌ هه‌ودانا د ناڤ دفنێ دا دروست دكه‌ت و وه‌كو وه‌ره‌مه‌كا بچيك ب ره‌نگه‌كێ به‌فره‌هـ و دبيته‌ ئه‌گه‌ر هه‌وا ب دروستاهى د ناڤ په‌ردێن دفنێ دا نه‌هێت و بچيت.

د سه‌ر ڤان هه‌ودانان دا، دفن د ڤه‌سوژيت ژى ژ ئه‌گه‌رێ وێ مه‌زنبوونا د (الاوعية الدموية الكبيرة في الانف)  ئه‌ڤه‌ ژى دبيته‌ ئه‌گه‌رێ كێمبوونا رێژا هشكبوونا دفنێ و كێمبوونا هاتنوچوونا هه‌واى.

دكتور ئه‌حمه‌د سيداگات گۆت: هشكبوونا دفنێ دبيت ئه‌گه‌رێ سه‌ره‌كى يێ چوونا ڤايرۆسێ كۆرۆنا بيت وى بۆ وى جهى، ژ به‌ر كو ب كێمى 90% ژ هه‌وايێ دهێته‌ وه‌رگرتن ب رێيا دفنێ يه‌.

گۆتژى: چێكرنا ڤايرۆسى ل دفنێ گه‌له‌ك يا بلند و د ده‌مه‌كێ نێزيك دا ئه‌ڤ كاره‌ دهێته‌ كرن ل ده‌مێ نه‌خۆشيێ، د ده‌مه‌كى دا كو هێشتا نه‌خۆشى نيشان ل ده‌ف په‌يدا نه‌بووين يان ژى يێن سڤك هه‌ين.

هه‌كه‌ دفنێن وى ژى بهێنه‌ خوار يان ب سوژن، يا گرنگه‌ نيشان ب گرنگى بهێنه‌ وه‌رگرتن و رێكارێن پێدڤى بهێنه‌ وه‌رگرتن.

زێده‌تر نیشان بده‌

newar bashuri

وه‌كو رۆژنامه‌ڤان ل پارێزگه‌ها دهۆكێ كار دكه‌م. ل سالا 2007ێ هه‌تا نها ل سه‌ر كارێ راگه‌هاندنێ به‌رده‌وامم. ده‌رچوويێ زانكۆيا دهۆك پشكا ئاداب ئنگليزى مه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *