70% ژ تووشبوویێن كۆرۆنایێ یێن نه‌خۆشیا شه‌كرێ هه‌ین پێدڤى ئه‌نسولینێ دبن

نۆش نیوز: له‌زگین جوقى
تایبه‌تمه‌نده‌كێ نه‌خۆشیا شه‌كرى ل دهۆكێ دیاركركو رێژا شه‌كرى ده‌ڤ تووشبوویێن كۆرۆنایێ دگه‌هته‌ 300 هه‌تا 500 ێ زێده‌ بیت كو هه‌تا 70% ژ تووشبوویێن كۆرۆنایێ یێن نه‌خۆشیا شه‌كرى هه‌ین پێدڤى ئه‌نسولینى دبن هه‌تا دشێن ره‌وشا وان كونترول بكه‌ین.
د. بلند بەیار تایبه‌تمه‌ندێ نه‌خۆشیا شه‌كرى ل دهۆكێ دیاركركو هه‌لگریێن نه‌خۆشیا شه‌كرى ده‌مێ تووشێ كۆرۆنایێ بن ره‌وشا وان گه‌له‌ك خراب چونكو نه‌خۆشیا كۆرۆنایێ هه‌ودانه‌كا هورموناتێن لاشى مرۆڤێ زێده‌ دكه‌ت وه‌كو هه‌ر هه‌وه‌دانه‌كا دێ ئه‌ڤ هۆرمون ده‌مێ زێده‌بن بنه‌ ئه‌گه‌ر رێژا لاشى ده‌ڤ تووشبوویێ كۆرۆنایێ یێن هه‌لگریێن نه‌خۆشیا شه‌كرێ زێده‌ ببیت ژبه‌ر گه‌له‌ك ئه‌گه‌ران رێژا شه‌كرى بلند دبیت ئه‌وژى ژبه‌ر هه‌ودانا كۆرۆنایێ چیدبیت وهۆرمونان زێده‌بن و هنده‌ك ده‌رمان هه‌نه‌ رێژا شه‌كرى ناڤ خوینێ دا زێده‌ دكه‌ن و ده‌مێ تووشبوویێ كۆرۆنایێ بكاردئینت بیگومان رێژا شه‌كرى ل ده‌ڤ زێده‌بیت.
ناڤهاتى ئه‌وژى دیاركركو رێژا شه‌كرى ده‌ڤ تووشبوویێن كۆرۆنایێ دگه‌هته‌ 300 هه‌تا 500 ێ وه‌سا بلند بیت وپتریا وان ژى پێدڤیى ئه‌نسولینى دبن ئه‌م دشێن بێژن هه‌تا 70% ژ تووشبوویێن كۆرۆنایێ یێن نه‌خۆشیا شه‌كرى هه‌ین پێدڤى ئه‌نسولینى دبن هه‌تا دشێن ره‌وشا وان كونترول بكه‌ین چونكو ده‌مێ شه‌كر زێده‌بیت پتر كارتیكرن ل تووشبوویێ كۆرۆنایێ دبیت و ره‌وشا وێ دژوار ومه‌ترسیدار دبیت .
د. بلند ئه‌وژى ئاشكرا كركو هه‌كه‌ رێژا شه‌كرى گه‌له‌ك زێده‌ببیت و نه‌هێته‌ كونترول كرن ئه‌ڤه‌ بیته‌ ئه‌گه‌ر ژیانا وێ بكه‌ڤته‌ مه‌ترسیێ دا هنده‌ك ژ تووشبوویان نه‌خۆشیا شه‌كر یا هه‌ى و هنده‌ك ژى دقه‌له‌ون و هنده‌ك ژى یێ قوناغا تووشبووینێ دا نه‌ ب نه‌خۆشیا شه‌كرى ئه‌وژى ده‌مێ تووشێ كۆرۆنایێ بن ره‌وشا وان تێك دچیت.
ته‌كه‌ز كركو ئه‌و كه‌سێن نه‌خۆشیا شه‌كرى هه‌ین پێدڤى پتر خۆ بپارێزن ژ كۆرۆنایێ ئه‌و هه‌لگریێن نه‌خۆشیا شه‌گرى یێن تووشىچ كۆرۆنایێ دبن پێدڤیه‌ خۆارنا خۆ دروستاهێ بخۆن و رۆژى چار جاران متابعه‌ خۆ بكه‌ت ورۆژى سێ یان چار جاران ئه‌نسولینى دانیت ئه‌وژى دووڤ رێژا وێ یا تووشبوونێ ب نه‌خۆشیا شه‌كرى.
تووشبوویێن ژیێ وان ناڤبه‌را 50 سالیى هه‌تا 60 سالیى دا وپتریا وان نه‌خۆشیا شه‌كرى و ره‌بوویێ و فشارا خوینێ هه‌نه‌ گه‌له‌ك جاران جه‌لتا ژ ئه‌گه‌رى كۆرۆنایێ بۆ تووشبوویێان چیدبیت ب تایبه‌تى ژى ده‌مێ ده‌مارێن خوینێ دهێنه‌ گرتن ئه‌ڤه‌ پتر ده‌ڤ وان تووشبوییان دروست بیت .
نۆكه‌ 140 تووشبوویێن كۆرۆنایێ ل دهۆكێ د ره‌وشه‌كا نه‌باش دانه‌ ژوانا ژى 67 تووشبوویێ ره‌وشا وان گه‌له‌ك مه‌ترسیدار و دژواره‌ و24 تووشبوویێ ل سه‌ر ئامیرێ هه‌ناسه‌دانا ده‌ستكرد هاتینه‌ نڤاندن ناڤ نه‌خۆشخانێ دا گه‌له‌ك ژى نه‌خۆشیا شه‌كرێ هه‌نه‌.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *