هاريكارێ‌ رێڤه‌به‌رێ نه‌خۆشخانا لالاڤ یا كۆرۆنایێ‌: هه‌ر تشته‌كێ‌ پێدڤی بیت بۆ چاره‌سه‌ركرنا ‏تووشبوویێن ‏كۆرۆنایێ‌ دهێته‌ كرن ‏

نۆش نیوز: له‌زگین جوقی
هاريكارێ‌ رێڤه‌به‌رێ نه‌خۆشخانا لالاڤ یا كۆرۆنایێ‌ دیاركركو ل ده‌ستپێكی ده‌مێ‌ تووشبوویه‌كێ‌ ‏كۆرۆنایێ‌ ‏دچيته‌ نه‌خۆشخانێ‌ ل پرسگه‌هێ رادوه‌ستیت ل وێده‌ر نۆشدار پێشوازيێ لێ‌ دكه‌ن ‏و ‏پێزانینان ژێ وه‌ردگرن.‏
بژار یاسین، هاريكارێ رێڤه‌به‌رێ نه‌خۆشخانا لالاڤ دیاركر كو ده‌مێ‌ تووشبوو ل پرسگه‌هێ‌ ‏خزمه‌تا وێ‌ ‏دهێته‌ كرن هه‌كه‌ پێدڤی ئوكسجینێ بیت بۆ ژوورا ئوكسجینێ دهێته‌ ره‌وانه‌كرن هه‌كه‌ ‏پێدڤی پێ‌ نه‌بیت ‏بۆ ژوورێن دێ‌ هێته‌ ره‌وانه‌كرن ل ده‌مێ‌ تووشبوو دگه‌هيته‌ پرسگه‌هێ‌ خزمه‌تا وێ‌ ‏دهێته‌ كرن وده‌مێ‌ ‏تووشبوویێ‌ چیته‌ ناڤ ژوورا خۆ دا به‌ته‌نی و پێدڤین نڤستنێ پێ‌ دهێنه‌ دانان ‏هه‌تا ببیته‌ ده‌مێ‌ وه‌رگرتنا ‏چاره‌سه‌ریێ و چه‌ند جاران خزمه‌تا وی دهێته‌ كرن نۆشدار و په‌رستار ‏دچنه‌ ده‌ڤ بۆ خزمه‌تكرنا وێ‌ ‏ساخله‌میێ‌ بۆ ده‌مێ‌ 24 ده‌مژمێران نوشدار و په‌رستار ناڤ ‏نه‌خۆشخانێ‌ دانه‌ بۆ چاره‌سه‌ركرنا ‏تووشبوویێن كۆرۆنایێ‌.‏
ئاشكه‌را كركو ئه‌و تووشبوویێن نه‌خۆشین دومدرێژ هه‌ین ئه‌م به‌رده‌وام چاڤدێریا وان دكه‌ن بۆ ‏نموونه‌ ‏هه‌كه‌ تووشبوویه‌كێ‌ نه‌خۆشیا شه‌كرێ هه‌بیت وه‌ختی ببيته‌ ده‌مێ‌ وه‌رگرتنا وێ‌ چاره‌سه‌ریا ‏نه‌خۆشیا شه‌كرێ ‏ستافێ مه‌ چنه‌ ژوور و خزمه‌تا تووشبوویێ‌ دكه‌ن.‏
زێده‌تر گۆت:” نه‌خۆشخانا كۆرۆنایێ‌ تووشبووى‌ دشێت ژ ژوورا خۆ ده‌ربكه‌ڤيت وهاتن و چوونێ‌ ‏بكه‌ت ‏ب تایبه‌ت ل نه‌خۆشخانا لالاڤ تووشبووی هه‌موو ئازادی هه‌یه‌ هه‌رده‌مێ‌ پێدڤی تشته‌كى‌ بیت ‏هه‌كه‌ مالا وى‌ ‏یا نیزیك بیت مالا وى‌ بۆ دئینن لێ‌ هه‌كه‌ مالا وى یا دوور بیت تووشبوو‌ پێدڤی ‏تشته‌كى‌ بیت ئه‌م بۆ ‏دابین دكه‌ين لێ‌ سه‌ره‌دان نابیت ب چ ره‌نگه‌كى‌ بهێنه‌ كرن تشتێ هه‌ره‌ باش ل ‏نه‌خۆشخانێ كێماسی ‏نینن”.‏
ناڤهاتی راگه‌هاند كو گه‌له‌ك رۆژان ستافێ نه‌خۆشخانێ‌ ژ نۆشدار و په‌رستاران دچنه‌ ناڤ ‏تووشبوویان دا ‏هه‌ر ژ ده‌مژمێر نه‌هی سپێدی هه‌تا ده‌مژمێر سێى‌ ئێڤاری راستی ماندیبوونه‌كا زۆر ‏مه‌زن هه‌یه‌ لێ‌ ئه‌م ‏به‌رده‌وامين بۆ چاره‌سه‌ركرنا تووشبوویێن كۆرۆنایێ‌ هه‌ر تشته‌كێ‌ دشیان دابیت ‏بۆ تووشبوویان دهێته‌ كرن ‏چ كێشه‌ك د گه‌ل ئوكسجینی و ئامیرێ‌ هه‌ناسه‌دانا ده‌ستكرد نینه‌ ‏به‌رده‌وام بۆ نه‌خۆشخانێ‌ دهێنه‌ ‏دابینكرن.‏

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *