رێڤه‌به‌رێ ڤیته‌رنه‌ریا دهۆكێ: پێشبینیێ دكه‌ین ئه‌ڤ ساله‌ رێژا دانا قوربانان كێمر بیت

نوش نیوز، له‌زگین جوقى:

رێڤه‌به‌ریا ڤیتێرنه‌ریا دهۆكێ دیاركركو سه‌رژیكرنا ئاژه‌لى ل به‌ر ده‌رگه‌هێن مالا ژلایێ وه‌لاتیان ڤه‌ ژلایێ زانستى ڤه‌ یا باش نینه‌، ژبه‌ر ڤه‌گوهاستنا نه‌خۆشیێن خوینێ، هه‌روه‌سا ل ده‌مێ ل به‌ر چاڤێن زارۆیان ئاژه‌ل دهێته‌ سه‌رژیكرن ژلایێ ده‌روونى ڤه‌ كارتێكرنێ ل سه‌ر ده‌روونێ زارۆى دكه‌ت.

د. مێهڤان ئه‌حمه‌د، رێڤه‌به‌رێ ڤیتیرنه‌ریا دهۆكێ دیاركر كو ئه‌ڤ ساله‌ مه‌ چه‌ند رێنما هه‌نه‌ بۆ سه‌رژێكرنا قوربانیان ل رۆژێن جه‌ژنا قوربانیى، ژوانا ژى نوكه‌ نه‌خۆشیا كۆرۆنایێ هه‌یه‌ و نابیت ئاژه‌ل ل جهێن نه‌ پاقژ بهێته‌ سه‌رژیكرن و پێدڤیه‌ هه‌موو ئاژه‌ل ل وان جهێن ده‌ستوورداى یێن بن چاڤدێریا سازیێن حكومه‌تێ دا بهێنه‌ سه‌رژێكرن كو ل دهۆكێ چار سه‌ربرخانه‌ هه‌نه‌ هه‌ر چار سه‌ربرخانه‌ دێ خزمه‌تا وه‌لاتیان دا بن ل رۆژێن جه‌ژنا قوربانیێ و گۆت: ئه‌م حه‌ز دكه‌ین وه‌لاتى ئاژه‌لى ببه‌نه‌ سه‌ربرخانه‌یان بۆ سه‌رژێكرنێ، چونكو هه‌كه‌ نه‌یێ ساخله‌م بیت رێك ب وه‌لاتیان ناهێته‌ دان ب كاربینن بۆ خۆارنێ، ژبه‌ركو ئاژه‌لێن نه‌ ساخله‌م ره‌نگه‌ ببیته‌ ئه‌گه‌رێ نه‌خۆشیان بۆ وه‌لاتیان، له‌ورا ژى باشتره‌ ل دووڤ رێنمایێن ساخله‌میێ و ڤیته‌رنه‌ریێ هه‌موو جۆرێن ئاژه‌لى بهێنه‌ سه‌رژێكرن.

رێڤه‌به‌رێ ڤیته‌رنه‌ریا دهۆكێ ئاشكه‌را كركو سه‌رژێكرنا ئاژه‌لى ل جهێن پیس و توزگرتى یا باش نینه‌، چونكو نۆكه‌ نه‌خۆشیا كۆرۆنایێ هه‌یه‌ گه‌له‌ك یا مه‌ترسیداره‌، له‌ورا ئه‌م داخوازى ژ خه‌لكێ خوه‌ دكه‌ین، ده‌مێ ئێكى حه‌ز هه‌بیت ئاژه‌له‌كى سه‌رژێ بكه‌ت، رێنمایێن ساخله‌میێ و ڤێته‌رنه‌ریێ بجه بینن، چونكو مه‌ بۆ ساخله‌میا خه‌لكێ خوه‌ یه‌ و نابیت قه‌ره‌بالغێ دروست بكه‌ن، هه‌روه‌سا ژى ده‌مێ ئاژه‌ل دهێته‌ سه‌رژێكرن نابیت به‌رمایك بهێنه‌ هاڤێتن و پێدڤیه‌ ب دروستاهى سه‌ره‌ده‌ریێ دگه‌ل به‌رمایكا بهێته‌ كرن و ب رێیێن زانستى به‌رمایك بهێنه‌ ژناڤبرن، ئه‌وژى رازیبوونا ژینگه‌هێ و باژێرڤانیێ و ئه‌م هیڤدارن هه‌موو هه‌ڤكاریا مه‌ بكه‌ن داكو بشێن گوشته‌كێ ساخله‌م و پاقژ دابین بكه‌ین بۆ وه‌لاتیان.

ناڤهاتى ئه‌وژى گۆت:” سه‌رژیكرنا ئاژه‌لى ل به‌ر ده‌رگه‌هێ مالا ژى باش نینه‌، چونكو نه‌خۆشى هه‌نه‌ ب تایبه‌تى ژى نه‌خۆشیێن خوینێ، هه‌روه‌سا ژى ژینگه‌ه پیس دبیت و ئه‌ڤه‌ دبیته‌ ئه‌گه‌ر نه‌خۆشى به‌لاڤ ببن، چونكو ده‌مێ خوین دناڤ ئاڤێ دا بچیت و بكه‌ڤیته‌ د سولینێن ئاڤێدا دناڤ جاده‌یان دا یا باش نینه‌، هه‌روه‌سا سه‌رژێكرنا ئاژه‌لى ل پێشچاڤێن زارۆیان دبیته‌ ئه‌گه‌رێ تێكچوونا زارۆى ژ لایێ ده‌روونى دا نوكه‌ مه‌ بریار دایه‌ سه‌ربرخانه‌ هه‌ر چار رۆژێن چه‌ژنا قوربانیى دڤه‌كرى بن.

د. مهڤان ئه‌حمه‌د ته‌كه‌ز كركو سالا بۆرێدا دۆرین 11 هزار سه‌رێن ئاژه‌لى ژ بزن و میهان هاتبوونه‌ سه‌رژێكرن و هه‌تا 1200 سه‌رێن گولكا ژى هاتبوونه‌ سه‌رژێكرن و ئه‌ڤ ساله‌ ئه‌م پێشبینیێ دكه‌ین ئه‌ڤ هژمارا كێمتر ببیت ژبه‌ر ره‌وشا دارایى یا وه‌لاتیان لێ یا گرنگ ئه‌وه‌ خه‌لك ل دووڤ مه‌رج و رێنمایێن ساخله‌میێ و ڤیته‌رنه‌ریێ ئاژه‌لى سه‌رژێ بكه‌ن داكو نه‌خۆشى روونه‌ده‌ن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *