فرەژنی مەترسیە ل سەر دلی زەلامی

فرەژنی مەترسیە ل سەر دلێ زەلامی، ئەو زەلامێن ژتر ژ ژنەکێ دئینن پێشبینیا تووشبوونا وان ب رەقبوونا دەماران چار جارکی پتر لێدھێت بەراورد ل گەل وان زەلامێن ژنەکێ ب تنێ دئینن. ئەڤ چەندە زانایێ ھەرەب “ئەمین دەوالە” ل رۆژا ٢٩/٤/٢٠١٥ د کۆنگرێ نۆشدارێن دلی دا ل ئاسیا گۆت. ناڤبری دیار کر کو تووشبوونا زەلامی ب نەخۆشیێن دلی و دەماران یا گرێدای فشارێن دارایی و دەروونیێن تایبەت ب بەردەستکرنا پێدڤیێن کەلەک خێزانان.

د. ئەمین دەوالە و تیمێ ویێ زانستی ل رۆژھەلاتا ناڤین کار کریە، کو فرەژنی ژ کارێن نۆرمالە ژ لایێ رەوشەنبیری و تەشریعی ڤە، ڤی تیمی ٦٨٧ زەلام ل سعوودیێ و ئیماراتا عەرەبی پشکنینکرینە کو ناڤنجیا عەمرێ وان ٥٩ سال بوون و ژ وانا ٦٨ کەسان ئێک ژن ب تنێ ھەبوو. ئەنجامێن پشکنینان دیار کر کو ئەو زەلامێن پتر ژ نەکێ ھەین پتر تووشی رەقبوونا دەماران ب رێژا ٤.٦ جاران دبن بەراورد ل گەل زەلامێن ئێک ژن ب تنێ ھەی.

نۆشدارێ ناڤبری دیار کر کو دبیت ئەگەر ئەوبیت یێ د قۆرئانا پیرۆز دا ھاتی کو دیار کریە دڤێت ب شێوەکێ یەکسان پووتەی ب ژنان و زارۆیێن وا بدەن و گۆت: بجھئینانا ڤێ چەندێ ژ لایێ زەلامێن پتر ژ ژنەکێ ھەین و پووتەدانا ب زارۆیێن وان کو ھندەک ژ وان خێزان پێکئینایە یان ل بەر پێکبینن، ئەڤە ھەمی بارگرانیەکێ دئێخیتە سەر ملێن وان.

بەلێ ڤەکۆلەر دبێژن ئەگەر نەیێ ب تنێ گرێدایی ئەگەرێن فرەژنیێ یە، چونکو دبیت ھندەک ھۆکارێن دی ژی ھەبن ببنە ئەگەرێ نەخۆشیێ وەکو پلا باوەریێ د ناڤبەرا ھەڤژینان دا، جۆرێ خوارنێ و سروشتێ جیناتان.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *