د. نزار عسمەت: 59% ژ تووشبوویان د ناڤ جهێن گەرەنتینان دانە

نوش نیوز، له‌زگین جوقى:

رێڤه‌به‌رێ گشتى یێ ساخله‌میا پارێزگه‌ها دهۆكێ دیاركركو بارودوخێ نه‌خۆشیا كوڤێد 19 ل دهۆكێ هه‌ر ژ ده‌ستپێكى هه‌تا نۆكه‌ كو رێژا ئه‌نجامێن تاقیگه‌هى یێن پوزه‌تیف بۆ هه‌موو ئه‌نجامان كێمتر بووینه‌ ژ 1% هه‌روه‌سا ژى 56% ژنه‌خۆشان ل مه‌ها تیرمه‌هێ هاتینه‌ ده‌ستنێشانكرن كو ژمارا حاله‌تێن كۆرۆنایێ ل مه‌ها تیرمه‌هێ 61% پتر بوویه‌ ژ مه‌ها خزیرانى كو ب رێژا پتر ژ 76% كه‌سێن بیێ نێشان بووینه‌ و22% ژى كه‌سێن تووشبوویێ نێشان هه‌بووینه‌”.

د.نزارعسمه‌ت، رێڤه‌به‌رێ گشتى یێ ساخله‌میا پارێزگه‌ها دهۆكێ دیاركركو هه‌ر ژده‌ستپێكێ هه‌تا نوكه‌ ل دهۆكێ 45 هزار و198 هه‌روه‌سا ژى هه‌تا ئه‌ڤرۆ 27/7/2020ێ ل سنۆرى دهۆكێ 409 تووشبوویێن كۆرۆنایێ یێن هاتینه‌ تۆماركرن ژوانا ژى 315 تووشبوویێ یێن هاتینه‌ چاره‌سه‌ركرن چووینه‌ مالێن خوه‌ یێن دیتر ناڤ نه‌خۆشخانێ دا ماینه‌ پتریا تووشبوویێن كۆرۆنایێ ل دهۆكێ ژ پارێزگه‌هیێن به‌غدا و مووسل یێن هاتینه‌ دهۆكێ هه‌روه‌سا ژى هه‌تا نها‌ ل دهۆكێ 11 هزار و 162 كه‌س یێن هاتینه‌ كه‌ره‌نتینكرن ژوانا ژى پتر ژ 10 هزار كه‌سان یێن چووینه‌ مالێن خوه‌ نۆكه‌ 708 كه‌س ناڤ جهێن كه‌ره‌نتینان دا ماینه‌.

ئاشكه‌را كركو ساخله‌میا دهۆكێ پلان دانایه‌ بۆ زێده‌تر به‌رهه‌نگاریا نه‌خۆشیا كۆرۆنایێ ئه‌وژى به‌رفره‌هكرنا شیانێن ئه‌نجامدانا پشكنینێن تاقیگه‌هى و به‌رفره‌هكرنا شیانیێن خۆپاراستنێ بۆ لیگه‌ریانا كه‌سێن گومانلیكرى و بجهئینانا رێنمایێن خۆپاراستنى ژلایێ وه‌لاتیان ڤه‌ و دخوازین رێكخراو پشته‌ڤانیێ ل ساخله‌میێ بكه‌ن بۆ به‌رهه‌نگاریا نه‌خۆشیا كۆرۆنایێ وبه‌رفره‌هكرنا شیانیێن نه‌خۆشخانه‌یان .

ده‌ربارى مه‌ترسیێ ژى د. نزار عسمه‌ت دیاركركو زێده‌بوونا به‌رچاڤ یێن حاله‌تا لسه‌ر ئاستێ عیراقێ و هه‌رێما كوردستانێ و زێده‌بوونا حاله‌تێن دناڤ كومه‌لگه‌هێ بێ دیاربوونا ژێده‌رێ نه‌خۆشیێ ل پارێزگه‌ها دهۆكێ و زێده‌بوونا نه‌پێگریا وه‌لاتیان ب رێژا 99% خه‌لك پێگریێ ب رێنمایان ناكه‌ن هه‌روه‌سا ژى نه‌پێگریا فه‌رمانبه‌را ب رێژا 50% وخه‌لكى ل جهێن كاركرنێ و ڤه‌كرنا ده‌روازێن سنورى و زالگه‌ها و هاتنوچوونا به‌رده‌وام یا شوفێرێن بارهه‌لگر و هاتن وچوونا خه‌لكێ ژ پارێزگه‌هێن دى بۆ ده‌رڤه‌ى وه‌لاتى یان به‌روڤاژى ب ریێا پارێزگه‌ها دهۆكێ و نه‌مانا گه‌ره‌نتینێ ل جهێن تایبه‌ت یێن گه‌ره‌نتینكرنێ و لێگ گوهارتنا به‌رده‌وام یا هێزین له‌شكه‌رى وپاسه‌وانا یێن سه‌ر به‌غدا ڤه‌ و هاتنوچوونا فه‌رمانبه‌ران ناڤبه‌را پارێزگه‌هان دا ل هه‌رێما كوردستانێ و ناڤه‌راست و باشوورى عیراقێ كار دكه‌ن و هاتنا وه‌رزێ پاییزێ و مه‌ترسیا هه‌بوونا حاله‌تێن نه‌چاڤه‌رێكرى یێن نه‌خۆشیێن ئه‌نفلونزا و كولێرا و سوركا.

ناڤهاتى ئه‌و ژى گۆت: كه‌رتێ ساخله‌میێ ماندیبوویه‌ ب بتایبه‌تى ژى ژێرخانه‌یا نۆشدار و كارمه‌ندان و كێماسى و نه‌بوونا كه‌ره‌ستێن پشكنینێ و كێماسى و نه‌به‌رده‌وامیا هه‌بوونا كه‌ره‌ستێن خۆپاراستنێ و نه‌بوونا بۆدجه‌كا گونجاى بۆ به‌رهه‌نگاریا نه‌خۆشیا كۆرۆنایێ.

د. نزار ئه‌وژى راگه‌هاند كو ب رێژا زێده‌تر ژ 59% كه‌سێن تووشبووی ناڤ جهێن گه‌ره‌نتینان دابووینه‌ ل زالگه‌هـ ئه‌وژى برێژا پتر ژ 19% هاتینه‌ ده‌ستنیشانكرن یێن دیتر ل مال و جهێن كاركرنێ و ناڤ دام و ده‌زگه‌هێن ساخله‌میى هاتینه‌ ده‌ستنیشانكرن هه‌روه‌سا ژ ئه‌گه‌رێ تێكه‌ل بوونا كه‌سه‌كى دگه‌ل خێزانه‌كێ بۆ ئه‌گه‌ر 89 كه‌سێن دى تووشى كۆرۆنایێ بن و ب رێژا زێده‌تر 59% تووشبوویێن كورۆنایێ ژ پارێزگه‌هێن عیراقى هاتینه‌ دهۆكێ و دناڤ دهۆكێ دا ژى ب رێژا 16% دهێت خه‌لك تووشى كۆرۆناى بووین وژ ده‌رڤه‌ى وه‌لاتى ژى هه‌بووینه‌ و پارێزگه‌هێن دێ یێن هه‌رێما كوردستانێ ژى ب رێژا پتر ژ17% دهێت خه‌لكێ مه‌ تووشى كۆرۆنایێ بووینه‌ كوب رێژا 45%تووشبوویێن كۆرۆنایى ل دهۆكى به‌ركه‌تی بووینه‌ و 55% نه‌ به‌ركه‌تی بووینه‌ تووشى كۆرۆنایى بووینه‌.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *