هەودانا پدیێ دبيت ببته‌ هۆکارێ ژ بەر چوونا سوریلانکێ؟

نوش نيوز: ئدریس حه‌سه‌ن ئاسیهی

دەربارەى نیشانێن هەودانا پودیێ دکتۆرى گۆت: خوین بەربوون و ئێشان و سۆربوون وەرمین ژ نیشانین سەرەکى یێن هەودانان پودیێ نە و ژبەر بلدبوونا رێژەیا هۆرمۆنێ برۆجیسترۆن دناڤ جەستەى ژنا ب دوو گیا ن دا، مەترسیا کۆلبوونا پودیێ زێدەتر لێ دهێت و دبت هۆکارێ گەشەکرنا بەکتیریا و دیاربوونا تیڤلەکى سپى لسەر پودیێ.

دلبرين عه‌باس گۆتژى، دناڤبەرا مەها دوو و مەها هەشت ژ زکپڕبوونێ بلندترین رێژەیا هەودانا پودیێ سەر هلددت، و د سێ ئێکا دووماهیێ دا پتر د ئازرت و دبت ببت هۆکارێ کرمیبوونا ددانا و کەتنا وان، و خەمسارى و دپشت گوه هاڤێتنا چارەسەریا ڤێ هەودانێ دبت ببت هۆکارێ ژبەرچوونا سۆریلانکى و ژ دایکبوونا پێشدەم، لەورا  گەلەک گرنگە پویتە ب پاقژیا ددانا بهێت دان و سەرەدانێن دەمکى یێن نۆژداری ل بەر چاڤ بهێن وەرگرتن.

دکتۆرى باس ل هۆکارێن هەودانا پودیێ کر و گۆت: نە پاقژکرن و شووشتنا ددانا یا پرۆگرامکرى و گەلەک ڤەخوارنا شەربەتان و خوارنێن پڕى شەکر و نەشەوى و  فیقیێ گڤاشتى و هشککرى پتر دبن هاندەربۆ هەودانا پودیان و پاشى نۆژدارى چەند خالەک گرێداى خوە پاراستنێ دیارکرن ژ ڤێ هەودانێ وەکوو:

  • سەرەدانا نۆژدارێ ددانا ب تایبەت د دوو مەهیێ ژ زکپڕبوونێ دا.
  • ب کارئینانا ئاڤخوێ بۆ تێوەردانا دەڤى ئەوژى ب کارئینانا یەک کەفچکێ مەزن ژ خوێ دگەل پەرداغەکێ ئاڤێ.
  • ب کارئینا فرچە و مەعجوونا ب کێماتى دوو جارا د رۆژێ دا، نەخاسمە پشتى عێلنجیێن سپێدەهیان.
  • زێدەکرن د خوارنێن هلگرێن ڤیتامین ج یێن کۆ گەشەکرنا بەکتریا لاوازدکت.
  • ڤیتامین أ ژ بۆ پاراستنا پودیێ؛ پاشى پاراستنا گەشەکرنا هەستی و ددانا  ب شێوەیەک ساخلەم و ژبۆ ب کارئینان و خوارنەکا هەڤسەنگ یا ڤێ  ڤیتامینێ دڤیا راوێژا نۆژدارى بهێت وەرگرتن.
  • پێگرى ب سیستەمەکێ ساخلەم یێ خوارنێ نەخاسم د مەهێن دەستپێکێ ژ زکپڕبوونێ و خوارنا فێقى و کەسکاتى و بەرهەمێن شیرى و بەرهەمێن دندکان.

دەربارەى حالاتێن تەنگاڤى و بلەز یێن هەودانا پودیان نۆژدارى گۆت: ئامۆژگارى بۆ ژنا ب دووگیان، هەردەمێ هەر گهۆڕینەک د پودى و ددانان دا هات دیتن دڤیا سەردانێ بکت؛ ژبەر نەخوەشیا وەرمینا پودیا ژنا ب دووگیان یەک ژ نەخوەشێن بەڵاڤە ب شێوێ وەرمین وە گرێیان د بن پودیان دا دیار دکت و دبن هۆکارێن خوینبەربوونێ و دبت نشتەرگەرى بۆ بهێت کرن و هەردەمێ نەخوەش پیتڤى ب تیشکێ بوو، یا باش ئەوە بهێت پاشخستن بۆ پشتى ژ دایکبوونێ.

گوتژى: پتریا حالەتان ب چارەسەریا  نۆژدارى دهێت چارەکرن وەکوو دەرمانێن :

  • ئەمۆکسیسیلین .
  • ئەمپیسیلین.
  • کلیندامایسین.
  • ئیریثرۆماسین.
  • نترۆفورانتیین.

لێ هەردەمێ بەرسڤا دەرمانى نەبوو، دبت نۆژدار بەر ل نشتەرگەریێ بکت لێ  ژبەر مەترسیا ئەنجامدانا نشتەرگەریا پودیا ژنا ب دووگیان، دڤیا بڕیار یا نۆژدارێ تایبەتمەند یێ ددانا بت.

ل دووماهیێ دکتۆر دلبرینى گۆت: پڕانیا حالەتێن هەودانا پودیێ پشتى ژ دایکبوونێ د زڤڕن شێواز و حالەتێ خوە یێ سرۆشتى و هەگەر بەردەوامى گرت، دڤیا سەرەدانا نۆژدارێ ددانا بهێت کرن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *