د. ئیمان سه‌دیق: یا باش نینه‌ به‌رى ژڤانێ ژدایكبوونێ نشته‌رگه‌رى بهێته‌ كرن

نوش نیوز، له‌زگین جوقى:

رێڤه‌به‌را نه‌خۆشخانا ژنان و زارۆكبوونێ ل دهۆكێ دیاركركو هنده‌ك دایك هه‌نه‌ به‌رى ماوێ زارۆكبوونێ هزر د نشته‌گه‌ریێ دا دكه‌ن بۆ هاتنا زارۆى بۆ سه‌ر دونیایێ ئه‌ڤه‌ تشته‌كێ باش نینه‌، چونكو مێلاكا زارۆكى هیشتا دروست نه‌بوویه‌ و دێ نه‌یێ ساخله‌م بیت، چونكو وه‌ختێ دروست یێن هاتنا زارۆى بۆل سه‌ر دونیایێ هێشتا ته‌مام نه‌بوویه‌.

د. ئیمان سه‌دیق، رێڤه‌به‌را نه‌خۆشخانا ژنان و زارۆكبوونێ ل دهۆكێ دیاركركو ئه‌و ژنێن دوگیان یێ هه‌ول دده‌ن یان حه‌ز دكه‌ن به‌رى ماوێ خوه‌ زارۆبوونێ ب رێیا نشته‌گه‌ریێ زارۆیێ خوه‌ یێ نوو بیننه‌ سه‌ر دونیایێ تشته‌كێ باش نینه‌، چونكو هێشتا جگه‌را وى دروست نه‌بوویه‌ و پێدڤیه‌ جگه‌را زارۆكى تمام ببیت، ئه‌و بخوه‌ ژى ده‌مێ دوگیانیێ 40 حه‌فتى نه‌ كو زارۆك 38 هه‌یڤى هه‌تا 40 حەفتی ژ نوو دهێته‌ سه‌ر دونیایێ و كێمتر ژ ڤى ماوه‌ى بۆ ساخله‌میا زارۆكى باش نینه‌، چونكو ئه‌و زارۆیێ كێمتر ژ 38 حەفتیان یان 40 حەفتیان د زكێ دایكێ دا بێته‌ ل سه‌ر دونیایێ بێگومان مێلاكا وى هێشتا ته‌مام نه‌بوویه‌.

ئاشكرا كركو هنده‌ك حاله‌ت هه‌نه‌ گه‌شه‌كرنا زارۆكى رادوه‌ستیت و مه‌زن نابیت و ره‌وشا زارۆكى د زكێ دایكێ دا خراب دبیت دڤى حاله‌تى دا ل دووڤ بریارا نۆشدارى دێ وى زارۆى ئینن سه‌ر دونیایێ و ره‌نگه‌ ئه‌و زارۆ دژیانێ دا نه‌مینت، ئه‌ڤه‌ گه‌له‌ك یا مشه‌یه‌ و هنده‌ك ژن هه‌نه‌ دبێژن من ته‌حه‌مول نه‌مایه‌ و حه‌ز دكه‌ن نشته‌گه‌ریێ بكه‌ن به‌رى بكه‌ڤته‌ ماوێ خوه‌ 40 هه‌یڤیێ دا، داكو زارۆك بهێته‌ سه‌ر دونیایێ، ئه‌ڤه‌ تشته‌كێ باش نینه‌، چونكو ئاریشێن خوه‌ هه‌نه‌ و یا ژ هه‌مویان ژى گرنگتر ئه‌وه‌ ره‌نگه‌ زارۆك نه‌یێ دروست بیت و مێلاكا وى یا دروست نابیت و ئه‌ڤ زارۆكه‌ پێدڤى ب ئوكسجینێ دبیت و دێ دناڤ نه‌خۆشخانێ دا مینیت بۆ ده‌مێ حه‌فتیه‌كێ هه‌تا 10 رۆژان هه‌تا ئه‌و زارۆك دشێت وه‌كو زارۆكێن نورمال هه‌ناسێ بكه‌ت و سرۆشتى ببیت.

زێده‌تر گۆت: ئه‌و زارۆكێ به‌رى 38 حەفتیان یان 40 حەفتیان دهێته‌ ل سه‌ر دونیایێ، دێ بینى ره‌نگێ وى یێ شینه‌ یان گه‌رماتیا له‌شێ وى یا كێمه‌، ئه‌ڤه‌ هه‌موو كارتێكرنێ ل وى زارۆكى دكه‌ن، له‌ورا نابیت دایك به‌رى ماوێ خوه‌ یێ دوگیانیێ هزر ل هاتنا زارۆیێ خوه‌ بۆ سه‌ر دونیایێ بكه‌ت .

ناڤهاتیێ ئه‌وژى ئاشكرا كركو زارۆێ ساخله‌م ئه‌و زارۆیه‌ یێ بكه‌ڤته‌ ماوێ خوه‌ یێ دروست دا كو 38 هه‌تا 40 حەفتی نە و بهێته‌ سه‌ر دونیایێ هنده‌ك حاله‌ت هه‌نه‌ 38 حەفتیان كێمتر ژى دهێنه‌ سه‌ر دونیایێ ئه‌ڤه‌ ئه‌ون یێن هه‌شت هه‌یڤى دا یان حه‌فت هه‌یڤیێ دانه‌ و مانا ڤان زارۆكا گه‌له‌ك یا زه‌حمه‌ته‌ و رێژا مرنێ زێده‌تر دبیت ل ده‌ڤ وان زارۆیان و ئه‌ڤه‌ كه‌س نشته‌گه‌رى ناكه‌ت ب تنێ هه‌كه‌ حاله‌ته‌كێ ته‌نگاڤ نه‌بیت ئه‌وژى مه‌ترسى هه‌بیت لسه‌ر ژیانا زارۆكى و ره‌وشا وى د زكێ دایكێ دا نه‌یا باش بیت، یانژى مه‌ترسى ل سه‌ر دایكێ هه‌بیت و فشارا وێ بلندبیت، ئه‌ڤه‌ دێ دایكێ نه‌چار كه‌ت زارۆیێ خوه‌ بینیته‌ ل سه‌ر دونیایێ.

د.ئیمان صه‌دیق ئاموژگاریێ ل دایكا دكه‌ت به‌رى ده‌مێ خوه‌ یێ دروست هزر د نشته‌گه‌ریێ دا نه‌كه‌ن، داكو زارۆیه‌كێ ساخله‌م ببیت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *