نابیت ژن ڤان نیشانان ب سڤكى وه‌ربگرن

نوش نیوز:

هنده‌ك ئاریشه‌یێن ساخله‌میێ بۆ ژنان په‌یدادبن، سه‌ره‌راى كو ئێشانێن وان د سڤكن، به‌لێ ئاریشه‌یێن مه‌زن ل دووڤدا هه‌نه‌ و ره‌نگى هنده‌ك جارا ئێكسه‌ر په‌یداببن كو به‌رى هینگى چ نیشانێن ئاگه‌هبوونێ نه‌ده‌نه‌ مرۆڤى.

گه‌له‌ك نه‌خوشى بێى ئاگه‌هداریا پێشین تووشى ژنان دبن، ئێشێن دلى بۆ نموونه‌، ره‌نگه‌ نیشانێن وێ ل ده‌ڤ ژنان جوداهى ل گه‌ل یێن زه‌لامان هه‌بیت، هه‌روه‌سان هنده‌ك نه‌خوشیێن دیتر هه‌نه‌ وه‌كو په‌نجه‌شێرا هێلدانكا كو دبیت نیشانێن وێ گه‌له‌ك دژوار دیارنه‌كه‌ن و ل شوونا قێژیا دبیت بێ ده‌نگى دووماهیێ ب ژیانا مرۆڤى بینن.

1-ئێشێن دلى:ل دووڤ ڤه‌كولینه‌كێ كو ل ژلایێ كومه‌لا دلى یا ئه‌مریكى ل سه‌ر هزار ژنان هاتبوو كرن دیاربوو كو ب تنێ 18% ژ ژنان پێزانین ل سه‌ر تووشبونێ ب نه‌خۆشیێن دلى هه‌نه‌. پتریا ژنان نه‌دزانى كو ل گه‌ل نیشانێن ئێشێن دلى وه‌كو ئێاشنێن دژوار ل شینگى كو ژ ستوى ده‌ستپێدكه‌ن هه‌تا دگه‌هنه‌ ناڤ ملان و ده‌ستان، هنده‌ك نیشانێن دیتر ژى په‌یدادبن وه‌كو بێهنته‌نگى و خوهدانه‌كا سار. وان نه‌دزانى كو ژبلى ڤان نیشانان هنده‌ك نیشانێن دیتر ژى یێن ئاگه‌هلێبوونێ هه‌نه‌، پێدڤیه‌ ل سه‌ر ده‌زگایێن ساخله‌میێ ژى نوشداران تێبگه‌هینن كو نیشانێن نه‌خۆشیێن دلى ل ده‌ڤ ژنان جوداهى ل گه‌ل نیشانێن زه‌لامان هه‌نه‌ و نیشان ل ده‌ڤ ژنان بڤى ره‌نگینه‌:

* ئێشانه‌كا سڤك ل ده‌ستى و پشتێ و سه‌رێ زكى و ده‌ڤى و گه‌وریێ په‌یدادبیت.

* بێهنته‌نگى، عێلنجى، گێژبوون، ئێشانا سه‌رى، هه‌ستكرن ب بێئارامیێ، ئاگه‌ه ژ خۆ نه‌بوون.

یا پێدڤیه‌ ل سه‌ر هه‌ر ژنه‌كێ ل ده‌مێ ئه‌ڤ نیشانه‌ ل ده‌ڤ په‌یدادبن، ئێكسه‌ر بهێته‌ ڤه‌گوهاستن بۆ نه‌خوشخانێ، هه‌روه‌سان حه‌به‌كا ئه‌سپرین بخۆت، ب هێجه‌تا نه‌زانینێ یان هه‌ستكرن ب ساخله‌مبوونێ خۆ گیرونه‌كه‌ و زوو قه‌ستا پشكا ته‌نگاڤیان ل نه‌خوشخانێ بكه‌ن.

ده‌مێ ئێشه‌كا دلى په‌یدادبیت، ده‌مى مفایه‌كێ مه‌زن هه‌یه‌ بۆ كونترولكرنا نه‌خۆشیێ و هه‌ر ده‌لیڤه‌یه‌ك ژ گیروبوونێ دێ چاره‌سه‌ریێ ژى گیروكه‌ت، ئانكو دێ زیانێ ل دلى كه‌ت و ره‌نگه‌ ببیته‌ ئه‌گه‌ر ده‌رمان ژى زوو رولێ خۆ نه‌بینن و چاره‌سه‌رى ب زه‌حمه‌ت بكه‌ڤیت.

یا پێدڤیه‌ ل سه‌ر ژنان بزانن كو خوپاراستن باشتره‌ ژ چاره‌سه‌ریێ، به‌لێ ئه‌ڤه‌ چاوا؟

ئێكه‌م جار پێدڤیه‌ ده‌م بۆ ده‌مى پشكنینێن گشتى بۆ خۆ ئه‌نجام بده‌ى، یا ل سه‌ر نوشدارى ژى پێدڤیه‌ مێژوویه‌كێ بۆ وێ دیاربكه‌ت كو ببیته‌ مێژوویا وێ یا ساخله‌میێ كو ل وێ رۆژێ ژن هه‌موو پشكنینان بكه‌ت و فشارا خوینا خۆ و ئاستێ كولیسترولى و روینێن دیتر بزانیت و بزانه‌ تووشبۆنا ته‌ ب نه‌خوشیه‌كا دلى دێ پتر بیت هه‌كه‌ تو جگاركێش بى، یان كه‌تبیه‌ د ژیێ بێ هیڤیبوونێ دا، یان ل ده‌مێ تووشى نه‌خۆشیا شه‌كرێ یان بلندبوونا فشارا خوینێ ببیت و چ چالاكیێن وه‌رزشى نه‌بن و یا قه‌له‌و بیت یان ل مال دا هنده‌ك نه‌خوش هه‌بن.

هه‌روه‌سان رێیه‌كا دیتر ژى هه‌یه‌ كو نوشدار ب كاربینیت بۆ ده‌ستنیشانكرنا نه‌خۆشیێن دلى، ئه‌وژى راهێنانێن وه‌ستیانێ نه‌ كو ره‌نگه‌ گه‌له‌ك یا باوه‌رپێكرى بیت ده‌رباره‌ى ژنان، ژبه‌ركو هنده‌ك جاران ئه‌نجامێن وێ د خه‌له‌ت بن له‌ورا نوشدار دێ ئه‌نجام ده‌ت، به‌لێ دبیت ئه‌نجامێن وێ ب گرنگى وه‌رنه‌گریت.

هه‌كه‌ نوشدارى هه‌موو پشكنین بۆ ژنێ كرن و دیاربوو كو یا تووشى نه‌خۆشیه‌كا دلى بووى، پێدڤیه‌ ژن ب هه‌ڤكاریا نوشدارى فاكته‌رێن مه‌ترسیدار كێم بكه‌ت، بلا ژن با ب هیڤى بیت و پشته‌ڤان بیت و بزانیت نوشدارى ب تنێ شیان نینن چاره‌سه‌ریا وێ بكه‌ت و دڤێت ئه‌وژى هاریكاربیت، هه‌كه‌ جگاركێش بیت جگاره‌یان بهێلیت و هه‌كه‌ یا سست و خاڤ بیت بلا وه‌رزشێ بكه‌ت و خوارنێن ساخله‌م ب هه‌لبژێریت.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *