تایبه‌تمه‌نده‌كێ نه‌خۆشیێن زارۆیان: ئه‌و جهێ ڤایرۆسێ كۆرۆنایێ ل سه‌ر كار دكه‌ت ل ده‌ڤ زارۆیان چێنه‌بووینه‌

نوش نیوز، لەزگین جوقی:

تایبه‌تمه‌نده‌كێ نه‌خۆشێن زارۆیان دیاركركو پتریا زارۆیان چو نیشانێن كۆرۆنایێ ل ده‌ڤ دیارنابن هه‌كه‌ هه‌لگرێ نه‌خۆشیێ ژى بیت د ڤى حاله‌تى دا دایك وباب و خێزانا وى زارۆكى نزانن ئه‌و زارۆ هه‌لگرێ نه‌خۆشیێ یه‌ و هه‌مبێز دكه‌ن و ئه‌ڤه‌ دبیته‌ ئه‌گه‌ر كۆرۆنا ژ زارۆى بۆ مرۆڤێ مه‌زن بهێته‌ ڤه‌گوهاستن لێ هه‌تا نوكه‌ ل جیهانێ هه‌موویێ زارۆ كێمتر ژ مرۆڤێ مه‌زن تووشى كۆرۆنایێ دبن.

د. نزار به‌كر، تایبه‌تمه‌ندێ نه‌خۆشیێن زارۆیان و رێڤه‌به‌رێ نه‌خۆشخانا هیڤى یا زارۆیان دیاركر كو هنده‌ك تشتێن دلخوشكه‌ر بۆ زارۆیان هه‌نه‌ بۆ به‌رهه‌نگاریا نه‌خۆشیا كۆرۆنایێ ئه‌وژى رێژا دهێته‌ زارۆیان به‌رامبه‌ر كه‌سێن مه‌زن زۆر یا كێمه‌ ئه‌ڤ نه‌خۆشیا گه‌له‌ك سڤكتر دهێته‌ زارۆكان هه‌تا نوكه‌ هه‌ر پێزانێن به‌رده‌وام یێ دهێنه‌ دان و ڤه‌گولینن ژى یێ دهێنه‌ كرن چه‌ند دچیت دلخوشكه‌ر دبن ده‌ڤ زارۆكان هه‌تا نوكه‌ كێمتره‌ ژ كه‌سێن مه‌زنن و ده‌مێ زارۆكه‌ك تووشى كۆرۆنایێ ژى دبیت بتایبه‌تى ژى یێن ژیێن وان دبن 10 سالى دا گه‌له‌ك سڤكتر تووش دبنێ.

ئاشكه‌را كر كو ئه‌و زارۆیێن هنده‌ك كێشه‌یێن دى یێن ساخله‌میێ هه‌ین ئه‌و پتر تووشى نه‌خۆشیا كۆرۆنایێ دبن ئه‌و زارۆیێن ساخله‌م زۆر كێم ل هه‌موو جیهانێ ژى تووشى كۆرۆنایێ بووینه‌ هه‌تارێژا مرنێ ژى ده‌ڤ زارۆیان یاكێمه‌ پتریا زارۆكیێن تووشى كۆرۆنایێ دبن چوو نێشان ده‌ڤ دیارنینن ئه‌ڤ زارۆك بنه‌ ئه‌گه‌رى ڤه‌گوهاستنا ڤایرۆسێ كۆرۆنایێ بۆ كه‌سێن مه‌زن چونكو هه‌كه‌ زارۆكێ نێشان ده‌ڤ نه‌بن دایك وباب و خێزانا وێ نوزانن دێ وێ زارۆكێ هه‌مبێز كه‌ن ئه‌ڤه‌ یا مه‌ترسیێ یا هه‌كه‌ زارۆ هه‌لگرێ نه‌خۆشیێ بیت چو نێشان ده‌ڤ نه‌بن دێ نه‌خۆشی ڤه‌گوهیزت دناڤ خێزانا خوه‌ دا .

د. نزار به‌كر ئه‌وژى دیاركر كو نیشانێن كۆرۆنایێ ده‌ڤ زارۆیان ژى به‌هرا پتر نیشان دیارنینن هه‌كه‌ نیشان دیار ژى بن پتریا وان نیشانان وه‌كو یێن مرۆڤێ مه‌زنن ئه‌وژى تا و كۆخكه‌كا هشك زارۆكى بێ هێز دكه‌ت ودلرابوون و زكچوون و پلا گه‌رماتیێ ژى هه‌تا كۆرۆنا دبیته‌ ئه‌گه‌رێ هندێ هه‌ودان د ده‌مارێن خوینێ دا چێدبن و ناهێلن خوین بچیته‌ پیستى وهنده‌ك جاران پنى ده‌ردكه‌ڤن، لێ هه‌تا نوكه‌ چاره‌سه‌ریا دروست نه‌هاتیه‌ دیتن یا ژ هه‌موویێ گرنگتر خوه‌ پاراستنه‌ ژ نه‌خۆشیا كۆرۆنایێ.

ئاماژه‌ دا وێ چه‌ندێ ژى كو باشتره‌ زارۆك بهێته‌ فێركرن لسه‌ر پاقژیێ و ده‌ستشووشتنێ ب سابوون وئاڤێ یان ژى كحولى رێژا وێ 65% پتر بیت ونابیت زارۆك بچیته‌ جهێن قه‌ره‌بالغ و تێكه‌لیێ بكه‌ت و پێدڤیه‌ كه‌مامه‌ و ده‌ستگورك بهێنه‌ بكارئینان و هه‌كه‌ زارۆكى ببه‌نه‌ جهه‌كێ زۆر گرنگ ژى وهه‌مبێز كرن ژى نابیت بهێته‌ كرن داكو نه‌خۆشى نه‌هێته‌ ڤه‌گوهاستن.

زێده‌تر گۆت: گه‌له‌ك ڤه‌كۆلین هاتینه‌ كرن كا بۆچى زارۆك كێمتر تووشى كۆرۆنایێ دبن ئه‌و جهێ ڤایرۆسى كۆرۆنایێ لسه‌ر شوول دكه‌ت ل ده‌ڤ زارۆیان چێنه‌بوویه‌، ژبه‌ر هندێ ده‌مێ ڤایرۆس دچیته‌ حه‌ڤكێ دا و دچیته‌ دناڤ سیهێن وى دا ئه‌و جهێ ڤایرۆس لێ شوول دكه‌ت هێشتا چێنه‌بوویه‌ وهنده‌ك دبێژن به‌رگریا زارۆكى یا چێبوونێ دا ده‌مێ ڤایرۆس دهیتى شه‌رى ناكه‌ت و ده‌مێ شه‌ر نه‌هێته‌ كرن دناڤبه‌را سیسته‌مێ به‌رگریێ وڤایرۆسى دا هه‌ر وه‌كو هه‌كه‌ بێژن شه‌ره‌ك بهێته‌ كرن جهه‌ك بێ به‌ره‌ڤانیكرنێ بهێته‌ ستاندن زیان دێ كێمتربن ل وى جهێ به‌ره‌ڤانیێ نه‌كه‌ت، ئه‌ڤه‌ ژى وه‌سایه‌ كو سیسته‌مێ به‌رگریا مرۆڤێ مه‌زن شه‌رێ ڤایرۆسێ دكه‌ت و دبیته‌ شه‌ر دناڤبه‌را سیسته‌مێ به‌رگریى َو ڤایرۆسى دا و دبیته‌ ئه‌گه‌ر هه‌ودان چێدبن وچه‌ند ڤه‌كۆلینێن دى هه‌نه‌ دیاردكه‌ن كو كۆرۆنا كێمتره‌ ل ده‌ڤ زارۆیان.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *