ئه‌ڤ خوارن و ئامانه‌ نابیت د مایكروویفێ دا ب كاربینى

نوش نیوز:

گه‌له‌ك كه‌س هه‌نه‌ خوارنێ ب رێیا میكروویفێ گه‌رم دكه‌ن ژبه‌ر نه‌بوونا ده‌مى، هنده‌ك ژوان كه‌سان هنده‌ك ئامانان ب كاردئینن كو نابیت خوارنێ بكه‌نه‌ تێدا، ئه‌ڤه‌ژى دبیته‌ ئه‌گه‌ر زیانێن ب مه‌ترسى لسه‌ر ساخله‌میا وان په‌یداببن.

ل دووڤ راپورته‌كێ كو ل سایتێ ( ریدیرز دایگست) هاتیه‌ به‌لافكرن دیاردبیت كو هژماره‌ات زوور یا خوارنا نابیت دناڤ میكروویفێ دا بهێنه‌ گه‌رمكرن، ژبه‌ركو هنده‌ك كه‌رستێن كیمیاوى ژێ ده‌ردكه‌ڤن ژوان ژى:

• حه‌لاندنا گۆشتى: میكروویف دشێت لایێن گۆشتى ب سوژیت، به‌لێ نیڤه‌كا وى وه‌كو خوه‌ دمینیت، ئه‌ڤه‌ژى رێكێ ه‌دكه‌ت كو به‌كتریایێن ب زیان وه‌رارێ بكه‌ن.

• فێقیێ جه‌مه‌دگرتى: ده‌مێ فێقیێ جه‌مه‌دگرتى دناڤ میكروویفێ دا دهێته‌ دانان كه‌رستێن وێ ژ ئه‌كسیدى بو كه‌رستێن په‌نجه‌شێرێ.

• هێك: شاره‌زایێن خوراكیێ هوشداریێ دده‌ن ژ مه‌ترسیا دانان هێكا دناڤ میكروویفێ دا، ژبه‌ركو ئه‌و دبیته‌ ئه‌گه‌رێ پێكئینانا كه‌رستێن ژه‌هراوى، ئه‌ڤ چه‌نده‌ ژى كارتێكرنێ ل كۆئه‌ندامێ هه‌رسكرنێ دكه‌ت.

• شیر: هنده‌ك ڤه‌كولینێن نوشدارى شیره‌تان دكه‌ن كو شیرى دناڤ میكروویفێ دا گه‌رم نه‌كه‌ن، چونكو گه‌له‌ك ژ مفایێن خوه‌ ژده‌ست دده‌ت.

• ئامانێن پلاستیكى: گه‌له‌ك ژ ئامانێن پلاستیكى ژ كه‌رستێن كیمیاوى پێك دهێن، ئه‌و كه‌رسته‌ دشێن بچنه‌ دناڤ خوارنێ دا ده‌مێ پلاستیك گه‌رم دبیت، هه‌كه‌ تو تشتێ ڤه‌خوارنێ ب رێیا كوپێن پلاستیكى گه‌رم دكه‌ى، پێدڤیه‌ راسته‌وخو وى كارى بهێلى.

• ئامانێن فلینى: ئه‌ڤ جورێ ئامانا دشێت كه‌رستێن كیمیاوى ڤه‌گوهێزنه‌ ناڤ خوارنا ته‌ ده‌مێ كه‌ل دبن، باشتره‌ خوارنێ دناڤ ئامانێن شووشه‌ى دا ب كاربینى ل شوونا وان.

• كوپێن كه‌ڤن: هنده‌ك كوپێن كه‌ڤن ژ هنده‌ك كه‌رستێن ب مه‌ترسى پێك دهێن وه‌كو ، رساس، كانزایێن گران، له‌ورا هندى دشیان دابیت كوپێن كه‌ڤن نه‌كه‌ننه‌ دناڤ میكروویفێ دا.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *