شه‌ش خوارن نابیت ب شه‌ڤ بهێته‌ خوارن

نوش نیوز:

سایتێ (Health) یێ ئه‌مریكى راپورته‌ك به‌لاڤكریه‌ و تێدا دیاركریه‌ نابیت شه‌ش جورێن خوارنێ ب شه‌ڤێ بهێنه‌ خوارن، چونكو دبنه‌ ئه‌گه‌رێ سۆتن و به‌رسوژێ د گه‌ده‌ى دا و ئاریشه‌یێن هه‌رسكرنێ په‌یدادكه‌ن و كارتێكرنێ ل نڤستنێ دكه‌ن.

وى سایتى د راپورتا خوه‌ دا گۆتیه‌ كو خوارنا شیڤێ یا سه‌ره‌كى یه‌ و نابیت پشت گوه بهێته‌ هاڤێتن یان ب خوارنێن نه‌ساخله‌م بهێته‌ گوهارتن.
یا پێدڤیه‌ كو خوارنێن شه‌ڤێ كێم پلێن گه‌رماتیێ (كالورى) دناڤدا هه‌بن، چونكو دبیته‌ ئه‌گه‌ر كاریگه‌ریێ لسه‌ر جورێ نڤستنێ و كریارا هه‌رسێ و هێزا له‌شى و مه‌ژى بكه‌ن ل رۆژا ددوڤ دا.

سایتێ ناڤبرى دبێژیت: ئاریشا مه‌زن ئه‌وه‌ خه‌لك نزانن ل شێڤێ چ بخوون، له‌ورا سه‌نگێ وان زێده‌دبیت و ئاریشێن ساخله‌میێ بو په‌یدادبن، به‌لێ یا نورماله‌ شیڤ بهێته‌ خوارن، ژ بو نه‌هێلانا ئاریشان ژى پێدڤیه‌ بزانن كو چ خوارن دڤێت ب شه‌ڤ نه‌هێته‌ خوارن و ب ڤى ره‌نگى:

1- نابیت (معجنات) هه‌ڤیركارى بهێنه‌ خوارن، چونكو ژێده‌ره‌كێ سه‌ره‌كى یێ كاربوهیدرانه‌ و ب رۆژێ خورانا دروسته‌، چونكو هێزا پێدڤى دده‌نه‌ له‌شى و مرۆڤى چالاك دكه‌ن، به‌لێ ب شه‌ڤێ هه‌سته‌كا نه‌خۆش په‌یدادكه‌ن و مرۆڤى ئالوز و قه‌له‌و دكه‌ن.

2- سارده‌مه‌نى ژى نابیت ب شه‌ڤ بهێنه‌ خوارن، چونكو شه‌كر و روینێن تویركرى و زێده‌هیێن خوارنێ دناڤدا هه‌نه‌ و دبنه‌ ئه‌گه‌ر سه‌نگ زێده‌ببیت و جورێ نڤستنێ تێك بچیت، سارده‌مه‌نى ب شه‌ڤێ هه‌رسكرنا خوارنێ تێك دده‌ن و زكى دوه‌رمینن و كوئه‌ندامێ ده‌ماران تێك دده‌ن و دئه‌نجامدا به‌رسۆژ په‌یدادبیت و ئاستێ گلوكوزى زێده‌دبیت و مرۆڤ نه‌شێت خه‌وه‌كا خۆش بكه‌ت.

3- په‌نیر و خوارنێن ژ په‌نیرى پێكهاتى نابیت گه‌له‌ك بهێنه‌ خوارن به‌رى نڤستنێ، سه‌ره‌راى كو گه‌له‌ك ب مه‌ترسى نینن، به‌لێ زكى گران دكه‌ن و ئاریشا دنڤستنێ دا په‌یدادكه‌ن، په‌نیر یێ پێكهاتیه‌ ژكه‌رستێ (تیرامین) كو ترشیه‌كێ ئه‌مینى یه‌ و كارتێكرنێ ل وان هورمونان دكه‌ت یێن هاریكاریێ دنڤستنێ دا دكه‌ن، هه‌روه‌سا ئه‌و روینێن دناڤ په‌نیرى دا هه‌ین زوى هه‌رس نابن و هه‌ودانا د مه‌عیده‌ى دا په‌یدادكه‌ن.

4- یا پێدڤیه‌ خوه‌ ژ بهارات و ساسێن تویژ ب شه‌ڤێ ب پارێزن، سه‌ره‌راى كو تامه‌كا خۆش دده‌نه‌ خوارنێ، به‌لێ په‌رژانێ مه‌عیده‌ى تێك دده‌ن و ئێشانا مه‌عیده‌ى په‌یدادكه‌ن و هه‌رده‌م مرۆڤ دێ هه‌ست ب سۆتنێ كه‌ت و ئاریشه‌یێن هووركرنا خوارنێ ژێ په‌یدادبن.

5- قه‌رنه‌بیت ژ خوارنێن ساخله‌مه‌، چونكو كێم كالورى دناڤدا هه‌نه‌ و كوالیتیه‌كا باش بو خوارنێ هه‌یه‌، به‌لى باشتره‌ ب شه‌ڤ نه‌هێته‌ خوارن، چونكو دبیته‌ ئه‌گه‌رێ په‌یدابوونا په‌یدابوونا ( غازاتا) و ب زه‌حمه‌ت كه‌تنا كریارا هه‌رسكرنا خوارنێ چونكو زێده‌ روین دناڤدا هه‌نه‌ و خه‌وا مرۆڤى تێك دده‌ن و وه‌ستیانێ په‌یدادكه‌ن و مه‌ژیێ مرۆڤى چالاك دكه‌ن و مرۆڤ هه‌ست ب نڤستنێ ناكه‌ت.

6- نابیت ب چو ره‌نگه‌كى گوشتێ ئاژه‌لى و ده‌ستكرد بهێته‌ خوارن، چونكو ژبلى كو خه‌وێ نه‌خۆش دكه‌ن دبنه‌ ئه‌گه‌رێ قه‌له‌ویێ.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *