دورێن 10 هزار سامپلان ب شێوه‌یه‌كێ هه‌ره‌مه‌كى ل دهۆكێ هاتینه‌ وه‌رگرتن

نوش نیوز:

به‌رپرسێ وه‌رگرتنا نموونه‌یێن پشكنینا كۆرۆنایێ ل ساخله‌میا دهۆكێ دیاركركو ل سه‌رانسه‌رى پارێزگه‌ها دهۆكێ زێده‌تر ژ 9900 سامپلان ژ وه‌لاتیان و خۆدانكار و جهێن هه‌مه‌جۆر هاتینه‌ وه‌رگرتن بۆ پشكنینا كۆرۆنایێ.

د. عه‌بدوللا حسێن، به‌رپرسێ وه‌رگرتنا نموونه‌یێن پشكنینا كۆرۆنایێ دیاركر ل دو پلانا رێڤه‌به‌ریا گشتى یا ساخله‌میا پارێزگه‌ها دهۆكێ ده‌ست ب پشكنینێن هه‌ره‌مه‌كى هاتیه‌ كرن و هه‌تا نوكه‌ زێده‌تر ژ 9900 سامپلان ژ جهێن جۆدا دناڤ خه‌لكى دا هاتینه‌ وه‌رگرتن بۆ پشكنینا كۆرۆنایێ ژوانا ژى 5000 سامپل ژ ناڤ سه‌نته‌رێ دهۆك یێن هاتینه‌ وه‌رگرتن و 800 ل سێمێلێ یێن هاتینه‌ وه‌رگرتن و 1500 ل قه‌زا زاخۆ و 500 ل شێخان و 600 ل به‌رده‌ره‌ش و 1500 سامپل ژى ل ئاكرێ یێن هاتینه‌ وه‌رگرتن.

زێده‌تر گۆت ده‌ست ب ئه‌نجامدانا پشكنینێن هه‌ره‌مه‌كى بۆ وه‌لاتیان ژبه‌ر نه‌خۆشیا كۆرۆنایێ هاته‌ كرن دێ ل هه‌موو جه و ده‌ڤه‌ران پشكنینێن عشوائى بۆ وه‌لاتیان هێنه‌ ئه‌نجامدان، ب تایبه‌ت ل جهێن دبنه‌ قه‌ره‌بالغ وه‌كو مۆل وبازارێن گشتى و جهێن فرۆتنا كه‌ره‌ستێن هه‌مه‌جۆر ل ناڤ بازارى ئه‌ڤه‌ ژى بۆ پشتراستبوونێ یه‌ ژ نه‌خۆشیا كۆرۆنایێ كا دناڤ وه‌لاتیان دا هه‌یه‌ یان نه‌ و ئه‌م دێ شێوه‌یه‌كێ به‌ره‌فره‌ه پشكنینان ل هه‌موو جه و ده‌ڤه‌ران ئه‌نجام ده‌ین.

ئاشكه‌را كر كو تیمێن ساخله‌میا دهۆكێ رۆژانا ل ده‌ڤه‌ر و جهێن جۆدا دگه‌رن بۆ وه‌رگرتنا سامپل ژناڤ وه‌لاتیان و جهێن كاركرنێ بۆ هندى پشكنینێن كۆرۆنایێ بهێنه‌ ئه‌نجامدان داكو ژ ڤێ نه‌خۆشى پشت راست بن كا ناڤ خه‌لكێ دا هه‌یه‌ یان نه‌ وبباشیى ره‌وشێ بزانن داكو ئه‌ڤ نه‌خۆشیا بهێته‌ سنۆرداركرن ونه‌هیلن ناڤ وه‌لاتیان دا به‌ربه‌لاڤ ببیت وداخازى ژ هه‌موو وه‌لاتیان دكه‌ین پتر هه‌ڤكاربن و پێگیریێ رێنمایێن ساخله‌میێ بكه‌ن وبیێ كه‌مامه‌ و ده‌ستگورك قه‌ستا وان جهێن قه‌ره‌بالغ نه‌كه‌ن.

زێده‌تر نیشان بده‌

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *